Dhɛk 10:3 - RUAC KUƆTH IN RƐL RƆ

³ Kä cu Kuoth Nhial wee i̱, “Gakdä tëë kɛ yiëën deet, kä ɣän bä bööth duäc. Kɛ ɣöö ɣän Kuoth Nhial, bä detkä gaŋ, ni ji̱ Juda, bäkɛ jak kä ce̱tkɛ jio̱k köör mi tuɔ̱p rɛy köör.

Dhɛk 10:3 Iomraidhean Croise

I-yob 39:25

Mi ci kaaŋ köör ku wak, bɛ cu wee i̱, ‘Ɛ jɛn!’ Bɛ ko̱r ku liŋ ni guäth mi nɔ̱a̱n, ruac kua̱ri, kɛnɛ rɔaliɛn.

Ɣöth 4:31

Cu naath ɛ ŋäth mëë cikɛ jɛ liŋ i̱ ci Kuoth Nhial ji̱ I-thɛ-rɛl gui̱l, kä cɛ bɛ̈c bɛ̈ɛ̈ckiɛn nɛn, cukɛ wuɔ̱thkiɛn guɔ̱l piny, cukɛ jɛ pal.

Ruac Pɛli 21:31

La rialkɛ jio̱k tuɔ̱ruɔ̱k ikä kɛ ko̱r, kä juc ŋunɛ Kuoth Nhial.

Thɔl 1:9

Ɣän luumdä, ca̱a̱tdä ji̱ kɛ ŋuɔ̱ɔ̱t jiöŋköör, mi te rɛy jiöŋkööri Pɛro.

I-ca-yaa 10:12

Kä mi wä Kuäär ni Kuoth thuɔ̱k kɛ lätni nyinäkɛ diaal Pääm Dha-yɔn kɛnɛ Jɛ-ru-tha-lɛm, bɛ kuäär A-thi-ri-ya däk kɛ kui̱ liakädɛ kɛnɛ kapdɛ kɛ rɔ nhial.

I-ca-yaa 24:21

Ɛn cäŋ ɛmɔ bi Kuoth Nhial buɔ̱m buɔ̱ɔ̱m nhial duäc rɛy puɔ̱ɔ̱rä, kä bɛ kua̱r piɛny duäc piny.

Bok Go̱kä ni Yir-mɛ-yaa 10:21

Kä bööthkɔn thilɛ kɛ ca̱r, /ci kɛn Kuoth Nhial a thieec kɛ ruac, kɛ kui̱ ɛmɔ thilɛ mi ca luäŋ, ɛ jɛn ci nɛɛkɔn däk dɔɔr ɔ.

Bok Go̱kä ni Yir-mɛ-yaa 11:22

Kä cu Kuoth Nhial in la Ruey Ɣɔaa wee i̱, “Nɛnɛ, ɣän bä kɛ duäc, ba ŋuɛ̈tni wutni näk kɛ mut. Kä bi gaatkiɛn kɛnɛ nyieekiɛn li̱w kɛ buɔth,

Bok Go̱kä ni Yir-mɛ-yaa 25:12

Kä kɛ kɔr kä mi wä run ti jiɛn bärɔw wä thuɔ̱k, ɣän bä kuäär Bɛ̈-bi-lɔn kɛnɛ do̱r ɛmɔ kɛ ro̱l ji̱ Kɛ̈l-da-ya duäc kɛ kui̱ jiäknikiɛn, kɛ ɣöö ca mun jak kä däk amäni cäŋ kɛl.

Bok Go̱kä ni Yir-mɛ-yaa 25:34

Wieeɛ lö yiëën deet, dalɛ rɔ rɛy ŋɛthä lö bööth deet, kɛ ɣöö ci gua̱th in ba näk ni yɛ cop, bia pɛ̈ɛ̈n ce̱tnikɛ mɛ̈ɛ̈k kuakni.

Bok Go̱kä ni Yir-mɛ-yaa 50:6

“Ci nɛɛkä cu ce̱tnikɛ ti ci bath. Kä ci yiëënkiɛn kɛ cu buath jɔ̱ɔ̱r, a wä kɛ yi̱ec ni wuɔ̱thni päämni. Ci kɛn wä yi̱ec wuɔ̱thni päämni kɛnɛ rët, cikɛ luakdiɛn cu pa̱l ruëëc.

Yɛdh 34:11

Kä cu Kuäär ni Kuoth Nhial mɛmɛ lar wëë i̱, “Ɣän puɔ̱nydä pa̱ny bä detkä wä go̱r ɛ ɣän, bäkɛ dhil nikɛ gör.

Yɛdh 34:12

Ce̱tkɛ min la yiëën deet detkiɛn la go̱o̱r rɛy deet tin ca rɔ̱ liɔam thi̱n, ɣän bä detkä go̱r inɔ bä. Ɣän bäkɛ luäk gua̱thni diaal tin cakɛ riaw thi̱n, kɛ cäŋ pua̱a̱ri muɔ̱th mi col.

Yɛdh 34:2

gat ran, lat ruac go̱o̱kä mi jiääk kɛ kui̱ yiëëni I-thɛ-rɛl. Lat ruac go̱o̱kä, läri jɛ kɛn yiëën ɛn ɣöö ɛ Kuäär ni Kuoth Nhial i̱, “Aɣ, lö yiëën I-thɛ-rɛl tin mi̱eethɛ ni rɔ̱ɔ̱dun! /Ci yieen deet la mi̱i̱th ni dët?

Bok Go̱kä ni Da-ni-yel 11:32

Kä bɛ nɛy tin ca mat ruac lo̱k cu mɛt, kä duundɛ ɣöö bi nɛy tin ŋa̱thkɛ Kuothdiɛn ruacdɛ lo̱k.

Dhɛp 1:8

Kä ɛn cäŋ mucädä ɛmɔ “Ɣän bä bööth kɛnɛ gaat kua̱ri duäc, kɛ nɛy diaal tin la̱tkɛ nyin ciɛŋni juri.

Dhɛp 2:7

Kä bi mun thuɔk yiëër a duŋ ji̱ dhɔaar Juda tin ci duɔth, ba gua̱a̱th la̱k, kä kɛ thiaŋ bikɛ la tɔ̱ɔ̱c kä Ac-kɛ-lon, kä bi Kuoth Nhial Kuothdiɛn kɛ tit, kä bɛ kɛ luɔ̱c mundiɛn.

Dhɛk 11:17

Riɛk akɛ yieen deet mi thil luɔt, mi bäny det piny! Ɛ mut yiɛɛth tetdɛ kɛnɛ waŋ cuëëcdɛ! Kä a tetdɛ kööt kä bi waŋ cuëëcdɛ muɔ̱t!”

Luk 1:68

“Puɔ̱th akɛ Kuäär ni Kuoth ni Kuoth I-thɛ-rɛl, kɛ ɣöö cɛ nɛɛkɛ ben luäk, kä cuɛ kɛ ben kän.

1 Pit 2:12

Ciëŋɛ agɔaa rɛy Juri, kɛ ɣöö mi dee kɛ yɛ lat jɔ̱ɔ̱r i̱ lapɛ ji̱ nyuɔɔni, bikɛ lätkun tin gɔw nɛn kä bikɛ Kuoth liak kɛ cäŋ in bɛ ɣɔw ben gui̱l.

Ruth 1:6

Kä mëë ci Na-omi jɛ guic, cuɛ rɔ jiɛc a lunyɛ jɔk rööl Mo-ab kɛɛl kɛnɛ män gankɛ tëë ci gaatkɛ kɛ kuɛn ɛn thɔ̱ŋi̱ kɛ ɣöö cɛ jɛ liŋ ɛn thɔ̱ŋi ɛn ɣöö ci Kuoth Nhial nɛɛkɛ ben gui̱l kä cɛ kɛ moc kɛ bɛl ti ro̱ŋ.