Dhɛk 1:21 - RUAC KUƆTH IN RƐL RƆ

²¹ Kä cua̱ wee i̱, “Kä bäkɛ kɛ ɣöö ba ŋu ben la̱t?” Kä cuɛ ɣä loc i̱, “Kɛ tuɔ̱ŋ tin da̱kɛ Juda, kɛ ɣöö bɛ cu thil ram mi kap wi̱cdɛ nhial. Kɛn ti̱ti̱ bäkɛ kɛ ɣöö bakɛ ben jak kä dual, kä ba tuɔ̱ŋ dööri tin ca kap nhial kɛ ɣöö ba ji̱ Juda ben riaw kä piny.”

Dhɛk 1:21 Iomraidhean Croise

Diit 75:10

Ɣän bä buɔ̱m ji̱ nyuɔɔni woc, duundɛ ɣöö bä ji̱ cuŋni kap nhial.

Diit 83:2

Kɛ ɣöö kɛn ji̱ tɛ̈ru tekɛ ni gaak, ci nɛy tin lökɛ ji̱ wuɔ̱thkiɛn kap nhial.

Jiɛth 2:17

Ci Kuoth Nhial mëë cɛ car la̱t, cɛ ruacdɛ cuɔ̱p, mëë cɛ lat ni wal, cɛ yɛ yiäk a thil nhök. Cɛ ji̱ tɛ̈run la̱th wi̱i̱dun, cɛ kɛ ka̱m liak kɛnɛ buɔ̱m.

Bok Go̱kä ni Da-ni-yel 12:7

Kä cu ram min ci rɔ rony kɛ bi̱i̱ in ca mɛn ɛgɔaa min te cuŋä wi̱i̱ pi̱i̱ni tet cuëëcdɛ kɛnɛ tët caamdɛ tar nhial. Kä cua̱ jɛ liŋ yaacɛ rɔ kɛ ciöt Kuɔth in do̱raar ɛn ɣöö, bi mɛmɛ tuɔɔk kɛ run da̱ŋ diɔ̱k kɛ nuth, mi wä buɔ̱m nɛɛni Kuɔth wä thuɔ̱k, bikɛn ti diaal ti̱ti̱ cu thuɔ̱k.

Dhɛk 1:19

Kä cua̱ jääk Kuɔth in ruac kɛ ɣä jiök i̱, “Kɛ ŋuni kɛn ti̱ti̱?” Kä cuɛ ɣä loc i̱, “Kɛ tuɔ̱ŋ tëë da̱kɛ Juda kɛnɛ I-thɛ-rɛl kɛ Jɛ-ru-tha-lɛm.”