1 Jɔ̱ɔ̱n 3:1 - RUAC KUƆTH IN RƐL RƆ

¹ Nɛ̈nɛ jɛ, ɛ nhök mi te i̱di ci Gua̱a̱r in te nhial ɛ nhɔk ni kɔn ɛ, a cɔalkɛ kɔn i̱ gaat Kuɔth. Kä kɛ kɛn gaatkɛ. Luɔt kä min kui̱c ɣɔw ɛ ni kɔn ɛ jɛn ɣöö kui̱ ɣɔw ɛ.

1 Jɔ̱ɔ̱n 3:1 Iomraidhean Croise

2 Tham 7:19

Kä ŋotdɛ kɛ mi lätdi ɣä ti ŋuan lö Kuoth Nhial. Ci ruac lat kɛ kui̱ dhɔaarä kɛ gua̱a̱th ɔ bi ben ɔ. Kä dëë nɛmɛ a ŋuɔ̱t kä naath lö Kuoth Nhial!

Diit 31:19

Kä ku gɔyku lɛ ŋuan i̱di tin ci lät kä nɛy tin luɔ̱thkɛ ji̱, tin ci la̱t ni nhiam nath kɛ kui̱ nɛɛni tin lua̱kɛ rɔ̱ ji̱!

Bok Go̱kä ni Yir-mɛ-yaa 3:19

Kä ɣän cua̱ jɛ car i̱, “Ɣän bä yɛ ciɛŋ ce̱tkɛ gaatkä, kä bä yɛ moc kɛ mun mi gɔaa, gua̱a̱th mi gɔaa ni jɛn kä gua̱th dööri diaal. Kä cua̱ ŋa̱c ni ɣöö bi ɣä cɔli, gua̱a̱r, kä /ci rɔ bi ri̱t kɔɔrä.

Ɣocä 1:10

Ku duundɛ la ɣöö gaat I-thɛ-rɛl, bikɛ ŋuan ce̱tnikɛ nyin litdä thuɔk yieer, tin /ca dee luäŋ kɛ thëm kɛnɛ kuën. Täämɛ cu Kuoth kɛ jiök i̱, “/Ci yɛn a nɛɛkä,” duundɛ ɣöö bi gua̱a̱th ku lɛ cop in ba kɛ cɔl i̱, “Gaat Kuɔth in tëk.”

Luk 20:36

Kɛ thuɔ̱k /cikɛ bi lɛ li̱w, kɛ ɣöö ce̱tkɛ kɛ ja̱a̱k nhial, kä kɛ gaat Kuɔth tin la gaat jiecä li̱th.

Jɔ̱ɔ̱n 1:12

Nɛy diaal tëë ca jɛ nhɔk kä ca ciötdɛ ŋäth, cuɛ kɛ moc cuɔ̱ɔ̱ŋ kɛ ɣöö bikɛ a gaat Kuɔth.

Jɔ̱ɔ̱n 11:52

Kä /ciɛ kui̱ döör kärɔa, ɛ ɣöö bɛ gaat Kuɔth tin ca riaw mat guäth kɛl.

Jɔ̱ɔ̱n 15:21

Kä bikɛ ti diaal ti̱ti̱ lät kä yɛ kɛ kui̱dä, kɛ ɣöö kueckɛ ram ëë jäk ɣä.

Jɔ̱ɔ̱n 16:3

Kä bikɛ mɛmɛ la̱t, kɛ ɣöö kueckɛ Gua̱a̱r, amäni ɣän.

Jɔ̱ɔ̱n 17:25

Aɣ, Gua̱a̱r mi Gua̱n cuŋni, a cäŋɛ mi kui̱c ɣɔw ji̱, ɣän ŋa̱cä ji̱. Kä ŋäc nɛy ti̱ti̱ jɛ ɛn ɣöö ɛ ji̱n jäk ɣä mɔ.

Jɔ̱ɔ̱n 3:16

“Kɛ ɣöö nhɔk Kuoth nɛy diaal ɛlɔ̱ŋ, cuɛ Gatdɛ kɛl ni kärɔa muɔc, kɛ ɣöö ram mi wä jɛ ŋäth, /cɛ bi li̱w, bɛ tekɛ tëk mi thil pek.

Ji̱ Röm 5:8

Kä ci Kuoth kɔn nyuɔ̱thɛ nhökdɛ kɛ ɣöö mëë ŋuɔtnɛ ala ji̱ dueer cu Yecu li̱w kɛ kui̱dan.

Ji̱ Röm 8:19

Kɛ ɣöö ɣɔw in ca cak lipɛ nyuth gan Kuɔth kɛ di̱t lɔaacdɛ kɛɛliw,

Ji̱ Röm 8:21

Kɛ ɣöö ba ɣɔw puɔ̱nydɛ lony a lɔr rɛy yieenä jiääkä, kä bɛ lɔar gɔɔyä puɔnyä gan Kuɔth jek.

Ji̱ Röm 8:32

Jɛn Ram mi /ken Gatdɛ pa̱ny pën, kä cuɛ jɛ thöp kɛ kui̱dan, /cɛ kɔn bi ka̱m ŋɔak diaal bä kɛ jɛ kɛɛl?

2 Kor 6:18

Kä bi ɣän a guurun, kä bi yɛn a dhɔɔlkä kɛnɛ nyieekä, ruac ni Kuäär in Leny Buɔ̱mdɛ ti Diaal.”

Ji̱ Gä-lëë-cia 3:26

Kɛ ɣöö rɛy Kritho Yecu yɛn diaal lapɛ gaat Kuɔth kɛ ŋa̱th.

Ji̱ Gä-lëë-cia 3:29

Kä mi lapɛ nɛɛ Kritho, lapɛ kuay A-bɛ-ram, kä bi yɛn min ca lar ɛ Kuoth jek.

Ŋuɔ̱t 14:1

“Kɛ ɣöö kɛ yɛn gaat Kuɔth Nhial Kuothdun. /Cuarɛ pua̱nykun tëm kä /cuarɛ wuɔ̱thkun mut nhiam kɛ kui̱ pärä raam mi ci li̱w.

Ji̱ Ko-lɔ-thi 3:3

Kɛ ɣöö ci yɛn li̱w kä ca tëkdun tɛ̱̈ɛ̱̈ kɛɛl kɛ Kritho rɛy Kuɔth.

1 Jɔ̱ɔ̱n 3:10

Dëë gaat Kuɔth kɛnɛ gaat gua̱n jiäkni ŋic kɛ nɛmɛ. Nɛy diaal tin /ci lät ni cuŋ, /cikɛ nɛɛ Kuɔth, amäni nɛy tin /ca dämani nhɔk.

1 Jɔ̱ɔ̱n 3:2

Nhöökä, ɛn täämɛ lapnɛ gaat Kuɔth, kä ŋotdɛ /ken ta̱a̱ in bi tekɛ kɔn in jɔɔc. Kä min ŋa̱cnɛ ɛ ɣöö, mi wëë wä jɔɔc banɛ ce̱tkɛ jɛ, kɛ ɣöö banɛ jɛ nɛn kɛ ta̱a̱ in tekɛ jɛ.

1 Jɔ̱ɔ̱n 4:17

Ci nhök ro̱ŋ rɛydan kɛ nɛmɛ, ɛn ɣöö dënɛ tekɛ liak kɛ cäŋ luɔ̱k in di̱i̱t, kɛ ɣöö ce̱t ta̱a̱dan wi̱i̱ muɔ̱ɔ̱n ɛmɛ kɛ ta̱a̱ in tekɛ jɛ.

Nyuuth 21:7

Nɛy ti wä tiëm bikɛ ti diaal ti̱ti̱ guäl. Bi ɣän a Kuothdiɛn, kä bi kɛn a gaatkä.