Dhɛk 12:10 - RUAC KUƆTH IN RƐL RƆ

¹⁰ “Kä ɣän bä yiëë nho̱kädä kɛ pal wuɔ̱c gaat Dee-bid kɛnɛ ji̱ Jɛ-ru-tha-lɛm, kä mi wäkɛ ram in ca näk wä guic, bikɛ jɛ par, ce̱tkɛ min la raan gat kɛl a paar, kä bɛ wiee wi̱i̱dɛ ɛlɔ̱ŋ ce̱tkɛ min la raan a wiee kɛ kui̱ gatdä min kɛ̱̈ɛ̱̈.

Dhɛk 12:10 Iomraidhean Croise

Tuk Cäkä Ɣɔaa 45:1

Kɛ jɛn gua̱a̱th ɛmɔ, mëë ci Jo-thɛp thuk tɔ̱tɔ̱ liŋ, /ke̱nɛ lɔcdɛ luäŋ kɛ käp piny nhiam la̱a̱tnikɛ tëë te nhiamdɛ. Inɔ, jɛn cuɛ naath cu tuɔ̱k raar kɛ jɔw mi di̱i̱t i̱, “A nɛy diaal wuɔckɛ rɔ̱ nhiamdä.” Kɛ kui̱ ɛmɔ cuɛ thil ram mi dɔ̱diɛn mi te thi̱n guäth ëë lätdɛ rɔɔdɛ dämani.

Tuk Cäkä Ɣɔaa 45:2

Jɛn cuɛ röt kɛ jɔw mi di̱i̱t kä cua jɔwdɛ liŋ ɛ ji̱ wec amäni ji̱ dhɔaar Pɛro.

Diit 51:12

Ku ɣä luɔ̱c tɛ̈th lɔaac känädu. Kä moc ɣä kɛ yiëë luäŋä.

Ruac Pɛli 1:23

Mi tiit yɛn luekdä dëë yɛ ka̱m lɔcdä, kä dërɛ ca̱rä cu ŋa̱c.

Ruac Pɛli 4:3

Mëë ɛ ɣän dhɔl dhɔr gua̱a̱r kä ɛ ɣän kärɔa kä maar,

I-ca-yaa 32:15

amäni mi ca kɔn wuɔ̱c yiëë ni nhial, a bi därdɔaar a mun ciɛkä bɛɛl, kä bi mun ciɛkä bɛɛl a rup.

I-ca-yaa 45:22

Luɔ̱nyɛ kä ɣä bia kään, yɛn diaal yɛn ji̱ pekni ɣɔaa! Kɛ ɣöö ɛ ɣän la Kuoth Nhial ɔ, thilɛ Kuoth mi dɔ̱ŋ ɛ ni ɣän.

Bok Go̱kä ni Yir-mɛ-yaa 31:19

Kɛ ɣöö mëë cä bath dupdu, ɣän cä rɔ ri̱t dueerikä. Kä kɛ kɔr kä mëë cä jiääkdɛ ŋa̱c cu lɔcdä jiääk. Kä cua̱ pöc ɛlɔ̱ŋ kä cua̱ tekɛ buar, cä pöc ɛlɔ̱ŋ kɛ dueer tëë cä la̱t ni ŋuɛɛtädä.”

Bok Go̱kä ni Yir-mɛ-yaa 31:9

Kä bikɛ luny jɔk kɛ wiee, kä bikɛ ja̱l nikɛ pal min luɔ̱ɔ̱cä kɛ jɔk. Ɣän bäkɛ naŋ nikɛ gua̱a̱th mi tekɛ pi̱w, nikɛ duɔ̱ɔ̱p mi cuŋ cuŋ kɛ ɣöö /ci kɛn kɔ̱a̱th bi lɛ kɔ̱thikä. Kɛ ɣöö ɛ ɣän gua̱n I-thɛ-rɛl, kä Ɛ-pa-rim gatdä min kɛ̱̈ɛ̱̈.

Bok Go̱kä ni Yir-mɛ-yaa 50:4

“Kɛ kɛn ni̱n tɔ̱tɔ̱, kɛ jɛn gua̱a̱th ɛmɔ, cu Kuoth Nhial ruac ɛn ɣöö, bi ji̱ thukni duëli kuec caam kɛnɛ ji̱ Juda ben kɛɛl, kä bikɛ ja̱l kɛ wiee min bäkɛ. Kä bi kɛn Kuoth Nhial ni Kuothdiɛn go̱r.

Bok Go̱kä ni Yir-mɛ-yaa 6:26

Nɛɛkä, la̱thɛ bi̱i̱ cuaalä, kä dalɛ rɔ̱ rɛy ŋɛthä, kä pa̱rɛ kɛ jɔw mi di̱i̱t ce̱tkɛ mi parɛ ni gat ɔ kɛl ɔ, kɛ ɣöö ram in bi kɔn ben däk bɛ kɔn pärikä.

Yɛdh 20:43

Ɛn wani bia lätkun diaal tëë ca yɛ ya̱r cu tim. Kä bia rɔ̱ɔ̱dun cu lo̱k kɛ kui̱ dueeri diaal tëë ci yɛn kɛ la̱t.

Yɛdh 37:14

Ɣän bä yiëëdä la̱th rɛydun, kä bia cu tëk, kä bä yɛ cu la̱th ni muundun pa̱ny. Kä bi yɛn ɛ cu ŋa̱c ɛn ɣöö ɛ ɣän Kuoth Nhial ruac ɔ, kä bä jɛ la̱t,’ ” ruac ni ɣän Kuoth Nhial.

Yɛdh 39:29

Kä /cä waŋdä bi nyɔk kɛ tëë kɛ kɛ, mi wa̱a̱ yiëëdä wä ka̱m ji̱ thuɔk duëël I-thɛ-rɛl, ruac ni ɣän Kuäär ni Kuoth Nhial.”

A-mɔth 8:10

Bä cäŋ tha̱t mi̱thnikun jak kä cäŋ pärä, kä bi diitkun diaal a lul. Kä bä nɛy diaal jak kä la̱thkɛ bieyni cuɔli jiɛthkä lɔaac, kä bä wuɔ̱th diaal jak kä wok, kä bä jɛ jak kä ce̱tkɛ cäŋ jiɛthä lɔaac liëth gatä min kɛl kä diëëthkɛ, kä bi guutdɛ ce̱tkɛ cäŋ mi kɛc ɛɣɔr.”

Dhɛk 13:9

Kä bä tin kuiynikɛn la̱th maac, kä bäkɛ lɛy ce̱tkɛ min la raan ciɛk in bo̱r a lɛɛy, kä bäkɛ ɣɔ̱n ce̱tkɛ min la raan da̱a̱p ɛ ɣɔ̱n. Kä bikɛ ɣä pal, kä bäkɛ liŋ. Kä bä wee i̱, ‘Kɛ nɛɛkä.’ Kä bikɛ wee i̱, ‘Kuoth Nhial Kuothda.’ ”

Kuen 21:9

Kä cu Muthɛ thɔ̱l la̱t kɛ yiëëth in do̱l, kä cuɛ jɛ la̱th ri̱kä. Mi ca raan kac ɛ thɔ̱l, bɛ thɔ̱l cikä min do̱l guic kä bɛ cu tëk.

Mɛ̈t 24:30

Ɛ jɛn bi nyuuth benä Gatdä Ran cu jɔɔc nhial, kä bi döör wec muɔ̱ɔ̱n diaal pa̱r, kä bikɛ Gat Ran nɛn bëë rɛy pua̱a̱ri nhial kɛ buɔ̱m kɛnɛ gɔɔy puɔnyä mi di̱i̱t.

Mɛ̈t 26:75

Kä cu Pi-tɔr ruac Yecu tim i̱, “A ŋot /ken tuut manpalɛ̈k ni röt, bi ɣä gak nikä diɔ̱ɔ̱k.” Kä cuɛ wiee ɛlɔ̱ŋ kɛ jiath lɔaac.

Jɔ̱ɔ̱n 1:29

Mëë ruɔ̱n cu Jɔ̱ɔ̱n Yecu nɛn a bä kä jɛ, cuɛ wee i̱, “Nɛ̈nɛ jɛ, ɛ jɛn Ruath Dɛ̈ɛ̈l Kuɔth in bi dueer ɣɔaa woc!

Lät Jaakni Yecu 10:45

Cu ji̱ ŋäthä tin ca cuɛl tin ci ben kɛɛl kɛ Pi-tɔr ga̱a̱c ɛn ɣöö ca muc Yieekä in Gɔaa in Rɛl Rɔ wuɔ̱c naath a cäŋɛ ni Jur.

Lät Jaakni Yecu 11:15

Kä min cä ruac tok, cu Yiëë in Gɔaa in Rɛl Rɔ ben kä kɛ ce̱tkɛ mëë cɛ ben kä kɔn ni tukädɛ.

Lät Jaakni Yecu 2:17

‘Ci Kuoth ɛ lar ɛn ɣöö, kɛ ni̱n tin jɔk bä mɛmɛ la̱t, ɛn ɣöö bä Yiëëdä wuɔc kä nɛy diaal, kä bi gaatkun kɛnɛ nyiekun ruaacni go̱o̱kä lat, kä bi ŋuɛ̈tnikun nyuuthni nɛn, kä bi dɔŋ wutnikun la̱a̱k läkikä.

Lät Jaakni Yecu 2:33

Kä ca jɛ kap nhial kui̱c cuëëc Kuɔth, kä cɛ ruac ëë ci Gua̱a̱r in te nhial ɛ lar ɛn ɣöö bɛ ka̱m Yiëë in Gɔaa in Rɛl Rɔ jek, cɛ mɛmɛ wuɔ̱c nɛy ɛn mɛ min nɛ̈nɛ kä cia liŋɛ.

Lät Jaakni Yecu 2:37

Täämɛ mëë ci naath ruac ɛmɛ liŋ, cu lo̱ckiɛn ŋɛ̈p, kä cukɛ Pi-tɔr kɛnɛ jaak tin kɔ̱kiɛn jiök i̱, “Dämaari, kɔn bakɔ ŋu la̱t?”

Ji̱ Röm 8:15

Kɛ ɣöö /ken yɛn yiëë kuaanyä mi dee yɛ jak kä dual jek duundɛ ɣöö /cia jek ni yiëë mi jak yɛ kä gaat Kuɔth. Mi wä kɔn wiee i̱, “Abba, Gua̱a̱ra!”

Ji̱ Röm 8:26

Inɔ bä, luäk Yiëë kɔn kɛ kɔ̱a̱cdan, kɛ ɣöö kui̱c kɔn pal in dee pal kɛ kɔn, kä Yiëë puɔ̱nydɛ palɛ kɛ kui̱dan kɛ jɔw jiɛthä lɔaac mi leny rieet.

Ji̱ Ɛ-pɛ-thäth 6:18

Palɛ rɛy Yieekä gua̱thni diaal, kɛ pali diaal kɛnɛ thiecni. Kɛ kui̱c ɛmɔ jiɛnɛ kä /cuarɛ rɔ̱ luär. Palɛ ni ciaŋ kɛ kui̱ nɛɛni diaal tin ci Kuoth kɛ lɛy.

Ji̱ Ɣi-bɛ-ru 12:2

Kä guɛcnɛ ni Yecu in la tuk kä pek ŋäthädan, min ci lia̱a̱ rut wi̱c jiaath kɛ kui̱ tɛthä lɔaac in te nhiamdɛ, kä /kenɛ riɛk kɛ duŋ po̱cä, kä nyuurɛ kui̱ cuëëc kɔam Kuɔth.

Juud 1:20

Kä yɛn nhöökä, bia ŋa̱thdun in gɔaa jakä di̱t rɛydun. Kä palɛ kɛ Yiëë in Gɔaa in Rɛl Rɔ.

Nyuuth 1:7

Nɛnɛ! Jɛn a bëëni kɛ pua̱a̱r, kä bi wäŋ diaal ɛ nɛn, amäni nɛy tëë ca jɛ yiɛth, kä bi döör wec muɔ̱ɔ̱n diaal wiee kɛ jɛ. Kä bɛ te inɔ. Inɔnɔ.

1 Tham 7:2

Cu thanduk matdä ruac Kuɔth Nhial te kä Kir-yath-ya-rim kɛ pëk mi bäär, cuɛ tekɛ run ti jiɛɛn da̱ŋ rɛw. Kɛn pëk ɛ mɔ cu ji̱ I-thɛ-rɛl diaal wiee nhiam Kuɔth Nhial görkɛ luäk.