1 Tim 4:1 - RUAC KUƆTH IN RƐL RƆ

¹ Täämɛ ci Yiëë ɛ lat ɛn ɣöö gua̱a̱th in ŋot jɔk bi tha̱a̱ŋ nath ŋa̱th lo̱k kɛ li̱eŋdiɛn kɛ yiey kacä, kɛnɛ ŋi̱eec kuthni ti jiäk.

1 Tim 4:1 Iomraidhean Croise

2 Pit 2:1

Cu göök ka̱a̱cni rɔ jiɛc bä rɛy nath, ce̱tkɛ min bɛ tekɛ ŋi̱eec ka̱a̱cni rɛydun. Kɛn bikɛ ŋi̱i̱c mi kac mi bi naath bath ŋi̱eec. Kä bikɛ Ŋi̱i̱c in di̱i̱t, in ci kɛ luɛl jay, inɔ kɛn bikɛ rɔ̱ nöŋ da̱k kɛ pɛ̈th.

Juud 1:18

Cikɛ yɛ jiök i̱, “Kɛ gua̱a̱th in jɔak bɛ tekɛ nɛy ti buɔ̱ykɛ naath ti guɔ̱ɔ̱rkɛ ni tin go̱o̱r kɛn kɛ tin thil Kuoth.”

2 Pit 3:3

Bia nɛmɛ dhil ŋa̱c kɛ nhiam, ɛn ɣöö bi ji̱ boorä ben kɛ ni̱n tin jɔak, nɛy ti guɔ̱ɔ̱rkɛ ni di̱t lɔaacdiɛn kɛ tin go̱o̱r pua̱nykiɛn kɛ.

Juud 1:4

Cɛ tekɛ tha̱a̱ŋ nath ti ca rɔ̱ mat rɛydun kɛ tɛ̱̈ɛ̱̈. Ci bok ruac kɛ kui̱diɛn ni wal ɛn ɣöö bakɛ luk. Kɛ kɛn ji̱ nyuɔɔni tin rietkɛ puɔ̱th Kuɔthdan kɛ ɣöö bikɛ jiäkiɛn la̱t, kä jay kɛn Yecu Kritho min la Ŋi̱i̱cdan kä Kuääran in kɛl kärɔa.

2 Kor 11:3

Kä ɣän dualä ɛn ɣöö, ce̱tkɛ mëë ci thɔ̱l Iib mɛt kɛ ca̱p wän wäänädɛ, ba cärkun böth jɔ̱ɔ̱r kä nhök luthä Kritho in thuɔ̱k in lɛy lɛy.

2 Tim 3:13

Kä duundɛ ɣöö bi nɛy ti jiäk, kɛnɛ nɛy tin thil ca̱p wäkɛ wä nhiam kɛ jiääkdiɛn ɛlɔ̱ŋ, mɛ̈tkɛ naath, kä mɛ̈tkɛ kɛ bä.

1 Jɔ̱ɔ̱n 4:6

Kɔn lapnɛ ji̱ Kuɔth. Kä ram ɔ ŋäc Kuoth ɔ liŋɛ ruaacnikɔn, kä ram ɔ /ci bä kä Kuoth ɔ, /cɛ kɔn liŋ. Kä kɛ nɛmɛ ŋäc kɔn yiëë thukä kɛnɛ yiëë mi /ci mɔ a thuɔ̱k.

Jɔ̱ɔ̱n 16:13

Mi wä Yiëë thukä wä ben, bɛ yɛ böth kä ruac in thuɔ̱k kɛɛliw, kɛ ɣöö /cɛ bi ruac kɛ lua̱ŋdɛ kärɔa. Duundɛ ɣöö bɛ lat ni min cɛ liŋ, kä bɛ yɛ la̱t ŋɔaani tin bi ben.

1 Jɔ̱ɔ̱n 2:18

Nyin tiɛtnikä, nɛmɛ ɛ jɛn thaak in jɔak! Kä ce̱tkɛ min cia jɛ liŋ ɛn ɣöö gua̱n tɛ̈r Kritho a bëëni, kä täämɛ ci ji̱ tɛ̈r Kritho ti ŋuan ben. Kɛ kui̱ ɛmɔ ŋäc kɔn ɛ ɛn ɣöö ɛ jɛn thaak in jɔak.

Bok Go̱kä ni Da-ni-yel 10:14

Ɣän ba̱kɛ kɛ ɣöö bä ji̱ ben luäk kɛ ŋäc kä min bi tuɔɔk kä nɛɛku kɛ ni̱n tɔ̱ bi ben tɔ̱. Kɛ ɣöö ɛn nyuuth ruacɛ kɛ gua̱a̱th ɔ bi ben ɔ kɛ nhiam.”

Nyuuth 2:11

Kä ɛ ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ /ca jɛ bi näk ɛ lia̱a̱ in rɛwdɛ.’ ”

2 Tim 4:4

Kä bikɛ rɔ̱ riet jɔk kä li̱eŋ thukä, kä bikɛ wä liŋ ni muaaŋ tëë wal.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

Nyuuth 3:6

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth.’ ”

Nyuuth 2:29

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth.’ ”

Yɛdh 38:16

Kä bia nɛɛkä ni ji̱ I-thɛ-rɛl ban, ce̱tnikɛ pua̱r mi ci wi̱c muɔ̱ɔ̱n kum. Kä kɛ ni̱n tɔ̱ bi ben tɔ̱, ɣän bä ji̱ jakä gak kɛ mundä lö Gog, kɛ ɣöö bi döör ɣä cu ŋa̱c mi wa̱a̱ gɔɔydä nyoth kɛ ji̱ nhiamdiɛn.’ ”

1 Pit 1:20

Jɛn ca jɛ mɛk ɛ Kuoth a /ka̱n ɣɔw ni cak, kä duundɛ ɣöö ca jɛ nyoth kɛ gua̱a̱th ɛ jɔak ɛmɛ kɛ kui̱dun.

Nyuuth 18:2

Kä cuɛ ciöt kɛ jɔw mi bum, wëë i̱, “Cɛ pɛ̈ɛ̈n, cɛ pɛ̈ɛ̈n, ɛn Bɛ̈-bi-lɔn in di̱i̱t! Cɛ la ni gua̱a̱th cieŋä kuthni ti jiäk, ɛ gua̱a̱th cieŋä din ti jiäk, kä ɛ gua̱a̱th leeyni diaal tin jiäk.

Ji̱ Ko-lɔ-thi 2:18

A thil ram mi jak yɛ kä thil luɔt kɛ palun kɛ jaak nhial. Kä ram mi ce̱tkɛ nɔmɔ, la latdɛ luɔ̱ɔ̱tni diaal kä min cɛ nɛn. Kä kɛ ca̱r wecdɛ mi thil ŋa̱th la liakɛ ni rɔ.

1 Kor 10:20

Ëëy, ɣän luɔtdä ni ɣöö, min tho̱p nɛy ti kueckɛ Kuoth ɛ, thöpkɛ jɛ kuth ti jiäk, a /ci mɔ a Kuoth. Kä /cä jɛ go̱r ɛn ɣöö dërɛ rɔ̱ mat kɛ kuth ti jiäk.

Mikaa 4:1

Kä kɛ ni̱n tia̱ bi beni, bi päm in ca luak Kuɔth Nhial täth thi̱n, bär ni jiɛɛn kä pääm diaal. Kä bi nɛy ti ŋuan rɔ̱ dol thi̱n.

Bok Go̱kä ni Yir-mɛ-yaa 49:39

“Duundɛ ɣöö kɛ ni̱n tin jɔak ɣän bä Ee-lam nyɔk kɛ loc guäthdɛ,” ruac ni ɣän Kuoth Nhial.

Bok Go̱kä ni Yir-mɛ-yaa 48:47

Duundɛ ɣöö, bä Mo-ab nyɔk kɛ loc ni tääkädɛ mëë wal. Kɛ ni̱n tɔ̱ bi ben tɔ̱. Kä bi mɛmɛ cua̱ jɛn luk Mo-ab,” ruac ni ɣän Kuoth Nhial.

I-ca-yaa 2:2

Kä kɛ ni̱n tia̱ bi beni, bi päm in ca luak Kuɔth Nhial täth thi̱n, bi bär ni jɛn kä pääm diaal, kä bi döör diaal rɔ̱ dol thi̱n.

Ŋuɔ̱t 32:29

Mi kɛ nɛy ti pɛl, deekɛ jɛ ŋa̱c, i̱ bi guutdiɛn a ŋu!

Ŋuɔ̱t 4:30

Mi wä ti̱ti̱ ben kä ji̱ cäŋ kɛl, a bi riɛk, bi rɔ cu riet Kuoth Nhial Kuothdu, kä bi jɛ cu luɔ̱th,

Kuen 24:14

Kä ɣä, wa̱a̱ kä nɛɛkä ɛn täämɛ. Bër ɛ ji̱ la̱rä min bi nɛy ti ti jɛ lät kä nɛɛku ni̱ni tɔ̱ bëë tɔ̱.

Tuk Cäkä Ɣɔaa 3:13

Kä ɛn wa̱nɔ cu Kuoth Nhial ni Kuoth ciek thi̱ec i̱, “Ɛ le̱e̱y ŋu ɛnɛ ci lɛl ɛ!” Cu ciek ɛ loc i̱, “Ci thɔ̱l ɣä mɛ̈t mi̱thdɛ.”

Nyuuth 20:8

kä bɛ ben kɛ ɣöö bɛ döör ben mɛ̈t tin te pekni ɣɔaa da̱ŋ ŋuan, ala ji̱ Gog kɛnɛ Ma-gog, kɛ ɣöö bɛ kɛ dol kɛ kui̱ köör. Kä ce̱t pekdiɛn kɛ liɛt bar.

Nyuuth 19:20

Kä cua ley käp kɛɛl kɛ gök mi gua̱n kacä min ci nyuuthni la̱t nhiamdɛ, tin mɛ̈tkɛ nɛy tin ca biɛl lɛ̱̈ɛ̱̈ jek kɛnɛ nɛy tin palkɛ cätdɛ. Kɛn rɛw ti̱ti̱ cua kɛ yuɔr yier maac mi waŋ kɛ wäl mi kɛc ŋuänydɛ a tëkɛ.

Nyuuth 18:23

/Ci buay lɛmbärä bi met jɔɔc rɛydu. Kä /ca jɔw cɔa nyaal kɛnɛ kaw bi nyɔk kɛ li̱eŋ rɛydu, kɛ ɣöö ji̱ ko̱kädu bum ni kɛn wi̱i̱ muɔ̱ɔ̱n, kä ci ji̱ wec muɔ̱ɔ̱n diaal mɛ̈t kɛ lät ti̱i̱tädu.

Nyuuth 13:14

Kä kɛ nyuuthni tin ga̱ykɛ naath tin ca pa̱l jɛ i̱ bɛ la̱t kɛ kui̱ lɛ̱̈ɛ̱̈, cuɛ nɛy tin ciaŋkɛ wi̱c muɔ̱ɔ̱n mɛt, cuɛ naath com kɛ ɣöö bikɛ puɔ̱ny la̱t mi ce̱tkɛ ley in ca moc buɔ̱t kɛ thɛp, kä ŋotdɛ kɛ tëk.

Nyuuth 9:20

Kä duɔth nath, tin /ka̱n näk ɛ rik ti̱ti̱, /ka̱n rɔ ri̱t kä lät tetnikiɛn tin jiäk. Kä /ka̱n pal yieeni ti jiäk kɛnɛ kuth tin ca la̱t kɛ da̱a̱p, kɛ ciɛk in bo̱r, kɛ ciɛk in yian, kɛnɛ päm, kɛ jiɛn, tin /ci dee guic, kiɛ li̱eŋ, kiɛ ja̱l päl.

Nyuuth 3:22

Ram mi tekɛ ji̱th a jɛ liŋ min lär Yiëë Kuɔth ɛ duël Kuɔth.”

Nyuuth 3:13

Ɛ ram mi tekɛ ji̱th a jɛ liŋ min lär Yiëë Kuɔth ɛ duël Kuɔth.’ ”

Nyuuth 2:17

Kä ɛ ram mi tekɛ ji̱th, liŋ min lär Yiëë Kuɔth ɛ duël Kuɔth. Kä ram ɔ bi tiëm ɔ bä jɛ ka̱m tha̱a̱ŋ mana mi ca tɛ̱̈ɛ̱̈, kä bä jɛ ka̱m päm mi bo̱r, mi tekɛ ciöt mi pay gɔ̱a̱r thi̱n, kä thilɛ ram mi ŋäc jɛ ɛ ni ram in ci jɛ jek.’ ”

Nyuuth 2:7

Ram mi tekɛ ji̱th, a jɛ liŋ min lär Yiëë Kuɔth ɛ duël Kuɔth. Ram mi ci naath joc bä jɛ jakä mi̱th kä jiath teekä min te rɛy kakä wal Kuɔth.’ ”

1 Kor 12:11

Kä kɛn muc gööli ti̱ti̱ diaal lätkɛ ni ɛn Yiëë ɔ kɛl ɔ, ce̱tkɛ min go̱o̱rɛ cɛ ram ɔ ka̱m muc mi göl.

Lät Jaakni Yecu 28:25

Kä ɛnɔ, cukɛ gua̱c kärɔ̱, kä mëë däk piny, cu Puɔl ruac kɛl lat i̱, “Te Yiëë in Gɔaa in Rɛl Rɔ kɛ cuɔ̱ɔ̱ŋ kɛ lärɛ gua̱ndɔɔŋnikun kɛ thok go̱kä ni I-ca-yaa i̱,

Lät Jaakni Yecu 17:18

Kä cu tha̱a̱ŋ ŋi̱eecni tin guɔ̱ɔ̱rkɛ ŋi̱i̱c Ɛpi-ku-ruth kɛnɛ nɛy tin guɔ̱ɔ̱rkɛ ŋi̱i̱c in cɔali Thɛ-to-ik ŋaknɔm ŋak kɛ jɛ. Cu tha̱a̱ŋkiɛn wee i̱, “Ɛŋu mi go̱o̱r ram ɛ kui̱c ŋu ɛ jɛ i̱ bɛ lat?” Cu nɛy ti kɔ̱kiɛn ɛ loc i̱, “Ce̱tdɛ kɛ mi lätdɛ ni naath kuth kɔ̱kiɛn.” (Kä nɛmɛ ɛ ɣöö ci Puɔl kɛ la̱t thuk ti gɔw kɛ kui̱ Yecu kɛnɛ jiëcdɛ li̱th.)

Lät Jaakni Yecu 13:2

Kä min palkɛ Kuäär ni Kuoth kä thɛ̈kɛ mi̱th, cu Yiëë in Gɔaa in Rɛl Rɔ wee i̱, “Kuɔ̱cɛ ɣä Bar-na-bäth kɛnɛ Thɔɔl kɛ kui̱ läätdä min cä kɛ cɔal thi̱n.”

Yɛdh 1:3

cu riet Kuɔth Nhial ben kä ɣän bo̱o̱th palä ni Yɛdh-ki-el gat Budhi, jɔk kiɛɛr Kɛ-bar muun ji̱ Kɛ̈l-da-ya. Kä cu buɔ̱m Kuɔth Nhial te kɛɛl kɛ ɣä ɛn wani.

Nyuuth 16:14

Kɛn yiey ti jiäk ti̱ti̱ la̱tkɛ nyuuthni ti ga̱ykɛ naath, kä räthkɛ ni kä kua̱r wec muɔ̱ɔ̱n kɛɛliw, kɛ ɣöö ba kɛ dol kɛ kui̱ köör kɛ cäŋ Kuɔth in Leny Buɔ̱mdɛ ti Diaal in di̱i̱t.

Ɣocä 3:5

Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.

1 Kua̱r 13:18

Kä cu gök ɛ jiök i̱, “Ɛ ɣän gök ce̱tkɛ ji̱ bä, kä ci jääk Kuɔth Nhial ruac kɛ ɣä wëë i̱, ‘No̱o̱ŋni jɛ jɔk dhɔru kɛ ji̱ kɛɛl, kɛ ɣöö bɛ mi̱th kä bɛ maath kɛ pi̱.’ ” Duundɛ ɣöö kacɛ ni jɛ.

Bok Go̱kä ni Yir-mɛ-yaa 23:26

A bɛ ku mäni nɛy bɛ te lo̱cni göökni ka̱a̱cni ti latkɛ ruaacni ka̱a̱cni go̱o̱kä kɛ cär lo̱cnikiɛn ɔ,

Mɛ̈t 18:7

Riɛk akɛ ɣɔw kɛ kui̱ ŋɔaani tin jakɛ jɛ kä dui̱r. Kɛ ɣöö ɣɔ̱ɔ̱ni bäkɛ pa̱ny, kä riɛk akɛ ram mɔ bikɛ ben kä jɛ mɔ.

Luk 17:1

Kä cu Yecu ji̱ kɔaarɛ jiök i̱, “Tin ba naath jakä dui̱r dhil tuɔɔk, kä riɛk akɛ ram in bikɛ ben kɛ jɛ!

Lät Jaakni Yecu 20:23

Kä ɣän ŋa̱cä ni ɣöö rɛy wi̱i̱ni diaal nyuth Yiëë in Gɔaa in Rɛl Rɔ ɣä ɣöö liip yieen kɛnɛ rik ɣä.

Lät Jaakni Yecu 21:11

Kä cuɛ ben kä kɔ, cuɛ la̱a̱k Puɔl ka̱n, kä cuɛ ciökɛ kɛnɛ tetkɛ yiɛn kɛ jɛ, kä cuɛ wee i̱, “Ɛ Yiëë in Gɔaa in Rɛl Rɔ i̱, ‘Bi ji̱ Juudh tin te kä Jɛ-ru-tha-lɛm gua̱n lääkä ɛmɛ yian inɛ, kä ba jɛ ka̱m Juri!’ ”

1 Kor 2:10

Ci Kuoth ti̱ti̱ nyuɔ̱th kɔn kɛ Yiëëdɛ. Kɛ ɣöö Yiëë go̱o̱rɛ ŋɔaani diaal, amäni tɛ̱̈ɛ̱̈ni Kuɔth.

1 Kor 11:19

Kɛ thuɔ̱k bɛ dhil tekɛ dääk rɛydun, kɛ kui̱ kä ɣöö ba jɛ ŋa̱c kɛ ŋaani la nɛɛ Kuɔth ɔ.

Je-mɛth 3:15

Pɛl ɛmɛ /ciɛ pɛl mi bä nhial, ɛ pɛl piɛny, mi /ci mɔ a duŋ yieekä, kä ɛ duŋ gua̱n jiäkni.