Dhɛk 11:7 - RUAC KUƆTH IN RƐL RƆ

⁷ Ɛ jɛn cua̱ det tin ba wä näk ɛ nɛy tin ciaŋkɛ det a jiäk wä yien. Kä cua̱ rɔ moc kɛ kɛtni da̱ŋ rɛw. Cua kɛl cɔl i̱ gɔɔy kä cua min dɔ̱ŋ cɔli mat. Kä cua̱ det tit.

Dhɛk 11:7 Iomraidhean Croise

Diit 23:4

A cäŋ ja̱lä rɛy lo̱o̱lä li̱eth mi col, /cä bi dual kɛ jiäk. Kä kɛ ɣöö ti̱i̱ kɛɛl kɛ ɣä, taaŋdu min go̱o̱ŋ kɛnɛ kɛɛtdu la gaŋkɛ ɣä.

Diit 27:4

Ɣän bä thiec ni kɛl kä Kuɔth Nhial, ɛ jɛn nɔmɔ bä thiec ɔ, ɛ ɣöö bä ciɛŋ ni luak Kuoth Nhial kɛ ni̱n teekädä diaal, kɛnɛ ɣöö bä gɔɔy Kuɔth Nhial guic, bä jɛ wä nɛn ni rɛy luaakdɛ.

Diit 90:17

A nhök Kua̱ran ni Kuoth tekɛ kɔn kɛɛl, jakni lätkɔ diaal kä thuɔ̱k, ɛ puc jakni lätkɔ diaal kä gɔw!

I-ca-yaa 11:4

Duundɛ ɣöö bɛ can luk kɛ cuŋ, kä bɛ ga̱y ɣɔaa luk kɛ thuɔ̱k, kä bɛ wi̱c muɔ̱ɔ̱n duäc kɛ ruacdɛ, kä bɛ ji̱ nyuɔɔni näk kɛ yiëë thuɔkdɛ.

I-ca-yaa 40:11

Bɛ detkɛ la̱a̱k ce̱tnikɛ yieen deet, kä bɛ rueeth deet ruɔl tetnikɛ, bɛ kɛ kap nikɛ bapdɛ, kä bɛ tin tekɛ dɛy bo̱th.

I-ca-yaa 61:1

Te yiëë Kua̱r ni Kuoth kɛ ɣä, kɛ ɣöö ci Kuoth Nhial ɣä kuany, kɛ ɣöö bä can nöŋ thuk ti gɔw, cɛ ɣä ja̱k kɛ ɣöö bä nɛy tin jiɛth lo̱ckiɛn bum, kä bä pɛ̈ɛ̈c la̱t ɣöö bikɛ lɔar, kä bä ji̱ yieenä la̱t ɣöö cakɛ lony,

Bok Go̱kä ni Yir-mɛ-yaa 39:10

Kä cu Nɛ-bu-dhar-dan bo̱o̱th yiëëni tha̱a̱ŋ nɛɛni tin la can ba̱ny muun Juda, kɛ ɣöö bikɛ ka̱a̱k wal kɛ kui̱ kɔaŋ kɛnɛ ka̱a̱k lɔ̱ɔ̱ la̱t.

Liib 27:32

Kä wa̱l wa̱a̱li ɣɔ̱ɔ̱k kiɛ det, kɛn le̱y cieŋ diaal wa̱l wa̱a̱likiɛn min bäkɛ raar luaak, ba duŋ Kuɔth Nhial.

Mikaa 7:14

Yien nɛɛku kɛnɛ detku kɛ kɛɛtdu, lö Kuoth Nhial, tin cieŋ kärɔ rɛy ruɔ̱ɔ̱p, rɛy muɔ̱ɔ̱n mi tëë wal. Jak nikɛ kä läk kä Ba-can kɛnɛ Gil-yad ce̱tnikɛ ni̱n tëë wal.

Dhɛp 3:12

Kɛ ɣöö bä cieŋ rɛydun yɛn nɛy ti mua̱l mua̱a̱l ti tekɛ ŋuɔ̱t, ti ba luäk go̱r kä Kuoth Nhial.

Dhɛk 11:14

Kä cua̱ kɛɛtdä min rɛwdɛ, min cɔali mat töl, da̱kä mat kam Juda kɛnɛ I-thɛ-rɛl.

Dhɛk 11:4

Kä nɛmɛ ɛ min laar Kuoth Nhial ni Kuothdä jɛ lar i̱, “Yien det ti ba wä näk ti.

Mɛ̈t 11:5

ɛn ɣöö ciöör gui̱ckɛ, kä ŋöt jälkɛ, kä ji̱ dhɔpni gɔwkɛ, kä mi̱eeŋ li̱ŋkɛ, kä ca nɛy ti ci li̱w jiɛc li̱th, kä ca thuk ti gɔw nöŋ nɛy tin can.

Mak 12:37

Ci Dee-bid puɔ̱nydɛ jɛ cɔl i̱, ‘Kuäärä ni Kuoth,’ kuɛ la gatdɛ i̱di?” Kä cu nɛy ti ŋuan ruaacnikɛ liŋ kɛ tɛ̈th lɔaac.

Jɔ̱ɔ̱n 10:16

Ɣän ta̱a̱kɛ det ti kɔ̱kiɛn ti /ci te rɛy pa̱a̱ny deet. Ɣän bä kɛ nööŋ bä, kä bikɛ jɔwdä liŋ. Kä inɔ, bi buɔ̱n deet cua̱ kɛl kɛ yieen deet kɛl.

Je-mɛth 2:5

Yɛn, dämaari ti nhɔakä, liɛŋɛ jɛ. /Ken Kuoth nɛy ti can wi̱i̱ muɔ̱ɔ̱n ɛmɛ mɛk kɛ ɣöö bikɛ ria̱ŋ kɛ ŋa̱th, kä bikɛ a dieel kuäärä min ci Kuoth ɛ lar i̱ bɛ ka̱m nɛy tin nhɔakɛ jɛ?

1 Tham 17:40

Kä cuɛ kuakɛ ka̱n, kä cuɛ rɔ kuëny guiy da̱ŋ dhieec ti puath puaath rɛy waŋ, kä cuɛ kɛ la̱th rɛy gökädɛ. Kä te bäärɛ te̱tädɛ, kä cuɛ ben thiekä ran Pi-li-thɛt.

1 Tham 17:43

Kä cuɛ Dee-bid jiök i̱, “A ku ɣän ɛ jio̱k, mɔ bëë kä ɣä mɔ kɛ kɛtni?” Kä cuɛ Dee-bid kuɛth nikɛ kuthkɛ.