Luke 1:76 - Nukumanu

⁷⁶ Taku tama, akoe e me ki kanna ria pera ma he profet TeAtua Hakanaaniu i Aruna. Akoe e me ki haere i mua TeAriki, no tanattana te mateara Aia ki hamai vaa aruna,

Luke 1:76 Iomraidhean Croise

Matthew 14:5

Herot e hihai roo ma ki taa Jon ki mate, e meia aia e mataku i te kanohenua na Jiu raa, maitaname na tama raa e hakattina pera ma Jon he profet.

Matthew 21:26

Emeia kame taatou e mee ma, ‘Ni mahi koi na tama,’ taatou e mattaku hoki hea te kanohenua raa e me ki ppena i taatou, maitaname na tama raa hakaatoa e hakattina pera ma Jon he profet.”

Matthew 3:11

Anau e hakoukou tapu kootou ma te vai ki huri atu pera ma kootou ku ttike i taha ma na hai sara kootou, e meia te tama e me ki hamai i muri anau raa e me ki hakoukou tapu kootou ma TeAnana Tapu ia ma te ahi. Aia e hakanaaniu i aruna anau, tena anau se tau hoki te sausau na taka Aia raa.

Matthew 3:3

Jon ko te tama profet Aisaia ni tattara mai te saaita aia ni mee ma, “E isi te tama e tattara hakamaroa i te kina e tuu mahoa raa ma, ‘Tanattana te mateara TeAriki raa; Tena hakattonu na mateara raa ki ttonu ki hamai Aia vaa aruna!’ ”

Mark 11:32

Emeia kame taatou e meake ma, ‘Ni mahi koi na tama i te maarama nei!’ ” (Na tama raa e tattara peenei raa e mee laatou e mattaku maitaname te kanohenua raa e hakattina ma Jon he profet hakamaoni.)

Luke 1:32

Tama naa e me ki hakanaaniu, tena Aia e me ki kanna ria ma, te Tamariki TeAtua i Aruna. TeAtua e me ki mee te Tama naa ki tuku pera ma Devit te tipuna Aia i mua raa.

Luke 1:35

Kito te ensel raa ki meake, “TeAnana Tapu e me ki noho ma akoe, tena na mahi TeAtua raa e me ki takoto i roto akoe. Tena i te hakataakoto nei koi te tamariki e tapu naa e mee ki taapa ma te Tamariki TeAtua.

Luke 6:35

“Emeia kootou ki laoi na tama e haeo kootou raa, tena ku ppena hakatauareka na tama raa; hoki, tena auu se hakataakoto ma ki too muri he mee. Tena kootou e me ki isi na tuhana e llahi. Kootou e me ki mee pera ma ni tamalliki TeAtua Hakanaaniu. TeAtua e laoi na tama sakkino ia ma na tama hai ssara.

John 1:23

Tena Jon ki meake te tattara e mmau i roto te launiu profet Aisaia ma, “Anau ko ‘te reo te tama e tattara i roto te kina e tuu mahoa raa ma: Tanattana te mateara TeAriki ki hamai vaa aruna!’ ”

John 1:27

Tama naa e me ki hamai i muri anau, e meia anau se tau hoki te ui na taka Aia e uru raa.”

John 3:28

Kootou hokkootou e llono na maihu anau te saaita anau ni tattara atu ma, ‘Anau seai ma ko te Mesaia, e meia anau e kauna ria mai koi ki hamai i mua Tama raa.’

Acts 16:17

Te taukupu raa e tautari mai maatou ma Pol, tena ki vavaa mai ma, “Na tama nei ni tama hehekau TeAtua i Aruna raa! Na tama nei e tattara atu kootou i na ara tera TeAtua e me ki tokonaki kootou ki ora raa!”