Dhɛk 10:7 - RUAC KUƆTH IN RƐL RƆ

⁷ Kä bi Ɛ-pa-rim ce̱tnikɛ wääth köör, kä bi lo̱ckiɛn tɛɛth ce̱tkɛ ji̱ kɔŋä. Kä bi gaatkiɛn ɛ nɛn, kä bi lo̱ckiɛn tɛɛth, kä bikɛ Kuoth Nhial liak.

Dhɛk 10:7 Iomraidhean Croise

Tuk Cäkä Ɣɔaa 18:19

Eey, kɛ ɣöö ɛn ram in cä mɛk kɛ ɣöö bɛ gaatkɛ kɛnɛ kuaykiɛn luek kɛ ɣöö bikɛ ciɛŋkä guɔ̱ɔ̱r kɛ lätni cuŋni kɛnɛ thuɔ̱ɔ̱k. Kɛ ɣöö inɔ, dëë kɔ mëë cakɔ gok kamäda cuɔ̱p.”

Tuk Cäkä Ɣɔaa 43:34

Guäth ëë tekɛ mi̱th cu Jo-thɛp läät ja̱k kɛ ɣöö bɛ kɛ nöŋ kuän mi cɛ dääk kä kɛ ɛ jɛn. Kä nɛ̈nɛ jɛ, kuän Ben-ya-min le̱e̱nyɛ kuan gani ti kɔ̱kiɛn ni kä dhieec. Ɛ jɛn cu dämani mi̱th kɛɛl kɛ jɛ kä cukɛ maath kɛɛl kɛ jɛ, kä cukɛ ria̱ŋ, cu lo̱ckiɛn tɛɛth.

Diit 102:28

Kä bi gaat ja̱a̱ŋniku cieŋ kɛ mal, kä bi kuaykiɛn piith ni nhiamdu.

Diit 104:15

kɛnɛ kɔaŋ mi bi raan moc kɛ tɛ̈th lɔaac, kɛ liɛɛth mi bi jɛ moc puath pua̱a̱ny, kɛnɛ mi̱eth mi bi jɛ moc kɛ buɔ̱m pua̱a̱ny.

Diit 13:5

Duundɛ ɣöö ɣän ŋa̱a̱thä ni nhökdu min thil pek, kä bi lɔcdä tɛɛth rɛy känädu.

Diit 28:7

Kuoth Nhial ɛ buɔ̱mdä kä ɛ ko̱tdä, kä ŋa̱a̱thä ni jɛ kɛ lɔcdä. Inɔ cɛ ɣä luäk, kä tɛth lɔcdä, bä jɛ puany kɛ diitkä kɛ tɛ̈th lɔaac.

Diit 33:21

Kä ɛ jɛn tɛth lo̱ckɔ kɛ jɛ mɔ, kɛ ɣöö ŋääth nɛy ni ciötdɛ min rɛl gɔɔydɛ rɔ.

Diit 90:16

Nyuthni lätku ja̱a̱ŋku, kä nyuthni buɔ̱mdu gaatkiɛn.

I-ca-yaa 25:9

Ɛn cäŋ ɛmɔ bikɛ wee i̱, “Kɛ thuɔ̱k jɛn ɛ Kuothdan, canɛ ŋäth ni jɛ kä cɛ kɔn kän. Nɛmɛ ɛ jɛn Kuoth Nhial in canɛ ŋäth, a lo̱ckɔn tɛth rɛy känädɛ.”

I-ca-yaa 38:19

Nɛy tin tëk kɛ kɛn dëë ji̱ puany tɔ̱, ce̱tkɛ mi la̱tdä mi ɛn walɛ, lät gua̱ni gan gɔɔydu gaatkiɛn.

I-ca-yaa 54:13

Ba gaatku diaal ŋi̱eec ɛ Kuoth Nhial, kä bi gaatku tekɛ mal mi di̱i̱t.

I-ca-yaa 66:14

Mi wä yɛn ɛ nɛn, bi lo̱ckun tɛɛth, kä bia piith ce̱tnikɛ juaac, kä ba jɛ ŋa̱c ɛn ɣöö te tet Kuɔth Nhial kɛɛl kɛ ja̱a̱ŋkɛ, kä te gakdɛ kɛ ji̱ tɛ̈rɛ.

Bok Go̱kä ni Yir-mɛ-yaa 32:39

Kä bä kɛ ka̱m ni lɔc kɛl kɛnɛ duɔ̱ɔ̱p kɛl, kä bi kɛn ɣä luɔ̱th amäni cäŋ kɛl. Kɛ kui̱c gɔɔyädiɛn amäni gɔɔy gankiɛn tin bëë kɔriɛn.

Yɛdh 37:25

Kä bikɛ cieŋ muun ëë cä ka̱m ja̱ŋdä ni Je-kɔb, min cieŋ gua̱ndɔɔŋnikun thi̱n. Kɛn kɛ gaatkiɛn kɛ gaat gankiɛn bikɛ cieŋ ɛn wani amäni cäŋ kɛl. Kä bi ja̱ŋdä ni Dee-bid a rueecdiɛn amäni cäŋ kɛl.

Yo-el 2:23

“A lɔcdun tɛth, yɛn ji̱ Dha-yɔn, ɛ lɔcdun tɛth kɛ Kuoth Nhial in la Kuothdun, kɛ ɣöö cɛ yɛ moc kɛ nhiaal ala cuɔ̱ɔ̱ŋdun, kä cɛ yɛ wuɔ̱c nhiaal jiɔam kɛnɛ nhiaal ruëël ce̱tkɛ mëë wenkä.

Bok Go̱kä ni Ɣä-bɛ̈-kuk 3:18

ŋotdɛ ɣän bä Kuoth Nhial la̱t tɛ̈th lɔaac, bi lɔcdä tɛɛth kɛ Kuoth känädä.

Dhɛp 3:14

Tuari lö nya Dha-yɔn. Kä rɔali lö I-thɛ-rɛl! Ŋari kɛ tɛ̈th lɔaac kɛ lɔcdu kɛɛliw lö nya Jɛ-ru-tha-lɛm!

Dhɛk 12:8

Kä ɛn cäŋ ɛ mɔ, bi Kuoth Nhial ji̱ Jɛ-ru-tha-lɛm gaŋ, kä bi kɔ̱a̱c kɔ̱a̱a̱ckiɛn ce̱tnikɛ Dee-bid, kä bi gaat Dee-bid kɛ bo̱th ce̱tnikɛ jääk Kuɔth Nhial, kiɛ ce̱tnikɛ Kuoth puɔ̱nydɛ.

Dhɛk 9:15

Kä bi Kuoth Nhial in la Ruey Ɣɔaa nɛɛkɛ gaŋ, kä bikɛ ji̱ tɛ̈riɛn däk. Kä bikɛ riɛmdiɛn math ce̱tkɛ jiɔam, a bikɛ thia̱a̱ŋ ce̱tkɛ tuɔk, bikɛ lo̱o̱ny ce̱tkɛ riɛm mucni mi ca wuɔc tuɔ̱ŋni yi̱kä.

Dhɛk 9:17

Kä bɛ naath kulɛ dir i̱di, kä bi gɔɔydɛ kulɛ ce̱tkɛ ŋu! Kä bi ŋuɛ̈tni piith a bum kɛ bɛlkɛ kɛnɛ kɔaŋdɛ.

Luk 1:47

kä tɛth lɔcdä kɛ Kuoth in la Käändä,

Jɔ̱ɔ̱n 16:22

Ta̱yɛ kɛ jiath lɔaac täämɛ, duundɛ ɣöö bä yɛ nyɔk kɛ nën, kä bi lo̱ckun tɛɛth, kä thilɛ ram mi bi tɛ̈th lɔaacdun ka̱n kä yɛ.

Lät Jaakni Yecu 13:33

Ɛ jɛn ɛn ni̱n cɛ jakä thuɔ̱k kɛ kɔn gaat gankiɛn kɛ jiëc Yecu li̱th. Kä ɛ jɛn ɛn ni̱n ca gɔ̱r bä rɛy Diit in rɛwdɛ i̱, ‘Ɛ ji̱n Gatdä, kä ɛn walɛ ɛ ɣän guur.’

Lät Jaakni Yecu 2:26

Kɛ kui̱ ɛmɔ tɛth lɔcdä, kä cu lɛpdä tɛ̈th lɔaac lar. Kä bi puɔ̱nydä cieŋ kɛ ŋa̱th.

Lät Jaakni Yecu 2:39

Kɛ ɣöö min ci Kuoth ɛ lar ɛ duŋdun, kä ɛ duŋ gankun, kä ɛ duŋ nɛɛni diaal tin na̱n tin bi Kuäär ni Kuothdan kɛ ciöl rɔ.”

Ji̱ Pi-li-pi 4:4

A lo̱ckun tɛth rɛy Kua̱r ni Yecu ni ciaŋ. Kä bä jɛ nyɔk kɛ lär, a lo̱ckun tɛth.

1 Pit 1:8

Cäŋ ni min /ken yɛn ɛ nɛn, nhɔk yɛn ɛ. Kä a cäŋ ni min /ken yɛ jɛ nɛn ɛn täämɛ, ŋäth yɛn ɛ, kä tɛth lɔcdun kɛ jɛ ɛlɔ̱ŋ kɛ tɛ̈th mi /cia dee met luäŋ kɛ lat.

1 Tham 2:1

Kä cu Ɣana Kuoth Nhial pal wee i̱, “Tɛth lɔcdä kɛ Kuoth Nhial. Kä buɔ̱mdä ca kap nhial ɛ Kuoth Nhial. Kä cä gua̱n tɛ̈rä dɔl, kɛ ɣöö ci lɔcdä tɛɛth rɛy känädɛ. Kä bok ëë wal wee i̱, thääk da̱ŋ diɔ̱k.