Dhɛk 10:1 - RUAC KUƆTH IN RƐL RƆ

¹ Thiëcɛ Kuoth Nhial kɛ nhiaal rueel, ɛ jɛn Kuoth Nhial in la pua̱a̱r a ŋun. La mocɛ naath kɛ nhiaal, kä jakɛ ka̱a̱k nɛɛni diaal kä tekɛ bɛl.

Dhɛk 10:1 Iomraidhean Croise

1 Kua̱r 17:1

Täämɛ cu E-li-yaa raan Tic-be mi cieŋ kä Gil-yad Ɛ̈-ɣab jiök i̱, “Ce̱tnikɛ ciöt Kuɔth Nhial Kuoth I-thɛ-rɛl, mi ta̱a̱ cuŋä nhiamdɛ mi, /cɛ bi tekɛ thäc kiɛ nhiaal ɛn runi ti̱ti̱, ɛ ni mi cä lar.”

I-yob 29:23

La liip kɛn ruacdä ce̱tkɛ mi liɛpkɛ ni nhiaal, la ro̱ŋɛ lɔɔcdiɛn ce̱tnikɛ nhiaal ruëël.

Diit 104:13

La waci pääm dueelu ni nhial, ci piny ro̱ŋ kɛ tin diaal tin ci la̱t.

Diit 135:7

Kä ɛ jɛn la wuɔ̱n a jiɛɛc ɔ pek ɣɔaa, kä ɛ jɛn moc nhiaal kɛ yielɔ, kä ɛ jɛn la jiɔam a lony ɔ raar guäth tɔ̱ɔ̱wädɛ.

Diit 65:9

Kä curi piny gui̱l kɛ muɔ̱cdu kɛ jɛ nhiaal, ci jɛ moc ria̱ŋ mi di̱i̱t, yiër Kuɔth cikɛ thia̱a̱ŋ kɛ pi̱w, ci naath moc kɛ bɛl ti ŋuan, curi piny cu rialikä inɔ.

Diit 72:6

A kuäär ce̱tnikɛ nhiaal mi ci juaac demikä, a jɛ ce̱tkɛ nyuɛ̈ɛ̈r ti ci piny wac!

Ruac Pɛli 16:15

Mi buɔy lɔc kua̱r te tëk wan ɔ, kä gɔɔydɛ ce̱tdɛ kɛ nhiaal ruëël.

I-ca-yaa 30:23

Kä bɛ kuay tin ci piɛth piny moc kɛ nhiaal, bi cu tekɛ bɛl ti ŋuan. Ɛn cäŋ ɛmɔ bi ɣɔ̱ɔ̱ku tekɛ wal ti ŋuan.

I-ca-yaa 44:3

Kɛ ɣöö ɣän bä pi̱w wuɔc muun rɛ̈w, kä bä dɔr rɛ̈w moc kɛ löli pi̱i̱ni. Ɣän bä yiëëdä wuɔ̱c kuaykun, kä bi puɔ̱thdä tekɛ gaatkun.

I-ca-yaa 5:6

Ɣän bä jɛ jak kä dɔr, /ca jɛ bi pur kiɛ /ca bi pith, bi piith ni wa̱th kɛnɛ kuiy thi̱n. Kä bä pua̱r jiök ɛn ɣöö /cɛ kak ɛmɔ bi demikä.”

Bok Go̱kä ni Yir-mɛ-yaa 10:13

Kä mɔ cɛ ma̱r ɔ, la pi̱w a wuɔ̱w nhial, kä jiɛcɛ pua̱a̱r pekni ɣɔaa. Kä cuɛ nhiaal moc kɛ yi̱el, kä cuɛ jiɔam nööŋ raar duëël tɔ̱wädɛ.

Bok Go̱kä ni Yir-mɛ-yaa 14:22

Kä tëë kɛ kuth jiɛn kä kuth dööri mi dee nhiaal nööŋ? Kiɛ dee pua̱a̱r nhiaal ŋun? Kä /ciɛ ni ji̱n, lö Kuoth Nhial min la Kuothda? Kɔn cakɔ ŋa̱thda ka̱m ni ji̱, kɛ ɣöö ɛ ji̱n lät ti diaal ɔ.

Bok Go̱kä ni Yir-mɛ-yaa 5:24

Kä /cu kɛ ruac kä rɔ̱ i̱, ‘Luɔ̱thnɛ Kuoth Nhial min la Kuothdan, min ŋun nhiaal kɛ gua̱a̱thdɛ min ŋun nhiaal ruëël kɛnɛ tɔ̱t, kä käm kɔn ŋër bɛɛl kɛ gua̱a̱thdɛ.’

Bok Go̱kä ni Yir-mɛ-yaa 51:16

Kä mëë cɛ ma̱r, cu wuɔ̱w ni pi̱w rɛy pua̱a̱ri, kä cu rur ben pekni ɣɔaa diaal. Kä cɛ yiel nhial rialikä kɛ kui̱ dɛmä nhial, kä cɛ jiɔam nööŋ ni guäth tɔ̱ɔ̱wkädɛ.

Yɛdh 34:26

Ɣän bäkɛ poth kɛ gua̱th tin thieek kɛ pämdä. Ɛn wani bäkɛ moc kɛ nhiaal kɛ gua̱a̱thdɛ, ala nhiaal mi ro̱ŋ.

Yɛdh 36:37

Kä cu Kuäär ni Kuoth Nhial ruac wëë i̱, “Ɣän bä ji̱ I-thɛ-rɛl jakä thieckɛ ɣä kɛ ɣöö bäkɛ lät kä mɛmɛ. Ɣän bäkɛ jakä rëpkɛ rɔ̱ ce̱tnikɛ det.

Ɣocä 10:12

Kä pi̱ethɛ rɔ cuŋ, kä ŋɛ̈rɛ dɛy nhök mi thil pëk. Tökɛ mundun kä puɔ̱rɛ jɛ, kɛ ɣöö ɛ gua̱a̱th mi ba thiec ni Kuoth Nhial, ɛn ɣöö derɛ yɛ ben puɔ̱th nhiaal.

Ɣocä 6:3

Wanɛ kä jɛ kɛ ɣöö banɛ jɛ ŋa̱c ɛn Kuoth Nhial, kɛ ɣöö bendɛ jɔcɛ ce̱tnikɛ käny ca̱ŋ. Bɛ ben kä kɔn ce̱tkɛ nhiaal, ce̱tkɛ nhiaal mi yi̱k piny kɛ ruel.”

A-mɔth 4:7

“Ɣän cä yɛ pën nhiaal, guäth in ci duɔth ni päth da̱ŋ diɔ̱k kä gua̱a̱th ŋër, la jakä jɛ kä dɛ̈m rɛɛk kɛl, guäth in pënä jɛ dɛ̈m rɛɛk in dɔ̱ŋ, la dɛmɛ kakä kɛl, guäth in kööt kak in /känɛ demikä.

Mikaa 5:7

Kä bi duɔth ji̱ I-thɛ-rɛl ciɛŋ ni rɛy döri ti ŋuan, ce̱tkɛ thäc mi bä kä Kuoth Nhial, kɛnɛ nyuɛ̈ɛ̈r rɛy juaacni, tin /ca lip ni raan kiɛ gat ran.

Jɔ̱ɔ̱n 16:23

Ɛn cäŋ ɛmɔ, /ci yɛn ɣä bi thiec. Ɛpuc, ɛpuc, ɣän la̱rä jɛ yɛ, mi wä yɛn duɔ̱ɔ̱r wä thiec kä Gua̱a̱r kɛ ciötdä bɛ jɛ ka̱m yɛ.

1 Kor 3:6

Ɣän cä pi̱eth, kä ci A-pɔ-löth kɛ wac, kä ci Kuoth kɛ jakä pith.

Ŋuɔ̱t 28:23

Kä bi pua̱a̱r nhial a wi̱c wi̱c, kä bi piny buɔ̱m ala yiëëth.

Je-mɛth 5:7

Kɛ kui̱ ɛmɔ, dämaari, li̱epɛ kɛ biɛt amäni cäŋ in bi ben kɛ Kuäär ni Yecu. Nɛ̈nɛ jɛ, liip pi̱i̱th kakä ciɛk bɛɛl tin cɛ pith muun, bɛ kɛ lip bitdä, amäni mi ci nhiaal in jio̱l kɛnɛ nhiaal in jɔak dɛ̈m.