Dhɛk 12:2 - RUAC KUƆTH IN RƐL RƆ

² “Ɣän bä Jɛ-ru-tha-lɛm jak kä liɛɛr kɔaŋ mi bi döör diaal tin te thieekädɛ jak kä yɔ̱ŋ. Kä ba Juda go̱l ce̱tnikɛ Jɛ-ru-tha-lɛm.

Dhɛk 12:2 Iomraidhean Croise

Diit 75:8

Kä tet Kuɔth Nhial te liɛɛr thi̱n, thieŋɛ kɛ kɔaŋ mi ca liɔm kɛ wal tin kɔp. Kä bɛ tha̱a̱ŋdɛ tith, kä bi ji̱ dueeri wec muɔ̱ɔ̱n diaal ɛ math amäni nuɔ̱ɔ̱rɛ.

I-ca-yaa 51:17

Jiɛc rɔ jiɛc rɔ, jiecni rɔ cuɔ̱ŋ lö Jɛ-ru-tha-lɛm, ji̱n min ci yɔ̱ŋ kɛ gak Kuɔth Nhial, ci Kuoth ji̱ jak kä maathi jɛ amäni nuɔ̱ɔ̱rɛ, ci jɛ liɛli piny kɛɛliw ɛ ria̱th ni ji̱n.

Bok Go̱kä ni Yir-mɛ-yaa 25:15

Kä nɛmɛ ɛ min ci Kuoth Nhial ni Kuoth I-thɛ-rɛl ɛ la̱r ɣä i̱, “Käni liɛɛr kɔŋä gaakdä nɛmɛ tetädä, kä a jɛ math kɛ ɛ döör diaal tin cä ji̱ jäk kä kɛ.

Bok Go̱kä ni Yir-mɛ-yaa 25:17

Kä cua̱ liɛɛr ka̱n tetdä Kuɔth Nhial, kä cua̱ döör diaal tin cɛ ɣä jäk kä thi̱n jak kä math kɛ jɛ.

Bok Go̱kä ni Yir-mɛ-yaa 49:12

Kɛ ɣöö ci Kuoth Nhial wee i̱, “Mi ci nɛy tin /ca dee duäc riɛk jek, deri lɛ wä a /ka̱n duäc? /Ci dee met wä ɛ /ka̱n duäc, ba ji̱ yi̱k duäc.

Bok Go̱kä ni Yir-mɛ-yaa 51:57

Bä ruëëckiɛn kɛnɛ wutnikiɛn tin pɛl pɛɛl jak kä yɔ̱ŋ kɛ kɔaaŋ. Kua̱r kɛnɛ guɔ̱ɔ̱rkiɛn amäni wutni köör bä, bi kɛn diaal niɛɛn kɛ nien mi /cikɛ bi lɛ keer thi̱n,” ruac ni ɣän Kuäär, min cɔalkɛ ciötdɛ i̱ Kuoth Nhial in la Ruey Ɣɔaa.

Bok Go̱kä ni Yir-mɛ-yaa 51:7

Bɛ̈-bi-lɔn ɛ liɛɛr dääpä tetdä Kuɔth Nhial, cɛ ji̱ wec diaal jak kä dui̱r, ci döör diaal dueerkɛ guɔ̱ɔ̱r, kɛ kui̱c ɛmɔ, ci döör diaal cu duer.

Bok Go̱kä ni Yir-mɛ-yaa 8:14

Kä cu naath wee i̱, “Ɛŋu kuanɛ lɛ nyuur bitdä mɔ? Matnɛ rɔ̱ guäth kɛl. Kä wanɛ wi̱i̱ni tin buɔ̱m buɔ̱ɔ̱m banɛ wä li̱w thi̱n ɛn wi̱ni. Kɛ ɣöö ci Kuoth Nhial min la Kuothdan lia̱dan lar, kä cɛ kɔn ka̱m pi̱w lueŋä ti banɛ math, kɛ ɣöö canɛ Kuoth Nhial duer duer.

Bok Go̱kä ni Ɣä-bɛ̈-kuk 2:16

Kä bi thia̱a̱ŋ ni ji̱n kɛ pöc kɛ gua̱th wutädu. Ji̱n puɔ̱nydu bi maath kɛ kɔaŋ, kä bi yɔ̱ŋ a bi te ni baaŋ! Liɛɛr kɔŋä min te tetdä cuëëc Kuɔth Nhial a luc rɔ ji̱ ni, a bi pöc wuɔ̱tdu kuɔ̱m ni piny!

Dhɛk 14:14

Amäni Juda bɛ nyiëëny kɛ Jɛ-ru-tha-lɛm. Kä bikɛ ria̱ŋ dööri diaal ma̱a̱t, da̱a̱p mi di̱i̱t kɛ ciɛk in bo̱r kɛ bieyni ti ŋuan.

Dhɛk 14:2

Kɛ ɣöö ɣän bä döör diaal jak kä makɛ Jɛ-ru-tha-lɛm kɛ ko̱r, kä ba wec käp, kä ba thol, kä ba man ka̱n kɛ buɔ̱m. Kä ba tha̱a̱ŋ ji̱ wec naŋ ala pɛ̈ɛ̈c, kä bi duɔth tin kɔ̱ŋ duɔth wi̱c.

Nyuuth 14:10

bikɛ maath kɛ kɔaŋ waŋä lɔaac Kuɔth, mi ca wuɔc a /ka̱n liɔm rɛy lirä ŋɛɛnyädɛ, kä bɛ pua̱nykiɛn jakä bɛc kɛ mac kɛnɛ wal tin kɛc ŋuänydiɛn nhiam ja̱a̱kni nhial tin rɛ̈lkɛ rɔ̱ kɛnɛ nhiam Ruath Dɛ̈ɛ̈l.

Nyuuth 16:19

Cu wec in di̱i̱t rɔ da̱a̱k kä diɔ̱ɔ̱k, kä cu wi̱i̱ dööri tëth. Cu Kuoth Bɛ̈-bi-lɔn in di̱i̱t tim, cuɛ jɛ jakä mäthɛ kɛ kɔaŋ waŋä lɔaac Kuɔth in te rɛy lirä.

Nyuuth 18:6

La̱tdɛ jɛ kä mi ce̱tkɛ min cɛ lät kä yɛ, kä cuɔ̱lɛ jɛ ikä kä rɛɛw kɛ kui̱ lätnikɛ. Liömɛ jɛ kɔaŋ mi kɛc mi thiääŋ liɛɛr ëë la kämɛ yɛ.