1 Jɔ̱ɔ̱n 1:9 - RUAC KUƆTH IN RƐL RƆ

⁹ Kä mi lat kɔn dueerkɔn, jɛn ram in gua̱n cuŋni min tekɛ ŋa̱th, bɛ kɔn pälikä kɛ dueerkɔn, kä bɛ kɔn lak kä nyuɔɔn diaal.

1 Jɔ̱ɔ̱n 1:9 Iomraidhean Croise

1 Kua̱r 8:30

Liŋ palä kɛnɛ pal nɛɛniku ni ji̱ I-thɛ-rɛl mi palkɛ a ca wuɔ̱thkiɛn riet ɛn guäth ɛmɛ. Liŋɛ nhial guäth cieŋädu, kä mi wi̱i̱ jɛ liŋ päli nɛy ikä.

1 Kua̱r 8:47

Mi wäkɛn ɛ rɔm kɛ lɔcdiɛn muun in cakɛ pɛ̈c thi̱n, kä cikɛ rɔ ri̱t ji̱ ɛn muun nɛɛni tin cakɛ pɛc, lar kɛ ja i̱, ‘Ca̱kɔ duer, ca̱kɔ mi jiäk la̱t,’

Nɛ-ɣɛm-yaa 1:6

päli ji̱thku piny, kä lɛp nyinku kɛ ɣöö bi pal jäŋädu liŋ mi palä mi täämɛ nhiamdu kɛ cäŋdäär kɛnɛ wäär kɛ kui̱ ja̱a̱ŋniku ni ji̱ I-thɛ-rɛl. Ɣän latdä dueerkɔ kɔn ji̱ I-thɛ-rɛl tëë cakɔ duer ji̱. Dueer tëë cä la̱t kɔnɛ dhɔr gua̱a̱r.

Diit 19:12

Kä ɛŋa dëë duerɛ ŋa̱c ɔ? Päli ɣä dueerkä tin kuecä.

Diit 32:5

Duundɛ ɣöö ɣän cä duerä la̱r ji̱, kä /ka̱n jiäkä tɛ̱̈ɛ̱̈, Ɣän cä wee i̱, “Cä dueerkä la̱t Kuoth Nhial,” kä curi duerä päl.

Ɣöth 34:7

Nyuthɛ nhökdɛ mi /ci rɔ wany nɛy ti bathdɔɔri, ta̱a̱ kɛ pälikä kɛ jiäk kɛnɛ dueer, mäni nyuɔɔn. Kä jɛn puɔ̱nydɛ /cɛ ram mi duundɛ la̱t dueeri ni ciaŋ päl ɛ tɛk, kä yɔ̱tdɛ duer gua̱ni gan wi̱i̱ gankiɛn mäni gaat gankiɛn wä ni kä käth in diɔ̱ɔ̱kdiɛn kɛnɛ ŋuaandiɛn.”

Ruac Pɛli 28:13

Kä ram teey dueerkɛ /cɛ gɔaa, kä ram lat dueerkɛ jekɛ nhök.

I-ca-yaa 45:21

Bia latdɛ ruacdun guäth luɔ̱k, akɛ ca̱a̱tkɛ ruac kɛɛl! Ɛŋa mi ci ti̱ti̱ lat ni wal? Ɛŋa mi ci jɛ lat mëëdan? /Ciɛ ɣän Kuoth Nhial ɛ nëë lat kɛ? Kä thilɛ Kuoth mi dɔ̱ŋ mi /ci mɔ a ɣän, ɛ ɣän Kuoth cuŋni kä kään, thilɛ Kuoth mi dɔ̱ŋ ɛ ni ɣän.

Bok Go̱kä ni Yir-mɛ-yaa 3:13

Ku lɛ ŋa̱c ni dueru kärɔa, kɛ ɣöö ci rɔ luɔ̱c ɣä, ɣän Kuoth Nhial ni Kuothdu, kä ci nhökdu ka̱m kuth kɔ̱kiɛn thäri jiɛn tin tɔ̱ɔ̱c, kä /keni ruacdä luɔ̱th.

Bok Go̱kä ni Yir-mɛ-yaa 33:8

Kä bä dueerkiɛn tëë ci kɛn kɛ lät kä ɣä päl. Kä bä duer ëë ci kɛn ɛ dui̱r kɛ lo̱kdiɛn kɛ ɣä päl bä.

Jiɛth 3:23

La tekɛ thi̱n ni ciaŋ kɛ runwaŋ, kɛ ɣöö di̱t gɔɔydɛ ɛlɔ̱ŋ.

Yɛdh 36:25

Kä bä yɛ kith kɛ pi̱w ti gɔw, bia cu gɔw kä jiäkun diaal, kä bä yɛ jakä gɔw kä kuth guäynikun diaal.

Yɛdh 37:23

/Ca rɔ̱ bilɛ nyɔk kɛ yäri kɛ kuth guäynikiɛn kɛnɛ nyin jiäknikiɛn, kiɛ dueerkiɛn. Ɣän bä kɛ kän, duɔ̱pni jiäkni diaal tëë cikɛn kɛ guɔ̱ɔ̱r, kä bäkɛ jakä gɔw. Inɔ, bikɛn cua̱ nɛɛkä kä bi ɣän cua̱ Kuothdiɛn.’

Dhɛk 9:9

A lɔcdu tɛth, lö nya Dha-yɔn! Kä a rɔal ni ji̱n, lö nya Jɛ-ru-tha-lɛm! Nɛnɛ, kuääru a bëë kä ji̱ ni. Jɛn ɛ cuɔ̱ŋ kä cɛ naath joc, jɛn muɔ̱lɛ kä cɛ kɔt kɛ muul, tëë jɔɔk ruath muɔ̱l.

Mɛ̈t 3:6

Kä cuɛ kɛ lak rɛy kiɛɛr Jɔr-dɛn, kä latkɛ dueerkiɛn.

Mak 1:5

Kä cu ji̱ rööl Ju-dia amäni ji̱ Jɛ-ru-tha-lɛm diaal wä raar kä jɛ, kä cuɛ kɛ lak kiir Jɔr-dɛn, latkɛ dueerkiɛn.

Luk 22:57

Kä cu Pi-tɔr jɛ gak, wëë i̱, “Ciek, ɣän kuecä jɛ.”

Jɔ̱ɔ̱n 17:25

Aɣ, Gua̱a̱r mi Gua̱n cuŋni, a cäŋɛ mi kui̱c ɣɔw ji̱, ɣän ŋa̱cä ji̱. Kä ŋäc nɛy ti̱ti̱ jɛ ɛn ɣöö ɛ ji̱n jäk ɣä mɔ.

Lät Jaakni Yecu 19:18

Cu nɛy ti ŋuan ti pay ŋa̱th ben, latkɛ lätkiɛn tëë ca la̱t.

Ji̱ Röm 3:26

Kä tho̱pɛ jɛ kɛ ɣöö ba nyoth ɛn täämɛ i̱ te ni jɛn kɛ cuɔ̱ɔ̱ŋ, kä mocɛ ram in tekɛ ŋa̱th kɛ Yecu kɛ cuɔ̱ɔ̱ŋ.

1 Kor 1:9

Kuoth ɛ Gua̱n ŋäthä, kä jɛn cɛ yɛ cɔl rɛy matdä kɛ Gatdɛ ni Yecu Kritho Kuääran.

1 Kor 6:11

Kä tha̱a̱ŋkun ce̱tkɛ kɛ nɛy ɛ tɔ̱. Kä duundɛ ɣöö ca yɛ lak, ca yɛ jak kä gɔaa ci Kuoth yɛ lɛy, kä ca yɛ moc cuɔ̱ɔ̱ŋ kɛ ciöt Kua̱r ni Yecu Kritho kɛnɛ rɛy Yieekä Kuɔthdan.

Ji̱ Ɛ-pɛ-thäth 5:26

kɛ ɣöö derɛ jɛ jakä mi rɛl rɔ, kɛ la̱kdɛ kɛ pi̱ kɛ riet.

Ŋuɔ̱t 7:9

Kɛ ɣöö Kuoth Nhial Kuothdun ɛ Kuoth mi gɔaa mi gua̱n nhökä, tiitdɛ gukdɛ kɛnɛ nhökdɛ min thil pëk kɛ nɛy tin nhɔakɛ jɛ, kä tiɛtkɛ luëëkɛ kä ri̱c ti bathdɔɔri.

1 Tim 1:15

Ɛ ruac mi thuɔ̱k pa̱ny, kä ɛ mi gɔaa ɛn ɣöö dëë nhɔk kɛɛliw, ɛn ɣöö Kritho Yecu cɛ ben rɛy ɣɔaa kɛ ɣöö bɛ ji̱ dueeri ben kän, tin jiäk ni ɣän rɛydiɛn ɛlɔ̱ŋ.

Tay-täth 2:14

Jɛn cɛ rɔɔdɛ thöp kɛ kui̱dan, kɛ ɣöö bɛ kɔn luɛl kä jiäk diaal, kä bɛ kɔn jakä wiɛc wiɛɛc ti la nɛɛkɛ, ti di̱t lo̱ckiɛn kɛ lätni kä ti gɔw.

Ji̱ Ɣi-bɛ-ru 10:23

Kuanɛ ŋa̱thdan in latnɛ käp a bum a thil guɛ̈l, kɛ ɣöö jɛn ram in ci ruacdɛ lat ŋääthɛ rɔ.

Ji̱ Ɣi-bɛ-ru 11:11

Kɛ ŋa̱th cu A-bɛ-ram puɔ̱nydɛ lua̱ŋ jek ɛn ɣöö bɛ gat di̱eth, a cäŋɛ mëë cɛ dɔŋ kä Thara ɛ rol, kɛ ɣöö ŋääthɛ jɛ ɛn ɣöö bi Kuoth mëë cɛ lat tit.

Ji̱ Ɣi-bɛ-ru 6:10

Kɛ ɣöö Kuoth /ciɛ ram mi thil cuŋ bɛ lätkun car, kɛnɛ nhök in cia nyoth kɛ kui̱dɛ kɛ lätni nɛɛni Kuɔth ikä, ce̱tkɛ min ŋot yɛn kɛ la̱tdɛ.

1 Jɔ̱ɔ̱n 1:7

Kä mi jäl kɔn rɛy buɔyä, ce̱tkɛ min tëë rɛy buɔyä, ta̱nɛ kɛ nyuaak kamnikɔn, kä ci riɛm Gatdɛ ni Yecu dueerkɔn diaal lak raar.

Nyuuth 15:3

Kä cukɛ dit Muthɛ min la ja̱ŋ Kuɔth, kɛnɛ dit Ruath Dɛ̈ɛ̈l, wäkɛ i̱, “Lätku di̱tkɛ, kä ga̱ykɛ naath, lö Kuäär ni Kuoth, in Leny Buɔ̱mdu ti Diaal! Duɔ̱pku cuŋkɛ kä kɛ thuɔ̱ɔ̱k, Lö Kuäär dööri diaal!