Dhɛk 10:8 - RUAC KUƆTH IN RƐL RƆ

⁸ “Ɣän bä nɛɛkä cɔl, kä bäkɛ mat guäth kɛl, kɛ ɣöö cäkɛ luɛl, kä bikɛ ŋuan ce̱tnikɛ ta̱a̱ ëë wal.

Dhɛk 10:8 Iomraidhean Croise

1 Kua̱r 4:20

Ji̱ Juda kɛnɛ ji̱ I-thɛ-rɛl ŋuankɛ ce̱tnikɛ liɛt yiëër. Kä tɛth lɔcdiɛn kɛ mi̱ethdiɛn.

Ɣöth 1:7

Kä cu ji̱ I-thɛ-rɛl rɔ̱ di̱eth, cukɛ rɔ̱ re̱p kɛ rëp mi di̱i̱t, kä cukɛ buɔ̱m jek kä cu mun I-jëp thia̱a̱ŋ kɛ kɛ.

I-ca-yaa 44:22

Ɣän cä dueerku lɔak jɔ̱ɔ̱r ce̱tnikɛ pua̱r, kä cä jiäku woc ce̱tnikɛ ruur, luɔ̱nyɛ kä ɣä kɛ ɣöö cä yɛ luɛl.

I-ca-yaa 48:20

Jiayɛ kä Bɛ̈-bi-lɔn, barɛ rɔ̱ kä Kɛ̈l-da-ya, latdɛ jɛ kɛ jɔw tɛthä lɔaac, latdɛ jɛ, ja̱kɛ jɛ ni peek ɣɔaa, wiaa i̱, “Ci Kuoth Nhial ja̱ŋdɛ ni Je-kɔb luɛl!”

I-ca-yaa 5:26

Bi Kuoth nyuuth ŋun kɛ kui̱ dööri ti nɔ̱a̱n, kä bɛ nɛy tin te peek ɣɔaa kuɔ̱th pa̱pa̱a̱r, kä bikɛ ben kɛ pɛ̈th mi di̱i̱t.

I-ca-yaa 51:11

Kä bi nɛy tin ca luɛl ɛ Kuoth Nhial luny jɔk, bikɛ ben kä Dha-yɔn kɛ diit, bikɛ tekɛ tɛ̈th lɔaac mi thil pek, bi te ni kɛn kɛ tɛ̈th lɔaac kɛnɛ gɔɔy lɔaac, kä bi jiath lɔaac kɛnɛ pa̱r nɔ̱a̱n kɛ kɛ.

I-ca-yaa 7:18

Ɛn cäŋ ɛmɔ bi Kuoth Nhial tha̱pa̱a̱r koth mi la nyuuth kɛ ɣöö bi ji̱ I-jëp ben ce̱tnikɛ luaŋ ti bëë guäth mi nɔ̱a̱n jɔk kiɛɛr, kä bi ji̱ A-thi-ri-ya ben ce̱tnikɛ tuaar muundiɛn.

I-ca-yaa 7:19

Bikɛ ben cieŋ rɛy puɔ̱li kɛnɛ kɔ̱a̱k päämni kɛ buɔ̱t buɔ̱ɔ̱tni diaal kɛ tɔ̱a̱ri diaal.

Bok Go̱kä ni Yir-mɛ-yaa 33:22

Ce̱tnikɛ min /ca ciɛr Nhial dee luäŋ kɛ kuën kä /ca nyin litdä bäpdiit dee luäŋ kɛ kuën, kä ɛnɛ bä ɣän bä kar jäŋädä ni Dee-bid jakä rëpkɛ rɔ̱ amäni ji̱ Lii-bay tin la bööth palä tin la̱t kɛ ɣä ikä.”

Ɣocä 1:10

Ku duundɛ la ɣöö gaat I-thɛ-rɛl, bikɛ ŋuan ce̱tnikɛ nyin litdä thuɔk yieer, tin /ca dee luäŋ kɛ thëm kɛnɛ kuën. Täämɛ cu Kuoth kɛ jiök i̱, “/Ci yɛn a nɛɛkä,” duundɛ ɣöö bi gua̱a̱th ku lɛ cop in ba kɛ cɔl i̱, “Gaat Kuɔth in tëk.”

Mikaa 2:12

Kä ɣän ɛ puc bä yɛ ruɔ̱ɔ̱l yɛn diaal lö ji̱ I-thɛ-rɛl, ɛ puc ɣän bä duɔth ji̱ I-thɛ-rɛl ma̱a̱t. Ɣän bäkɛ ruɔl guäth kɛl ce̱tkɛ rɔɔm rɛy luaak, ce̱tnikɛ det rɛy tɔ̱ɔ̱rä, kä bi mun thia̱a̱ŋ kɛ nɛy ti ŋuan.

Dhɛk 9:11

Kä cu Kuoth Nhial wee, kɛ kui̱ riɛm matdä ruacdä kɛ ji̱, ɣän bä nɛɛku tin ca pɛc lony guäth ɛ dak pi̱kɛ tɔ̱.

Mɛ̈t 11:28

Bia kä ɣä, yɛn nɛy diaal tin ci cuuc kɛ la̱t kä thiɛk ɣa̱cdun, ɣän bä yɛ moc lɔ̱a̱ŋ.

Nyuuth 22:17

Cu Yiëë Kuɔth kɛnɛ kaw wee i̱, “Bër.” Kä a ram mi li̱ŋ wee i̱, “Bër.” Kä a ram mi näk rɛw ɛ bëë. Kä a ram mi go̱o̱r pi̱ teekä kän kɛ ala muc.

Nyuuth 7:9

Kɛ kɔr kä mɛmɛ cua guic, kä nɛnɛ, tëëkɛ buɔ̱n nath mi di̱i̱t ɛlɔ̱ŋ mi thilɛ ram mi dee kɛ luäŋ kɛ kuën, bäkɛ röli kɛnɛ döör diaal, kɛ nɛy diaal, kɛnɛ ji̱ thukni diaal ti gööl, cuŋkɛ nhiam kɔam kuäärä kɛnɛ Ruath Dɛ̈ɛ̈l, ciaŋkɛ bieyni ti bo̱o̱r, kä te tetkiɛn kɛ kar kaanä.