Dhɛk 11:16 - RUAC KUƆTH IN RƐL RƆ

¹⁶ Kɛ ɣöö ɣän bä yieen deet nööŋ wi̱i̱ muɔ̱ɔ̱n, mi /ci bi diɛɛr kɛ det tin ci riaw, kä /cɛ tin ci bath bi go̱r, kä /cɛ tin tekɛ buɔ̱ɔ̱t bi jak kä gɔaa, kä /cɛ tin ci duɔth bi la̱a̱k, duundɛ ɣöö bɛ cam ni ri̱ŋ kä tin ci cuath, kä bɛ ka̱m ni barkaknikiɛn raar.

Dhɛk 11:16 Iomraidhean Croise

Tuk Cäkä Ɣɔaa 31:38

Täämɛ ɣän cä te kɛɛl kɛ ji̱ kɛ run ti jiɛn da̱ŋ rɛw. Kɛn runi tɔ̱tɔ̱ thilɛ dɛl kɛl rɛy deetku mi ci me̱t thɔ̱ɔ̱r, kä /ka̱n ri̱ŋ tha̱a̱k dɛ̈ɛ̈lu me̱t la̱th thok.

Tuk Cäkä Ɣɔaa 33:13

Cu Je-kɔb ɛ loc i̱, “Kuäärä, ji̱n ku jɛ ŋa̱c ɛn ɣöö ja̱lä kɛ gaat ti nyin tiɛtni kɛnɛ ɣöö guɛcä det kɛnɛ ɣɔ̱k ti jäl dɛykiɛn kɛ luëth. Mi wä kɛ wä ja̱l ɛlɔ̱ŋ, cäŋ kuɛɛ la ni cäŋ kɛl, de̱e̱kɛ li̱w ni kɛn diaal.

I-ca-yaa 40:11

Bɛ detkɛ la̱a̱k ce̱tnikɛ yieen deet, kä bɛ rueeth deet ruɔl tetnikɛ, bɛ kɛ kap nikɛ bapdɛ, kä bɛ tin tekɛ dɛy bo̱th.

Bok Go̱kä ni Yir-mɛ-yaa 23:2

Kɛ kui̱ ɛmɔ cu Kuoth Nhial in la Ruey Ɣɔaa ni Kuoth I-thɛ-rɛl nɛmɛ lar kɛ kui̱ yiëëni deet tin yiënkɛ nɛɛkä wee i̱, “Ci yɛn detkä riaw dɔɔr, kä ci yɛn kɛ buath raar, kä /ken yɛn kɛ tit. Kä nɛ̈nɛ jɛ ɣän bä yɛ tit kɛ kui̱ lät jiäknikun.

Bok Go̱kä ni Yir-mɛ-yaa 23:22

Duundɛ ɣöö mi cikɛ ruac ben go̱r kä ɣä, dee kɛ ruaacnikä la̱t nɛɛkä, kä dee kɛ kɛ luɔ̱c jɔk dupdiɛn in jiääk, kɛnɛ lätkiɛn tin jiäk.

Yɛdh 34:10

Mɛmɛ larɛ Kuäär ni Kuoth wëë i̱, ‘Ɣän gakä kɛ yiëën deet. Kä ɣän bä detkä woc kä yɛ, kä /cia rɔ̱ bi nyɔk kɛ mi bia la yiëënkiɛn. Kä /ci yɛn yiëën deet rɔ̱ bi nyɔk kɛ mi mi̱eethkɛ rɔ̱. Ɣän bä detkä luäk kä kɛ, /cikɛ bilɛ ŋot ala mi̱eth kä kɛ.’ ”

Yɛdh 34:16

Ɣän bä tin ci bath go̱r, kä bä tin ci duɔ̱ɔ̱p dui̱r luɔ̱ɔ̱c jɔk, kä bä buɔ̱ɔ̱t kä tin tekɛ buɔ̱ɔ̱t yian, kä bä tin thil lua̱ŋ bum, duundɛ ɣöö bä tin cuath cuaath kɛnɛ tin buɔ̱m buɔ̱ɔ̱m däk. Kä ɣän bäkɛ mi̱eeth kɛ la̱t cuŋni.”

Yɛdh 34:21

Kɛ ɣöö la yɛn dët tin nua̱n a pi̱m kɛ tuɔ̱ŋkun amäni mi ciakɛ riawkä dɔɔr a bikɛ nɔ̱a̱n.

Bok Go̱kä ni Da-ni-yel 11:36

“Kä bi kuäär lät ce̱tnikɛ min go̱o̱rɛ. Kä jɛn bɛ rɔɔdɛ kap nhial, kä bɛ rɔɔdɛ guic di̱t ni jɛn kä kuth tin kɔ̱ŋ, kä bɛ ruac a jiäk kɛ Kuoth kuthni. Kä bi ti diaal rɔ lot kɛ jɛ amäni mi ci gua̱a̱th gaak ben, kɛ ɣöö ba min ca lar la̱t.

Jɔ̱ɔ̱n 10:1

“Ɛpuc, ɛpuc, ɣän la̱rä jɛ yɛ, ram mi /ci bi wä rɛc kɛ thok pa̱a̱ny deet, a bɛ kɔt kɛ gua̱a̱th mi dɔ̱diɛn, ɛ wään kä ɛ määc nath.