Dhɛk 11:9 - RUAC KUƆTH IN RƐL RƆ

⁹ Kä cua det jiök i̱, “/Ci ɣän bia̱ yieendun. Kä mɔ bi li̱wɔ a jɛ li̱w. Kä a tɔ̱ bi riaw tɔ̱, riaw. Kä a tɔ̱ bi duɔth tɔ̱ ramɔ cam ri̱ŋ kä mɔ.”

Dhɛk 11:9 Iomraidhean Croise

Bok Go̱kä ni Yir-mɛ-yaa 19:9

Kä bä kɛ jak kä cam kɛ ri̱ŋ gankiɛn. Kä bi ram ɔ ri̱ŋ gua̱n thieekädɛ cam, kɛ riɛk in ca go̱l nikɛ ɛ ji̱ tɛ̈riɛn, kɛnɛ nɛy tin görkɛ näkdiɛn.’

Bok Go̱kä ni Yir-mɛ-yaa 23:33

“Kä mi wä raan ji̱ thiec kä kɛn nɛy ti̱ti̱, mi ɛ gök kiɛ ɛ bo̱o̱th palä i̱, ‘Ɣa̱c Kuɔth Nhial in thiɛk ɛ lee ŋu?’ Bikɛ loc i̱, ‘Ɣa̱c mi thiɛk ŋu kä, kä ɣän bä yɛ yiäk.’

Bok Go̱kä ni Yir-mɛ-yaa 23:39

Kä kɛ kui̱ ɛmɔ, kɛ thuɔ̱k ɣän bä yɛ pa̱l ruëëc kä bä yɛ yuɔr raar nhiamdä, kɛɛl kɛ wec ëë cä ka̱m yɛ kɛnɛ guurikun.

Bok Go̱kä ni Yir-mɛ-yaa 43:11

Jɛn bɛ mun I-jëp ben mak, kä bɛ nɛy tin dee li̱w kɛ liaw li̱w kɛ liaw, kä bɛ nɛy tin dee ɛ jak kä pɛ̈ɛ̈c, jak kä pɛ̈ɛ̈c. Kä nɛy tin dee li̱w kɛ ko̱r, jak kä li̱w ko̱o̱r.

Yɛdh 5:10

Kä ɛ puc, bi diëëth gan gaatkiɛn cam rɛydun, kä bi gaat diëëthkiɛn cam. Ɣän, bä yɛ luk, kä ram ɔ bi kään ɔ kä yɛ, ɣän bä jɛ kiɛth rɛy jiɔam.

Ɣocä 4:6

Ci nɛɛkä cu riaw kɛ kui̱c ŋäcä ŋɔaani, kɛ kui̱c ɛmɔ bä ji̱ lo̱k, /ci bia̱ bööth palädä. Kɛ ɣöö ci ŋäc lo̱k. Kä kɛ ɣöö ci ŋuɔ̱t Kuɔthdu pa̱l rueec, ɣän bä gaatku pa̱l rueec bä.

Dhɛk 13:8

Kä cu Kuoth Nhial wee i̱, “Ba tin ŋuankɛn koc kä bikɛ cu li̱w, kä bi tin kuiynikɛn duɔth a tëk.

Mɛ̈t 15:14

Palɛ kɛ kä rɔ̱, kɛ bööth ciööri ti ciöör. Kä mi buɔth cɔr cɔr dɔ̱diɛn, bi kɛn da̱ŋ rɛw pɛn kɔ̱k.”

Mɛ̈t 21:19

Mëë cɛ jiath ŋɔa̱a̱p nɛn gekä duɔ̱p, cuɛ wä thi̱n, kä thilɛ dɛy ti cɛ jek thi̱n, ɛ ni ji̱th kärɔ̱. Kä cuɛ jiath jiök i̱, “Thil dɛy ti bi nyɔk kɛ kuer.” Kä niɛ guäth ɛmɔ cu jiath rɔɔl.

Mɛ̈t 21:43

Kɛ kui̱ ɛmɔ ɣän la̱rä jɛ yɛ, ba kuäär Kuɔth ka̱n kä yɛ, kä ba jɛ ka̱m nɛy kɔ̱kiɛn ti ba dɛy ciëŋ kuäärä kuir. [

Jɔ̱ɔ̱n 12:35

Cu Yecu kɛ jiök i̱, “Bi buay te kɛ yɛ kɛɛl kɛ pek mi tɔt. Ja̱lɛ min ŋuɔtdɛ te yɛn kɛ buay, kɛ ɣöö /ci muth yɛ bi mam. Mi wä yɛn ja̱l rɛy muɔ̱th, bia gua̱a̱th in wä yɛn thi̱n kui̱c.

Jɔ̱ɔ̱n 8:21

Kä cu Yecu kɛ lɛni jiök i̱, “Ɣän jiayä, bia ɣä go̱r, kä bia li̱w kɛ dueerkun. Kä gua̱a̱th in wa̱a̱ thi̱n, /cia bi ben thi̱n.”

Jɔ̱ɔ̱n 8:24

Cä la̱r yɛ ɛn ɣöö bia li̱w rɛy dueerikun, kä bi yɛn li̱w rɛy dueerikun ɛ ni mi bi yɛn ɛ ŋäth, i̱ ɛ jɛn ɣän.”

Nyuuth 22:11

A läät jiäkni ŋot kɛ mi lätdɛ jiäkɛ, kä a gua̱n nyuɔɔni ŋot rɛy nyuɔɔnikɛ, kä a gua̱n cuŋni ŋot kɛ mi lätdɛ cuŋ, kä a ram mi rɛl gɔɔydɛ rɔ ŋot kɛ mi rɛl gɔɔydɛ rɔ.”