1 Tim 3:2 - RUAC KUƆTH IN RƐL RƆ

² Täämɛ ɛn bo̱o̱th bɛ a ram mi thil bɛ̈l, bɛ kuɛɛn kä kɛɛl, bɛ a ram mi puɔ̱t lɔc, kä te wi̱cdɛ cuŋä, kä luɔ̱thkɛ jɛ ɛ nɛy tin kɔ̱ŋ, kä bɛ ja̱a̱l nyuɔ̱ɔ̱r dhɔrɛ, kä bɛ a ŋi̱i̱c mi ro̱ŋ.

1 Tim 3:2 Iomraidhean Croise

I-ca-yaa 56:10

Kɛn gueec I-thɛ-rɛl kɛ ciöör, kɛn diaal kueckɛ ŋɔak, ce̱t kɛn diaal kɛ jio̱o̱k ti ga̱a̱ŋ ti kueckɛ ɣöö dëë kɛ guee, la tɔ̱ɔ̱ckɛ bikɛ cu läk ni la̱a̱k ikä, kä nhɔk kɛn ni ni̱en.

Luk 1:6

Kɛn da̱ŋ rɛw kɛ ji̱ cuŋni nhiam Kuɔth, cieŋkɛ ala nɛy ti thil bɛ̈l kɛ ɣöö ka̱pkɛ ŋut Kua̱r ni Kuoth diaal kɛnɛ ruaacnikɛ.

Luk 2:36

Täämɛ tëëkɛ ciek mi gök mi cɔal i̱ Anna, mi la nya Pan-wel thok duëël Ɛ̈-cɛr. Kä jɛn cɛ dɔŋ ɛlɔ̱ŋ. Kä ca jɛ kɔŋ kuɛn ala ciek kɛ run da̱ŋ bärɔw.

Ji̱ Röm 12:13

Nyuekɛ kɛ nɛɛ Kuɔth tin thil duɔ̱ɔ̱r, lëpɛ dho̱rkun jur.

Ji̱ Pi-li-pi 2:15

kɛ ɣöö bi yɛn thil bɛ̈l kä bia thil duer, ala gaat Kuɔth ti thil gua̱r ti riaw, ce̱tkɛ kuɛl rɛy ɣɔaa, rɛy ri̱cä mi wän wän mi thil luth.

1 Tim 3:12

A di̱kɔn kuen kä kɛɛl kärɔa, kä akɛ yiankɛ gaatkiɛn kɛnɛ gɔalkiɛn agɔaa.

1 Tim 3:8

Bööth ni di̱kɔni bikɛ yi̱k a nɛy ti ji̱ thiɛkä bä, kä /cikɛ bi a nɛy ti wa̱n wa̱a̱n, /cikɛ rɔ̱ bi ka̱m kɔaŋ ɛlɔ̱ŋ, kä /ci lo̱ckiɛn bi di̱t kɛ yio̱w.

1 Tim 4:3

Kɛn pënkɛ naath kuën, kä pënkɛ naath tha̱a̱ŋ mi̱thni tin ci Kuoth kɛ cak, kɛ ɣöö dëëkɛ cam kɛ tɛ̈th lɔaac ɛ nɛy tin ŋa̱th kä ŋa̱ckɛ thuɔ̱k.

1 Tim 5:10

Kä ba jɛ yi̱k ŋa̱c kɛ gɔɔy lätnikɛ, ce̱tkɛ ram mi ci gaat pith, kä nyuurɛ ja̱a̱l, kä la̱kɛ ciök nɛɛni tin ci Kuoth kɛ lɛy, kä luäkɛ nɛy tin tekɛ rik, kä cɛ rɔɔdɛ la̱th lätni ti gɔw gua̱thni diaal.

1 Tim 5:22

/Cu yuäl kɛ läth tetni wi̱i̱ ran, kä /cu rɔɔdu mat rɛy dueeri nɛɛni kɔ̱kiɛn. Yop rɔɔdu kɛ ciaaŋ mi wic wic.

1 Tim 5:9

A thil ciek jɔkä mi ba ciötdɛ gɔ̱r, mi /ken runkɛ cop kä jiɛn bäkɛl, kä ca kuɛn kä kɛɛl.

2 Tim 2:24

Kä läät Kua̱r ni Yecu /cɛ dee dhil a ram mi gua̱n gaak, derɛ cieŋ a gɔaa kɛ nɛy diaal, bɛ a ŋi̱i̱c mi ro̱ŋ mi tekɛ päl piny,

Tay-täth 2:2

Com wutni tin di̱t kɛ ɣöö bikɛ a nɛy ti pua̱tkɛ lo̱ckiɛn, ti luɔtkɛ ni jɛ, kä ŋa̱ckɛ ŋɔak, ti gɔw rɛy ŋäthä, rɛy nho̱kä, kɛnɛ rɛy dhi̱i̱lä.

Ji̱ Ɣi-bɛ-ru 13:2

/Cuarɛ nyuur nɛɛni ti kuecɛ päl, kɛ ɣöö inɔ cu tha̱a̱ŋ nath ja̱a̱k nhial nyuɔ̱ɔ̱r a kuec kɛn ɛ.

Ji̱ Ɣi-bɛ-ru 3:14

Kɛ ɣöö kɔn diaal ta̱nɛ kɛ nyuaak kɛ Kritho mi ka̱pnɛ ŋa̱thdan ëë nhiam amäni pekdɛ.

1 Pit 4:7

Ci guut ŋɔaani diaal thia̱k, kɛ kui̱ ɛmɔ a wuɔ̱thkun ɣööŋ, kä ruɔ̱tdɛ rɔ̱ kɛ kui̱ palikun.

1 Pit 4:9

Nyuɔ̱ɔ̱rɛ rɔ̱ agɔaa, a thil ŋɔa̱a̱ŋ.

1 Pit 5:8

Ruɔ̱tdɛ rɔ̱ɔ̱dun, kä ta̱yɛ jinä. Gua̱n tɛ̈run in la gua̱n jiäkni wurɛ ce̱tkɛ lony mi ŋa̱a̱r kä go̱o̱rɛ ram mi bɛ roc.