1 Jɔ̱ɔ̱n 3:8 - RUAC KUƆTH IN RƐL RƆ

⁸ Ram mi lät dueer, ɛ gat gua̱n jiäkni, kɛ ɣöö gua̱n jiäkni lätdɛ duer ni tukä. Luɔt ëë jɔc kɛ Gat Kuɔth ɛ ɣöö bɛ lät gua̱n jiäkni däk.

1 Jɔ̱ɔ̱n 3:8 Iomraidhean Croise

Ji̱ Ɣi-bɛ-ru 2:14

Kä kɛ ɣöö te gaat kɛ ri̱ŋ kɛnɛ riɛm, jɛn Yecu bä tëëkɛ puɔ̱ny mi ce̱tkɛ puɔ̱nydiɛn, kɛ ɣöö kɛ lia̱a̱dɛ derɛ ram in tekɛ buɔ̱m li̱eth min la gua̱n jiäkni däk.

Jɔ̱ɔ̱n 8:44

Kɛ yɛn gaat guurun ni gua̱n jiäkni, kä cia nhɔk ni ɣöö bia la̱t ni tin go̱o̱r guurun kɛ. Ɛ luuc nath ni tukä ɣɔaa, kä thilɛ jɛ thuɔ̱k, kɛ ɣöö thilɛ thuɔ̱k rɛydɛ. Kä jɛn la ruacɛ, kɛ ciaaŋdɛ pa̱ny, kɛ ɣöö ɛ gua̱n kacä, kä ɛ gua̱n ka̱a̱cni.

Ji̱ Ko-lɔ-thi 2:15

Cuɛ buɔ̱m ruëëcni kɛnɛ kua̱r woc, kä cuɛ jɛ nyoth nhiam nɛɛni diaal ɛn ɣöö thilɛ kɛ buɔ̱m, kɛ ɣöö cɛ kɛ puɔ̱t kɛ lia̱a̱dɛ jɔk jiaath.

Ji̱ Röm 16:20

Inɔ, bi Kuoth malä Cɛy-tan riac piny ciöknikun. A puɔ̱th Kua̱ran ni Yecu Kritho tekɛ yɛ kɛɛl.

Jɔ̱ɔ̱n 16:11

Kä tekɛ kɛ duer kɛ kui̱ luɔ̱k, kɛ ɣöö ca kuäär ɣɔaa ɛmɛ kuɛth luk.

Jɔ̱ɔ̱n 12:31

Ɛn täämɛ ɛ luk kɛ kui̱ ɣɔaa ɛmɛ. Kä täämɛ, ba kuäär ɣɔaa ɛmɛ tuɔ̱k raar.

2 Pit 2:4

/Ken Kuoth ja̱a̱k nhial tëë ci duer pälikä. Cuɛ kɛ yuɔr guäth maac mi thil pek, kä cuɛ kɛ jakä wä kɔ̱a̱kni ti cuɔl cuɔɔl, kɛ ɣöö ba kɛ gaŋ thi̱n amäni caŋ luɔ̱k

Mak 1:24

Kä cuɛ wiee wëë i̱, “Ɛŋu mi bi lät kä kɔ, ji̱n Yecu raan Na-dha-rɛth? Bi̱i̱ kɛ ɣöö bi kɔ ben däk? Ɣän ŋa̱cä jɛ ɛn ɣöö ɛ ji̱n ram mi rɛl Gɔɔydɛ rɔ mi bëë ni kä Kuoth.”

Ji̱ Ɛ-pɛ-thäth 2:2

Kɛ gua̱a̱th ëëdan cia guɔ̱ɔ̱r ni dup ɣɔaa ɛ jiääk ɛmɛ, kä guur yɛn ni buɔ̱m kua̱r jiɔam mi jiääk, ɛ jɛn yiëë in lät täämɛ rɛy nɛɛni tin /ca Kuoth luth.

I-ca-yaa 27:1

Ɛn cäŋ ɛmɔ bi Kuoth Nhial Lɔw Yiëër in di̱i̱t in dual naath kɛ jɛ näk kɛ thɛpdɛ min bumbum in di̱i̱t, ɛn Lɔw in thac ni rɔ, kä bɛ Nyaŋ Yiëër in di̱i̱t näk bä.

Luk 10:18

Kä cuɛ kɛ jiök i̱, “Ɣän cä Cɛy-tan nɛn pɛnɛ piny nhial ce̱tkɛ yiel nhial.

1 Jɔ̱ɔ̱n 3:10

Dëë gaat Kuɔth kɛnɛ gaat gua̱n jiäkni ŋic kɛ nɛmɛ. Nɛy diaal tin /ci lät ni cuŋ, /cikɛ nɛɛ Kuɔth, amäni nɛy tin /ca dämani nhɔk.

Mɛ̈t 13:38

Kä kak ɛ jɛn ɣɔw, kä kuay ti gɔw kɛ kɛn gaat kuäärä nhial. Kä jol kɛ kɛn gaat gua̱n jiäkni.

Nyuuth 20:10

Kä cua gua̱n jiäkni min cikɛ mɛt yuɔr bar maac kɛnɛ wäl mi kɛc ŋuänydɛ, gua̱a̱th in te ley kɛnɛ gök in gua̱n kacä thi̱n, kä bakɛ moc ti bɛ̈c bɛ̈ɛ̈c kɛ cäŋ kɛnɛ wäär a thil pek.

1 Jɔ̱ɔ̱n 5:19

Ŋäc kɔnɛ ɛn ɣöö lapnɛ gaat Kuɔth kä te ɣɔw ɛmɛ kɛɛliw piny bumä gua̱n jiäkni.

1 Jɔ̱ɔ̱n 3:5

Ŋäc yɛn ɛ ɛn ɣöö ci Yecu jɔɔc kɛ ɣöö bɛ dueer woc, kä rɛydɛ thilɛ duer.

Nyuuth 20:15

Kä ram mi /ka̱n ciötdɛ ran jek a ca gɔ̱r rɛy buɔk teekä, ca jɛ yuɔr bar maac.

Juud 1:6

Kä cuɛ ja̱a̱k nhial, tin /ken gua̱thkiɛn tit, tëë ci gua̱a̱th cieŋädiɛn ba̱ny nhial, yiɛn kɛ kuatni ti thil pek, rɛy muɔ̱th mi col col kɛ kui̱ ca̱ŋ luɔ̱k in di̱i̱t.

Tuk Cäkä Ɣɔaa 3:15

Bä kamdun yɛnɛ ciek moc kɛ tɛr, amäni kam ganku kɛnɛ gaatkɛ. Ba wi̱cdu kuɛm ɛ kɛn, kä bi ŋul cio̱kdiɛn kac.”

Mɛ̈t 4:3

Kä cu gua̱n ɣɔmä ben kä Jɛ, cuɛ jɛ jiök i̱, “Mi ɛ ji̱n Gat Kuɔth, ruacni kɛ pääm ti̱ti̱ kɛ ɣöö bikɛ rɔ̱ loc ni juray.”

Mɛ̈t 12:28

Kä mi ɛ lua̱ŋ Yieekä Kuɔth ɛnɔ tuɔ̱kä ni kuth ti jiäk raar ɔ, ci kuäär Kuɔth ben kä yɛ.

1 Tim 3:16

A thil diw, min cuääŋ naath rɛy ŋäthädan di̱tdɛ ɛlɔ̱ŋ. Jɛn ca jɛ nyoth rɛy ri̱eŋ, kä tëëkɛ cuɔ̱ɔ̱ŋ rɛy yieekä, ca jɛ nɛn ɛ ja̱a̱k nhial, Ca ciötdɛ lat rɛy Juri, kä ca jɛ ŋäth rɛy ɣɔaa, ca jɛ naŋ nhial rɛy buɔyä.

Ji̱ Ɣi-bɛ-ru 9:26

kɛ ɣöö inɔ derɛ bɛ̈c bɛ̈ɛ̈c rut ni kä ti nyin ŋuan ni mëë cakɛ ɣɔw. Kä kɛ ta̱a̱dɛ cuɛ jɔɔc kä kɛɛl kärɔa kɛ guut ɣɔaa kɛ ɣöö bɛ duer woc kɛ tho̱pdɛ kɛ rɔ ala muc.

1 Jɔ̱ɔ̱n 1:2

Ca tëk ɛmɔ jakä jɔc, kä cakɔ jɛ nɛn, kä cakɔ ruac kɛ kui̱dɛ, kä la̱rkɔ yɛ tëk in do̱raar mëë te kɛɛl kɛ Gua̱a̱r in te nhial, kä ca nyuɔ̱th kɔn.

Kuen 21:9

Kä cu Muthɛ thɔ̱l la̱t kɛ yiëëth in do̱l, kä cuɛ jɛ la̱th ri̱kä. Mi ca raan kac ɛ thɔ̱l, bɛ thɔ̱l cikä min do̱l guic kä bɛ cu tëk.