1 Jɔ̱ɔ̱n 4:1 - RUAC KUƆTH IN RƐL RƆ

¹ Nhöökä, /cuarɛ yiey diaal ŋäth. Ɣɔ̱a̱nɛ yiey kɛ ɣöö bia nɛn mi kɛ yiey ti bä kä Kuoth, kɛ ɣöö ci göök kacä ti ŋuan däk wi̱i̱ muɔ̱ɔ̱n.

1 Jɔ̱ɔ̱n 4:1 Iomraidhean Croise

1 Kua̱r 13:18

Kä cu gök ɛ jiök i̱, “Ɛ ɣän gök ce̱tkɛ ji̱ bä, kä ci jääk Kuɔth Nhial ruac kɛ ɣä wëë i̱, ‘No̱o̱ŋni jɛ jɔk dhɔru kɛ ji̱ kɛɛl, kɛ ɣöö bɛ mi̱th kä bɛ maath kɛ pi̱.’ ” Duundɛ ɣöö kacɛ ni jɛ.

Ruac Pɛli 14:15

Kä ram mi dɔ̱a̱r pekdɛ mi cɛ ŋäth, kä ram mi pɛl guicɛ tin lätdɛ.

Bok Go̱kä ni Yir-mɛ-yaa 14:14

Kä cu Kuoth Nhial ɣä jiök i̱, “Kɛn go̱o̱k ca lat ni ruac go̱o̱kä mi kac kɛ ciötdä. Ɣän /ka̱n kɛ ja̱k, kä /ka̱n ruac kɛ kɛ. La̱t kɛ ni yɛ nyuuth go̱o̱kä mi kac, ca la̱t ni yɛ ruac mi thil luɔt, ca yɛ mɛt kɛ ca̱riɛn.

Bok Go̱kä ni Yir-mɛ-yaa 23:16

Kä cu Kuoth Nhial in la Ruey Ɣɔaa wee i̱, “/Cu ruac göökni tɔ̱ bi ji̱ la̱t ruac go̱o̱kä mɔ liŋ, tɔ̱ ba ji̱ thiäŋ kɛ ŋa̱th kä mi thil luɔt tɔ̱. Lat kɛn ni nyuuthni cärädiɛn, /ci kɛ ti bä raar thok Kuɔth Nhial.

Bok Go̱kä ni Yir-mɛ-yaa 5:31

Cu go̱o̱k lat ni ruaacni ka̱a̱cni, kä cu bööth palä ruac kɛ ca̱riɛn, cu nɛɛkä nhɔk ni jɛn duɔ̱ɔ̱p ɛmɔ, kä bi ku lɛ la̱t ni ŋu mi wä guut wä ben?

Mak 13:21

Kä ɛn guäth ɛmɔ mi wëë tekɛ ram mi wä yɛ jiök i̱, ‘Nɛnɛ, Mɛ-thia ɛn!’ Kiɛ bɛ wee i̱, ‘Guɛcɛ jɛ, jɛn ni̱n!’ /Cuarɛ ruacdɛ liŋ.

Luk 12:57

“Kä ɛŋu /cia rɔ̱ moc cuɔ̱ŋ kɛ kui̱dun yɛn kärɔ mɔ?

Luk 21:8

Kä cuɛ wee i̱, “Niɛkɛ rɔ̱, kɛ ɣöö /ca yɛ bi buath jɔ̱ɔ̱r, kɛ ɣöö bi nɛy ti ŋuan ben kɛ ciötdä, wäkɛ i̱, ‘Ɛ jɛn ɣän!’ kä ‘Ci gua̱a̱th thia̱k!’ /Cuarɛ wä kɔɔriɛn.

Lät Jaakni Yecu 17:11

Kɛn ji̱ Juudh ti̱ti̱ gɔaa ni ciaaŋdiɛn kä ji̱ Thɛ-tha-lo-ni-ka, kɛ ɣöö cikɛ ruac Kuɔth liŋ kɛ di̱t lɔaac, kä görkɛ ruaacni Kuɔth ni ciaŋ, kɛ ɣöö ba jɛ jek mi kɛn ti ca lat ɛ Puɔl ti kɛ thuɔ̱ɔ̱k.

Lät Jaakni Yecu 20:29

Kä ŋa̱cä jɛ ɛn ɣöö mi wa̱a̱ wä jiɛɛn bi jio̱o̱k nyapëc ti ci wa̱th ben rɛydun, kä /cikɛ det bi päl.

1 Kor 12:10

Ɛn yiëë cɛ ram kɛl moc lua̱ŋ lätni ti ga̱ykɛ naath, kɛ cɛ min dɔ̱ŋ moc kɛ ruac go̱o̱kä, kä cɛ min dɔ̱ŋ moc kɛ lua̱ŋ mi ŋäcɛ yiey ti gɔw kɛnɛ ti jiäk, kɛ cɛ min dɔ̱ŋ moc kɛ lua̱ŋ ruac kɛ thuk ti kueckɛ, kä cɛ min dɔ̱ŋ moc kɛ lua̱ŋ lucä thukni.

1 Kor 14:29

A göök rɛw kiɛ diɔ̱k latkɛ ruaacni go̱o̱kä, kä a nɛy kɔ̱kiɛn thɛ̈mkɛ tin ca lar.

1 Thɛ 5:20

/Cuarɛ rieet göökni lo̱k,

1 Thɛ 5:21

kä ɣɔ̱a̱nɛ ŋɔaani diaal, ka̱pɛ lät ti gɔw a bum,

2 Thɛ 2:2

ɛn ɣöö a wuɔ̱thkun /cɛ yi̱c cärädun kiɛ bia dual, kɛ yiëë kiɛ kɛ ruac go̱o̱kä, kiɛ derɛ jɛ lat, kɛ ruac, kiɛ kɛ warɛgak ce̱tkɛ mi bëë kä kɔ. Ce̱tkɛ mi ca lat ɛn ɣöö bi cäŋ Kua̱r Yecu ben.

1 Tim 4:1

Täämɛ ci Yiëë ɛ lat ɛn ɣöö gua̱a̱th in ŋot jɔk bi tha̱a̱ŋ nath ŋa̱th lo̱k kɛ li̱eŋdiɛn kɛ yiey kacä, kɛnɛ ŋi̱eec kuthni ti jiäk.

2 Tim 3:13

Kä duundɛ ɣöö bi nɛy ti jiäk, kɛnɛ nɛy tin thil ca̱p wäkɛ wä nhiam kɛ jiääkdiɛn ɛlɔ̱ŋ, mɛ̈tkɛ naath, kä mɛ̈tkɛ kɛ bä.

2 Pit 2:1

Cu göök ka̱a̱cni rɔ jiɛc bä rɛy nath, ce̱tkɛ min bɛ tekɛ ŋi̱eec ka̱a̱cni rɛydun. Kɛn bikɛ ŋi̱i̱c mi kac mi bi naath bath ŋi̱eec. Kä bikɛ Ŋi̱i̱c in di̱i̱t, in ci kɛ luɛl jay, inɔ kɛn bikɛ rɔ̱ nöŋ da̱k kɛ pɛ̈th.

1 Jɔ̱ɔ̱n 2:18

Nyin tiɛtnikä, nɛmɛ ɛ jɛn thaak in jɔak! Kä ce̱tkɛ min cia jɛ liŋ ɛn ɣöö gua̱n tɛ̈r Kritho a bëëni, kä täämɛ ci ji̱ tɛ̈r Kritho ti ŋuan ben. Kɛ kui̱ ɛmɔ ŋäc kɔn ɛ ɛn ɣöö ɛ jɛn thaak in jɔak.

1 Jɔ̱ɔ̱n 2:7

Nhöökä, /ciɛ luek mi pay tuɔɔk ɛ nɛ gɔ̱a̱rä yɛ mɛ, kä duundɛ ɣöö ɛ luek ëë wal, mëë tekɛ yɛ ni tukä ɣɔaa. Luek ëë wal ɛmɛ ɛ jɛn riet ëë cia kɔŋ liŋ.

2 Jɔ̱ɔ̱n 1:7

Cu ji̱ mɛɛtdä ti ŋuan wä raar wi̱i̱ muɔ̱ɔ̱n, kɛn nɛy tin lökɛ ɣöö Yecu Kritho ɛ raan. Ram mi ce̱tkɛ nɔmɔ ɛ gua̱n mɛɛtdä kä ɛ lo̱o̱k Kritho!

3 Jɔ̱ɔ̱n 1:11

Määthdä min nhɔakä, cu nyiɛth ni mi jiääk, nyiɛthni ni mi gɔaa. Ram mi lät mi gɔaa ɛ raan Kuɔth. Kä ram mi lät mi jiääk /kenɛ Kuoth nɛn.

Nyuuth 2:2

“ ‘Ɣän ŋa̱cä lätkun, kɛ buɔ̱m läätädun kɛnɛ li̱epdun bitdä. Kä ɣän ŋa̱cä ɣöö /cia nɛy ti jiäk nhɔk rɛydun. Ci yɛn nɛy tin cɔalkɛ rɔ̱ i̱ jaak, kä /ci tɔ̱ a jaak ɣɔ̱n, kä cia kɛ jek ɛn ɣöö kɛ ji̱ kacä.