Dhɛk 11:2 - RUAC KUƆTH IN RƐL RƆ

² Kä wieeɛ, lö jiɛn luɔ̱ɔ̱r, kɛ ɣöö ci jiɛn ŋuer jiäk. Kä ci jiɛn tin gɔw li̱w! Kä wieeɛ yɛn jiɛn mɛ̈th Ba-can, kɛ ɣöö ca rup in thi̱ŋ jɔap piny!

Dhɛk 11:2 Iomraidhean Croise

Yɛdh 20:46

“Gat ran, ji̱n ri̱tni nhiamdu peek cuëëc, lat ruac gaak kɛ pek kuec cuëëc, kä lat ruac go̱o̱kä kɛ kui̱ ruɔ̱ɔ̱p Nɛ-gɛb,

Yɛdh 27:6

Kä lät kɛn lawniku, kɛ jiɛn ritni ti wa nööŋ kä Ba-can, kä ca ji̱ pap kɛ jiɛn ti gɔw ti nööŋkɛ, jɔk yiëër Ki-tim, kä ca jɛ pap kɛ tuɔ̱ŋ guɔ̱ri.

Yɛdh 31:17

Kä nɛy tëë cieŋ ti̱pädɛ, kɛnɛ nɛy tëë ci mat kɛ jɛ rɛy dööri, cikɛ li̱w kɛɛl kɛ jɛ, cikɛ rɔ̱ ma̱t nɛy tëë ca näk ko̱o̱r.

A-mɔth 6:1

“Riɛk akɛ yɛn nɛy ti̱n tɛth lo̱cdiɛn kä Dha-yɔn, amäni yɛn ti̱n car kɛ jɛ i̱ cia kään kä päm Tha-mɛ-ria, yɛn nɛy ti̱n jɔc kɛ̈kdiɛn rɛy rööl in dit ni jɛn, kä liŋ ji̱ I-thɛ-rɛl ni ruacdun.

Dhɛk 11:1

Lɛp thi̱ekniku, lö Lɛ-ba-nɔn, kɛ ɣöö dee mac jiɛn ŋuërku waŋ.

Dhɛk 11:3

Kä liŋ lul yiëëni deet, kɛ ɣöö ci wal thil rɛy tɔ̱ɔ̱rä! Kä liŋ lul lonyni, kɛ ɣöö ci rupdiɛn in te kä Jɔr-dɛn waaŋ!

Luk 23:31

Kɛ ɣöö mi lätkɛ inɔ min ŋot jiath a tɔ̱c, ɛŋu mi bi tuɔɔk mi wä jiath wä kööt?”