James 4:6 - Nukumanu

⁶ Emeia te tauareka TeAtua e kou mai raa e rahi roo. Pera ma te Launiu Tapu raa e tattara ma, “TeAtua se hihai na tama e ahu, e meia Aia e kou ake te tauareka i na tama e pasemmu raa.”

James 4:6 Iomraidhean Croise

Matthew 13:12

Maitaname na tama tera e isi na illoa laatou raa, TeAtua e me ki hakanuu na illoa na tama raa ki llahi roo, e meia na tama se isi na illoa raa, TeAtua e me ki ssau na illoa na tama raa i taha, niaina ma na illoa na tama raa e pammee.

Matthew 23:12

Te tama e mee aia hokoia ki hakanaaniu raa e me ki tuku ria ki mouraro roo, tena te tama e mee aia hokoia ki mouraro raa e me ki ssau ria no hakanaaniu.

Luke 1:52

Aia e hakatuu na tuku hai mmahi raa i taha ma na nohorana laatou raa, tena ki ssau na tama mouraro raa ki hakananniu.

Luke 14:11

Na tama e mee hokolaatou no hakananniu raa, e me ki tuku iho no mouraro, tena na tama e mee hokolaatou no mouraro raa e me ki ssau ria no hakananniu.”

Luke 18:14

Tena Jisas ki meake na tama raa, “Anau e meatu kootou, te tama e aoao na takis raa e tonu i mua na karemata TeAtua te saaita te lotu raa ni oti, seai ma ko te Farisi raa. Na tama e mee hokolaatou ki hakananniu raa, e me ki tuku iho no mouraro, tena na tama e mee hokolaatou ki mouraro raa e me ki ssau ria no hakananniu.”

James 4:10

Kootou ki pasemmu i mua TeAtua, tena Aia e me ki ssau kootou i aruna.

1 Peter 5:5

Ia e ssau peeraa hoki, kootou na tautama vahao nei raa e tau te hakallono na tama mattua raa. Tena kootou hakaatoa ki too na tiputipu te pasemmu ki tokonaki alaa tama; e mee te Launiu Tapu raa e tattara ma, “TeAtua se hihai na tama hai ahu, e meia Aia e hihai na tama e pasemmu.”