Dhɛk 10:9 - RUAC KUƆTH IN RƐL RƆ

⁹ A cäŋ ni mɔ cäkɛ däk kä rɛy dööri mɔ, ŋotdɛ cäŋ tekɛ nɔ̱nä, ba ɣä tim. Kä kɛn kɛ gaatkiɛn bikɛ tëk kä bikɛ luny jɔk.

Dhɛk 10:9 Iomraidhean Croise

Nɛ-ɣɛm-yaa 1:9

duundɛ ɣöö mi wä yɛn luny kä ɣä kä bia ŋuɔ̱tkä luɔ̱th kä bia kɛ la̱t, ɛ cäŋɛ ni nɛɛkun tin ca pɛ̈c ni peek ɣɔaa, bäkɛ ma̱a̱t niɛ wi̱ni, kä bäkɛ nööŋ ni guäth in cä mɛk ɛn ɣöö ba ɣä pal thi̱n.’

Ɛth-ter 8:17

Rɛy wi̱i̱ni kɛnɛ rɛ̈k diaal tin ci ruac kua̱r kɛnɛ ŋutdɛ cop thi̱n, cu naath tekɛ ŋa̱th kɛnɛ tɛ̈th lɔaac mi di̱i̱t, kä ji̱ Juudh, cukɛ tekɛ ti̱em kɛnɛ lɔ̱a̱ŋ. Kä min di̱t ni jɛn ɛlɔ̱ŋ, cua ɣöö cu nɛy ti ŋuan rɔ̱ ri̱t ala ji̱ Juudh, kɛ ɣöö dualkɛ ɛlɔ̱ŋ kɛ ji̱ Juudh.

I-ca-yaa 44:21

Tim ti̱ti̱ lö Je-kɔb, kɛ ɣöö ɛ ji̱n ja̱ŋdä lö I-thɛ-rɛl, cä ji̱ cak, ɛ ji̱n ja̱ŋdä, kä lö I-thɛ-rɛl ɣän /cä ji̱ bi pa̱l ruëëc.

I-ca-yaa 64:4

Thilɛ ram mi ci jɛ liŋ ni wal, thilɛ ji̱th mi ci jɛ liŋ, kä thilɛ waŋ mi ci Kuoth mi dɔ̱ŋ nɛn mi /ci mɔ a ji̱n, mi lät kɛ kui̱ nɛɛni tin liɛpkɛ ji̱.

I-ca-yaa 65:23

Kä /ci la̱tdiɛn bia̱ baŋ, kä /ca gaat ti bi li̱w bi kap, bi kɛn a gaat ti ca poth ɛ Kuoth Nhial, kɛn kɛɛl kɛ gaatkiɛn.

I-ca-yaa 65:9

Ɣän bä kuay nööŋ kä Je-kɔb, kɛ kuay kä Juda nɛy ti bi cieŋ wi̱i̱ pa̱a̱mdä, bi nɛɛkä tin cä mɛk ɛ ciɛŋ, bi ja̱a̱ŋkä cieŋ ɛn wi̱ni.

Bok Go̱kä ni Yir-mɛ-yaa 31:27

Kä cu Kuoth Nhial ɛ lar wëë i̱, “Nɛ̈nɛ jɛ ci ni̱n thia̱k tin bä thok duëël I-thɛ-rɛl kɛnɛ thok duëël Juda pith thi̱n kɛ kuay nath kɛnɛ ley.

Bok Go̱kä ni Yir-mɛ-yaa 51:50

“Yɛn nɛy tin ci kään li̱th, wiaa, /cuarɛ lɛ te cuŋä, wiaa carɛ Kuoth Nhial mi ta̱yɛ nänä. Kä la tiɛtdɛ Jɛ-ru-tha-lɛm kɛ wuɔ̱thkun,

Yɛdh 6:9

Kä nɛy tin bi kään kä yɛ ba ɣä tim rɛy dööri tin ba yɛ naŋ thi̱n ala pɛ̈ɛ̈c. Kä cikɛ lɔcdä jak kä jiäk kɛ ciaaŋ lo̱cnikiɛn kɛ ɣöö cikɛ rɔ̱ ri̱t kä ɣä kä guic wäŋkiɛn tin ni kuth guäynikiɛn. Kä bikɛ rɔ̱ lo̱k kɛ kui̱ jiäkni tin ci kɛn kɛ la̱t kɛnɛ kui̱ jiäkni diaal tin lökä.

Ɣocä 2:23

Kä bä Yidh-rɛɛl cu pi̱eth rɔ wi̱i̱ muɔ̱ɔ̱n, kä bä löökä cɔl i̱ nhöökä. Kä tin /ci tɔ̱a̱ Nɛɛkä cu cɔl i̱ Nɛɛkä, kä bɛ ɣä cu cɔl i̱, ‘Kuothdä.’ ”

A-mɔth 9:9

“Kɛ ɣöö nɛnɛ jɛ, ɣän bä ruac jäkä raar i̱, ba thok duëël I-thɛ-rɛl lath rɛy dööri diaal, ce̱tkɛ bɛl ti ciɛ̈thkɛ rɛy pätdä, kä /ci waŋ kɛl bi pɛn piny thi̱n baaŋ.

Mikaa 5:7

Kä bi duɔth ji̱ I-thɛ-rɛl ciɛŋ ni rɛy döri ti ŋuan, ce̱tkɛ thäc mi bä kä Kuoth Nhial, kɛnɛ nyuɛ̈ɛ̈r rɛy juaacni, tin /ca lip ni raan kiɛ gat ran.

Lät Jaakni Yecu 8:1

Kä Thɔɔl nhɔkɛ lia̱a̱dɛ. Kä ɛn cäŋ ɛmɔ, cu riɛk mi di̱i̱t tuɔɔk kä ji̱ duëël Kuɔth kä Jɛ-ru-tha-lɛm. Kä cua kɛn diaal riaw kä rɛy ciëëŋni Ju-dia kɛnɛ Tha-mɛ-ria, cu duɔth ni jaak kärɔ̱.

Lät Jaakni Yecu 8:4

Täämɛ cu nɛy tëë ca riaw dɔɔr wä kɛ mi latkɛ ruac Kuɔth gua̱thni diaal tin cikɛ wä thi̱n.

Ji̱ Röm 11:24

Kɛ ɣöö mi ca ji̱ tɛ̈m kä kä jiath Ɔ-lip mi ci do̱ny dɔɔr, kä ca ji̱ piɛth jiath Ɔ-lip mi ci do̱ny rɛy kakä min gua̱c kɛ ciaŋ pi̱thä, bɛ kulɛ thia̱k i̱di ɛn ɣöö ba kar tin thuɔ̱k nyɔk kɛ pith jiathdiɛn.