Matthew 11:3 - Nukumanu

³ Tena na tama raa ki oo no vahiri ake ma, “Mee mai ki illoa maatou, Akoe ko te tama Jon e tattara ma e me ki hamai raa, ma maatou e me ki hakattari teeraa tama hoki?”

Matthew 11:3 Iomraidhean Croise

Matthew 11:10

Maitaname Jon ko te tama te Launiu Tapu raa e tattara ma, ‘TeAtua e mee mai ma, “Anau e me ki kauna te profet Anau raa ki haere i mua Akoe no tanattana te mateara Akoe raa.” ’

Matthew 11:4

Kito Jisas ki meake, “Vakkai no tattara ake Jon na mee kootou e llono ia ma na mee kootou e kkite raa:

Matthew 21:5

“Meake te matakaina Saion raa, kira ake te tuku kootou raa ku haere atu! Tama raa e tuku Aia no mouraro, tena ki kake i aruna te donki; i aruna te punua te donki; te punua tane te donki.”

Matthew 21:9

Na tama e hahaere vaa mua ia ma na tama e hahaere vaa muri raa ku kaamata no vavaa ma, “Hakammaha te Tamariki Devit! TeAtua e hakatapu te tama e hamai i te inoa TeAriki raa! Hakammaha TeAtua!”

Mark 11:9

Tena na tama e oo vaa mua ia ma na tama e oo mai vaa muri raa ku kaamata no vavaa ma, “Hakammaha TeAtua! TeAtua e hakatapu te Tama e hamai i te inoa TeAriki raa!

Luke 19:38

“TeAtua e hakatapu te Tuku tera e hamai i te inoa TeAriki raa! Na mahi TeAtua ia ma te Noho Laoi i te vaelani!”

John 11:27

Tena Marta ki meake, “Hakamaoni roo, TeAriki! Anau e hakatina pera ma Akoe ko te Mesaia, te Tamariki TeAtua tera ni hamai i te maarama nei raa.”

John 12:13

Kito na tama raa ki tuutuu na raraa na laakau raa, tena ki oo ake ma ki ttiri Jisas; na tama raa e haere vavaa ma, “Hakammaha TeAtua! TeAtua e hakatapu te Tama e hamai i te inoa TeAriki raa! TeAtua e hakatapu te Tuku Israel!”

John 16:14

Tama raa e me ki huri atu kootou na mahi hai mmahi Anau, maitaname Aia e me ki too hea Anau ni tattara ake Aia raa no tattara atu kootou.

John 4:21

Tena Jisas ki meake te hine raa, “Akoe ki hakatina Anau, e mee e isi te saaita koi hamai tera na tama se lavaa te lotulotu ake TeAtua i aruna te mouna nei ia ma i roto Jerusalem.

John 6:14

Te kanohenua raa ku kkite te mirakol Jisas ni ppena raa, tena na tama raa ki tattara ma, “Hakamaoni, teenei ko te Profet: te Tama te Launiu Tapu raa e tattara ma e me ki hamai i te maarama nei raa!”

John 7:31

Emeia tammaki na tama i roto te kanohenua raa ku hakattina iaa Jisas, tena ki meake, “Te saaita te Mesaia raa e hamai raa, eaa Aia e me ki ppena tammaki na mirakol peenei ma te Tama nei e ppena nei?”

Hebrews 10:37

Maitaname te Launiu Tapu raa e tattara ma, “Tena se roroa, te Tama ma Aia e me ki hamai raa e me ki hamai; Aia se lavaa te nnahe hoki.