Dhɛk 12:5 - RUAC KUƆTH IN RƐL RƆ

⁵ Kä bi thok duëël Juda ruac kä rɔ̱ i̱, ‘Ji̱ Jɛ-ru-tha-lɛm cikɛ buɔ̱m kɛ kui̱ Kuɔth Nhial in la Ruey Ɣɔaa Kuothdiɛn.’

Dhɛk 12:5 Iomraidhean Croise

Diit 144:1

Puɔ̱th akɛ Kuoth Nhial in la gääŋdä, mëë ci ɣä ŋi̱eec kɛ ko̱r, kä ci ɣä nyuɔ̱ɔ̱th kɛ tër köör.

Diit 18:32

Ɛn Kuoth ɛmɛ ɛ gääŋdä mi bum, jakɛ duɔ̱pkä kä tekɛ mal.

Diit 18:39

Kä ci ɣä moc kɛ buɔ̱m köör, kä ci ɣä ka̱m juc ji̱ tɛ̈rä.

Diit 46:1

Kuoth ɛ gääŋdan kä ɛ buɔ̱mdan, kä la luäkɛ naath kɛ rik.

I-ca-yaa 1:10

Liɛŋɛ ruac Kuɔth Nhial, lö yɛn nɛy tin ce̱tkɛ ruëëc Thɔ-dɔm! Liɛŋɛ ŋi̱i̱c Kuɔthda, lö yɛn nɛy tin ce̱tkɛ ji̱ Go-mo-ra!

I-ca-yaa 1:23

Ruëëcku ci kɛ kac raar, kä kɛ buɔ̱n kuëëli. Kɛn diaal nhɔakɛ ni kök, kä görkɛ ni muc. /Ci kɛn rɛɛt käm cuɔ̱ɔ̱ŋdɛ, kä /ci luk ciëk jɔkä cup nhiamdiɛn.

I-ca-yaa 1:26

Bä ji̱ luɔ̱c ruëëcku ce̱tnikɛ ni̱n tëë nhiam, kä bä ji̱ luɔ̱c nɛy tin la luëkɛ ji̱, ce̱tnikɛ ni̱n tëë kɔn. Kɛ kɔrɛ ba ji̱ cɔli wec cuŋni, wec mi tekɛ ŋa̱th.”

I-ca-yaa 28:5

Ɛn cäŋ ɛmɔ, bi Kuoth Nhial in la Ruey Ɣɔaa a wuɔ̱t kumä kuäärä, bɛ la tik wutdä mi gɔaa, kä duɔth nɛɛnikɛ.

I-ca-yaa 28:6

Kä bɛ la yiëë thukä kä ram mi lat thuɔ̱k, kä bɛ la buɔ̱m kä nɛy tin ba ko̱r ben loc ni puɔ̱ɔ̱ny wec.

I-ca-yaa 29:10

Kɛ ɣöö ci Kuoth Nhial yɛ wuɔ̱c yiëë ni̱en mi di̱i̱t, kä cɛ wäŋ göökni kum, kä cɛ cär ti̱tni kum.

I-ca-yaa 32:1

Nɛnɛ bi kuäär kuɔ̱m kɛ cuŋ, kä bi bööth ruëc kɛ thuɔ̱ɔ̱k.

I-ca-yaa 45:24

Kä bi naath ruac kɛ kui̱dä ɛn ɣöö, cuɔ̱ɔ̱ŋ kɛnɛ buɔ̱m bäkɛ kä Kuoth Nhial. Kä nɛy diaal tin gak kɛ ɣä, ba kɛn diaal jak kä po̱c.

I-ca-yaa 60:17

Kä kɛ gua̱a̱th cikä min yian bä nööŋ ni da̱a̱p, kä kɛ gua̱a̱th ladiitdä bä nööŋ ni ciɛk in bo̱r, kä kɛ gua̱a̱th jiɛn bä nööŋ ni ciɛk in yian, kä kɛ gua̱a̱th guiiyni bä nööŋ ni ladiit. Bä nɛy tin yakɛ yɛ jakä tekɛ mal, kä bä ruëëckun jak kä ruec kɛ cuŋ.

Bok Go̱kä ni Yir-mɛ-yaa 30:21

Bi kuäär ben ni kä kɛ, kä bi rueec päl ni rɛydiɛn. Ɣän bä jɛ ti̱ec thiekä mi wa̱a̱ jɛ wä cɔl, kɛ ɣöö ɛŋa mi dee ben thiekä kä ɣä ɛ /ka̱n jɛ cɔl?

Bok Go̱kä ni Yir-mɛ-yaa 33:26

Ɣän bä kar Je-kɔb kɛnɛ Dee-bid ja̱ŋdä cu lo̱k. Thilɛ ram mi bä lɛ kuany kä jɛ mi bi kar A-bɛ-ram kɛnɛ Ay-dhɛk kɛ Je-kɔb ruac. Kɛ ɣöö ɣän bä kɛ luɔ̱c gɔɔydiɛn kä bä tekɛ kɔ̱a̱c lɔaac kɛ kɛ.” Ruac ni ɣän Kuoth Nhial.

Yo-el 3:16

Kuoth Nhial tuɔ̱kɛ ni kä Dha-yɔn, kä päl jɔwdɛ ni kä Jɛ-ru-tha-lɛm, cɛ nhial kɛnɛ piny cu lath. Duundɛ ɣöö Kuoth Nhial ɛ gua̱th luäkä kä nɛɛkɛ, ɛ köt mi bum kä ji̱ I-thɛ-rɛl.

Dhɛk 10:12

Ɣän bäkɛ jak kä bum, kä ba ɣä pal ɛ kɛn.”

Dhɛk 10:6

“Ɣän bä ji̱ Juda jak kä bum, kä bä ji̱ I-thɛ-rɛl luäk. Kä bäkɛ luɔ̱ɔ̱c jɔk kɛ ɣöö ta̱a̱ kɛ nhök kɛ kɛ, kä bikɛ ce̱tnikɛ mi /ka̱n kɛ kɔn lo̱k, kɛ ɣöö ɛ ɣän Kuoth Nhial ni Kuothdiɛn ɣän bä paliɛn liŋ.

Dhɛk 12:4

Kä ɛn cäŋ ɛ mɔ, ɣän bä jiöŋkööri diaal moc kɛ mi bɛc, kä bä nɛy tin kɔatkɛ kɛ jak kä yɔ̱a̱ŋ. Kä bä ciëëŋ Juda guic, kä bä jiöŋkööri dööri diaal jak kä ciöör.

Dhɛk 12:6

“Kä ɛn cäŋ ɛ mɔ, ɣän bä thok duëël Juda jak kä ce̱tkɛ mac rɛy ruɔ̱ɔ̱p, kä ce̱tkɛ bo̱l maac rɛy burä. Bikɛ kui̱c cuëëc kɛnɛ kui̱c caam kɛ nɛy diaal tin thieek kɛ kɛ dup. Kä bi Jɛ-ru-tha-lɛm ŋot guäthdɛ.

Dhɛk 14:14

Amäni Juda bɛ nyiëëny kɛ Jɛ-ru-tha-lɛm. Kä bikɛ ria̱ŋ dööri diaal ma̱a̱t, da̱a̱p mi di̱i̱t kɛ ciɛk in bo̱r kɛ bieyni ti ŋuan.

Ruëëc 5:9

Liakɛ Kuoth Nhial, kɛ ɣöö tɛth lɔcdä kɛ ruëëc I-thɛ-rɛl kɛnɛ nɛy tin cikɛ guɔ̱ɔ̱r.