Dhɛk 12:4 - RUAC KUƆTH IN RƐL RƆ

⁴ Kä ɛn cäŋ ɛ mɔ, ɣän bä jiöŋkööri diaal moc kɛ mi bɛc, kä bä nɛy tin kɔatkɛ kɛ jak kä yɔ̱a̱ŋ. Kä bä ciëëŋ Juda guic, kä bä jiöŋkööri dööri diaal jak kä ciöör.

Dhɛk 12:4 Iomraidhean Croise

1 Kua̱r 8:29

A waŋdu guic luak ɛ mi kɛ wäär kɛnɛ cäŋdäär, gua̱a̱th in ci lar i̱, ‘Bi ciötdä te thi̱n,’ kɛ kui̱c ɛmɔ liŋ pal jäŋädu mi palɛ a cɛ wi̱cdɛ luɔc guäth ɛmɛ.

2 Kua̱r 6:14

Cuɛ jio̱o̱k kɛnɛ thurbiɛɛli kɛ rɛm mi di̱i̱t jäk kä ɛn wi̱ni. Cukɛ ben kɛ wäär cua wec ben go̱l.

2 Kua̱r 6:18

Kä min ci ji̱ Thi-ri-ya ben nyieenykɛ kɛ jɛ. Cu Ɛ-li-cä Kuoth Nhial pal wee i̱, “Jak ni nɛy ti̱ti̱ kä cɔr la̱ŋä ni ji̱.” Kä cuɛ kɛ jak kä cɔr ce̱tnikɛ pal Ɛ-li-cä.

2 Kuɛ̈n 6:20

Kä ɛ waŋdu guic luaak ɛ mi kɛ wäär kɛnɛ cäŋdäär, ɛ jɛn gua̱a̱th in ci lar i̱ bi ciötdu te thi̱n. Kä liŋ pal jäŋädu mi palɛ a cɛ wi̱cdɛ luɔc guäth ɛmɛ.

2 Kuɛ̈n 6:40

Kä täämɛ lö Kuothdä, guic nɛy kä liŋ pal ɛ palkɛ mi ɛn guäth ɛmɛ.

2 Kuɛ̈n 7:15

Kä täämɛ bi waŋdä te luaak ɛmɛ, kä bä pali diaal tin palkɛ thi̱n liŋ.

Nɛ-ɣɛm-yaa 1:6

päli ji̱thku piny, kä lɛp nyinku kɛ ɣöö bi pal jäŋädu liŋ mi palä mi täämɛ nhiamdu kɛ cäŋdäär kɛnɛ wäär kɛ kui̱ ja̱a̱ŋniku ni ji̱ I-thɛ-rɛl. Ɣän latdä dueerkɔ kɔn ji̱ I-thɛ-rɛl tëë cakɔ duer ji̱. Dueer tëë cä la̱t kɔnɛ dhɔr gua̱a̱r.

I-ca-yaa 24:21

Ɛn cäŋ ɛmɔ bi Kuoth Nhial buɔ̱m buɔ̱ɔ̱m nhial duäc rɛy puɔ̱ɔ̱rä, kä bɛ kua̱r piɛny duäc piny.

I-ca-yaa 37:17

Päli ji̱thku piny lö Kuoth Nhial, kä li̱ŋni. Kä lɛp wäŋku lö Kuoth Nhial, kä gui̱cni. Kä liŋ ruac Thɛ̈n-ke-rib, min kuethɛ ni Kuoth in tëk.

Bok Go̱kä ni Yir-mɛ-yaa 24:6

Ɣän bä kɛ tit ala ti gɔw, kä bä kɛ luɔ̱c ɛn muun ɛmɛ. Bä kɛ kap nhial, kä /cä kɛ bi da̱k piny. Ɣän bä kɛ pith, kä /cä kɛ bi yuɔ̱t raar.

Yɛdh 38:4

Ɣän bä ji̱ ri̱et kä bä jio̱mku gɔn kɛ yieeth. Kä bä ji̱ buath raar kɛɛl kɛ rɛmdu, kɛnɛ jiöŋkööriku kɛnɛ ji̱kiɛn, tin ca rɔ̱ rony kɛ gi̱ew gi̱eewni ɛ pot, kä ŋuankɛ. Te kɛn diaal kɛ köötni ti di̱t kɛnɛ ti tɔatni kä tekɛ kɛ thɛpni.

Yɛdh 39:20

Wi̱i̱ tokädä, bia mi̱th kɛ ri̱ŋ ji̱ jio̱ŋko̱o̱ri kɛnɛ ri̱ŋ ji̱ thurbiɛɛli, kɛnɛ ri̱ŋ wutni köör tin buɔ̱m buɔ̱ɔ̱m, ruac ni ɣän Kuäär ni Kuoth Nhial.”

Bok Go̱kä ni Da-ni-yel 9:18

Gäŋ ji̱thdu lö Kuothdä, kä liŋ ɣä. Bër lɛp nyinku kä nɛn riɛk in ta̱kɔ thi̱n riɛk wec in pal kɛ ji̱ thi̱n. /Cakɔ ji̱ pal kɛ kui̱ kä ɣöö gɔw nɛy, palkɔ ji̱ kɛ kui̱ kɔ̱cä lɔaacdu min di̱i̱t.

Dhɛk 10:5

Kɛn diaal kɛɛl bikɛ ce̱tnikɛ wäth köör, ti dɔanykɛ ji̱ tɛ̈riɛn kä rɛy tua̱a̱k dup. Bikɛ ko̱r tɛr kɛ ɣöö te Kuoth Nhial kɛɛl kɛ kɛ, a bikɛ jiöŋkööri joc.

Dhɛk 12:11

Ɛn cäŋ ɛmɔ bi pa̱r kä Jɛ-ru-tha-lɛm di̱t ce̱tnikɛ pa̱r Ɣä-dɛ̈d-ri-mon rɛy tɔ̱ɔ̱rä Mɛ-gi-do.

Dhɛk 12:3

Kä ɛn cäŋ ɛmɔ, mi wä döör wec muɔ̱ɔ̱n diaal rɔ mat kɛ makdɛ, ɣän bä Jɛ-ru-tha-lɛm cu jak kä ce̱tnikɛ päm mi thiɛk thiɛk kä döör diaal. Kä nɛy tɔ̱ bi wee kapkɛ jɛ nhialɔ, bikɛ rɔ moc buɔ̱ɔ̱t.

Dhɛk 12:5

Kä bi thok duëël Juda ruac kä rɔ̱ i̱, ‘Ji̱ Jɛ-ru-tha-lɛm cikɛ buɔ̱m kɛ kui̱ Kuɔth Nhial in la Ruey Ɣɔaa Kuothdiɛn.’

Dhɛk 12:6

“Kä ɛn cäŋ ɛ mɔ, ɣän bä thok duëël Juda jak kä ce̱tkɛ mac rɛy ruɔ̱ɔ̱p, kä ce̱tkɛ bo̱l maac rɛy burä. Bikɛ kui̱c cuëëc kɛnɛ kui̱c caam kɛ nɛy diaal tin thieek kɛ kɛ dup. Kä bi Jɛ-ru-tha-lɛm ŋot guäthdɛ.

Dhɛk 14:15

Kä bi juey mi di̱i̱t mi ce̱tkɛ juey ɛ mi ben kä jiöŋkööri, kɛnɛ muɔ̱li, kɛ thɔ̱a̱rɔa̱a̱li, kɛ ley diaal tɔ̱ te wi̱c ji̱ tɛ̈r tɔ̱.

Dhɛk 9:8

Kä ɣän bä cu cieŋ luaakdä ce̱tkɛ gääŋ, kä bɛ cu thil ram mi bi wä kɛ jɛ kiɛ mi bi ben thi̱n. Kä thilɛ ram mi bi nɛɛkä lɛ nyɔk kɛ ciëŋ a jiäk, kɛ ɣöö ɣän cä cuɔ̱c nɛɛnikä nɛn kɛ nyinkä.

Lät Jaakni Yecu 17:30

Cu Kuoth gua̱th tëë kui̱c naath ŋɔaani thi̱n päl, kä duundɛ ɣöö täämɛ lärɛ naath lat gua̱thni diaal kɛ ɣöö bikɛ rɔ ri̱t dueeri.

Ŋuɔ̱t 28:28

Bi Kuoth Nhial yɛ jak kä ciöör kɛnɛ nyuɔɔn wec kɛ yɔ̱ɔ̱ŋ.