1 Tim 3:1 - RUAC KUƆTH IN RƐL RƆ

¹ Mɛmɛ ɛ ruac mi thuɔ̱k pa̱ny. Ɛn ɣöö mi go̱o̱r raan ɣöö ba bo̱o̱th duëël Kuɔth go̱o̱rɛ ni la̱t mi gɔaa.

1 Tim 3:1 Iomraidhean Croise

Ruac Pɛli 11:30

Ram mi gua̱n cuŋni ɛ jiath teekä, ku ram mi gua̱n köör lɛ woc ni tëk.

Luk 15:10

A cäŋ ɛ jɛn inɔ, ɣän la̱rä jɛ yɛ, ɛn ɣöö bɛ tekɛ tɛ̈th lɔaac nhiam ja̱a̱kni Kuɔth nhial kɛ kui̱ gua̱n duerä kɛl mi ci rɔ ri̱t.”

Lät Jaakni Yecu 1:20

“Kɛ ɣöö ca jɛ gɔ̱r rɛy buɔk Diit i̱, ‘A ciëëŋdɛ te ni lɔrä, kä a jɛ thil ram mi cieŋ thi̱n.’ kä ‘A gua̱a̱th la̱tdɛ gua̱lkɛ ɛ radɔ̱diɛn.’

Lät Jaakni Yecu 20:28

Inɔ tiɛtdɛ rɔ̱ kä tiɛtdɛ det diaal, tin ci Yiëë in Gɔaa in Rɛl Rɔ yɛ jakä ga̱a̱ŋkiɛn. Kä jakɛ rɔ̱ kä yiëën duëël Kuɔth, min cɛ jek kɛ riɛm Gatdɛ pa̱ny.

Ji̱ Röm 11:13

Täämɛ ruacä kɛ yɛn Jur. Ce̱tnikɛ mɔ ɛ ɣän jääk kä Jur, jakä la̱tdä kä di̱t.

Ji̱ Ɛ-pɛ-thäth 4:12

Cɛ nɔmɔ la̱t kɛ ɣöö bɛ nɛɛ Kuɔth diaal rialikä kɛ ɣöö bikɛ la̱t la̱t, kɛ ɣöö ba puɔ̱ny Kritho jakä bum.

Ji̱ Pi-li-pi 1:1

Ɣän Puɔl kɔnɛ Ti-mo-thi, la̱a̱t Kritho Yecu, gɔ̱a̱rkɔ warɛgak ɛmɛ yɛ, yɛn tin ci Kuoth kɛ lɛy, tin te kä Pi-li-pi kɛɛl kɛ bööth palä tin cɔali “bicipni” kɛnɛ “dikɛni”.

1 Thɛ 5:14

Kä cuɔmkɔ yɛ, dämaari, ɛn ɣöö luëkɛ nɛy tin nyuur baaŋ, kä buɔ̱mɛ nɛy tin jiɛth lo̱ckiɛn, kä lua̱kɛ nɛy tin kɔ̱c ŋa̱thdiɛn, kä pa̱lɛ lo̱ckun piny kɛ kɛn diaal.

1 Tim 1:15

Ɛ ruac mi thuɔ̱k pa̱ny, kä ɛ mi gɔaa ɛn ɣöö dëë nhɔk kɛɛliw, ɛn ɣöö Kritho Yecu cɛ ben rɛy ɣɔaa kɛ ɣöö bɛ ji̱ dueeri ben kän, tin jiäk ni ɣän rɛydiɛn ɛlɔ̱ŋ.

1 Tim 4:9

Ɛ ruac mi thuɔ̱k pa̱ny, kä ro̱ŋɛ kɛ ɣöö ba jɛ nhɔk kɛɛliw.

2 Tim 2:11

Nɛmɛ ɛ ruac mi thuɔ̱k pa̱ny i̱, “Mi canɛ li̱w kɛ Yecu kɛɛl, banɛ tëk kɛ jɛ kɛɛl bä.

Tay-täth 1:7

Kɛ ɣöö bo̱o̱th duëël Kuɔth, ɛ yuup la̱t Kuɔth, bɛ a ram mi thil bɛl. Kä /cɛ rɔ bi dhil liakä, kiɛ mi la mal a kɛ̈c, kiɛ yɔ̱ŋ kɔaŋ, kiɛ gua̱n rɔlä, kiɛ di̱t lɔc kɛ jek ŋɔaani.

Tay-täth 3:8

Ruac ɛmɛ ɛ thuɔ̱k. Ɣän göörä ɣöö bi la̱t ni kɛnɛ ti̱ti̱, kɛ ɣöö bi nɛy tin ca Kuoth ŋäth rɔ niɛk kɛ ɣöö bikɛ rɔ̱ ka̱m lät ti gɔw. Lät ti̱ti̱ gɔwkɛ ɛlɔ̱ŋ, kä lua̱kɛ naath.

Ji̱ Ɣi-bɛ-ru 12:15

Guɛcɛ jɛ ɛn ɣöö a thil ram mi /ci puɔ̱th Kuɔth bi jek, kɛnɛ ɣöö bɛ thil kɛ̈c lɔaac mi bi tuɔɔk a bi riɛk nööŋ, mi bi nɛy ti ŋuan jakä jiäk.

1 Pit 2:25

Kɛ ɣöö mëëdan ci yɛn bath dup ce̱tkɛ rɔɔm. Kä duundɛ ɣöö ɛn täämɛ cia luny ni kä yieen deet kä gääŋ tieynikun.

1 Pit 4:15

Kä duundɛ ɣöö a thil raan kä yɛ mi bi cuuc kɛ ɣöö ɛ nääk nath, kiɛ cuer, kiɛ gua̱n nyuɔɔni, kiɛ gua̱n wi̱eecni.

1 Pit 5:2

Yienɛ det Kuɔth tin ca ka̱m yɛ, kä la̱tdɛ ce̱tkɛ yuɔ̱ɔ̱p ti gɔw. La̱tdɛ jɛ, kä /ciɛ ɣöö kuɔkɛ ni yɛ, ɛ ɣöö nhɔk yɛn ɛ i̱ bia jɛ la̱t ce̱tkɛ min go̱o̱r Kuoth ɛ. Kä /cuarɛ jɛ lät kɛ ɣöö bia yio̱w jek thi̱n, kä ɛ ɣöö go̱o̱r yɛnɛ i̱ bia jɛ la̱t kɛ lɔcdun kɛɛliw.