Abafilipi 2:7 - Endagaano Epyaha mu Lunyole

⁷ Aye getusaho eŋono lirye, gafugiirira ohufuuha omuŋeeresa gasaaliwa ngʼomuutu.

Endagaano Epyaha ko n'ebitabo ebindi eby'Endagaano Ekayire mu Lunyole

⁷ Aye getusaho eŋono lirye, gafugiirira ohufuuha omuŋeeresa gasaaliwa ngʼomuutu.

Abafilipi 2:7 Iomraidhean Croise

Matayo 12:18

“Ono njʼomuŋeeresa wange oyu natobola, omuhoda era owunesiimisa. Nja humutaaho Mwoyo wange, alomere abaatu abamawanga gosigosi amazima.

Matayo 20:28

Mu ngeri njʼenyene nʼOmwana wʼOmuutu sigaaja bamuŋeerese aye niiye ohuŋeeresa era nʼohuŋayo obulamu wuwe ohuba endiŋi eyʼohununula oluhulende.”

Mariko 9:12

Nga Yesu abagobolamo ati, “Hituufu, Eliya ali nʼohweheerera ohugobola atereese emyoyo jʼabaatu. Aye lwahiina hyaŋandiihiwa hiiti Omwana wʼOmuutu ateehwa ohuboneresebwa bugali era abaatu bamwegaane?

Luka 22:27

Ŋaahani ahira ohuba owʼeŋono njʼani? Oyo owihaaye ohulya oba oyo owiŋula? Njʼoyo owihaaye ohulya. Aye ese mu enywe ndi hyʼomuŋeeresa.

Yowaane 1:14

Hibono gahena gafuuha muutu era gamenya ŋalala ni neefe mu hyalo muno. Efe hwabonaho eŋono lirye eri ali ni nalyo, eŋono eri Hatonda gatwiha Omwana wuwe omulala wogobbo oyo oyu Semwana gatuma ohuŋwa mwigulu gaaja ni gejuuye amazima nʼehisasabirisi ehyʼamaani.

Abarooma 1:3

Era Amaŋuliro gano Amalaŋi gaŋamba hu Mwana wuwe oyu basaala hyʼomuutu ohuŋwa mu lulyo lwa Habaha Dawudi.

Abarooma 15:3

Ni Kurisito yeesi ebi gaholanga, sigaholanga ohwesangaasa omwene aye ngʼolu hyaŋandiihiwa hiiti, “Ebi baatu baaloma ni bahuduha byagobola hu ndiise.”

Abarooma 15:8

Olwohuba Kurisito gaaja ohuŋeeresa Abayudaaya abahomole ohulaga ngʼolu Hatonda ali mwesigwa owoheresa ebi gasuubisa abasehulu baawe,

Abarooma 8:3

Amagambi gaali sigaŋanga hutunoŋola olwʼohwegomba hwʼomubiri. Aye Hatonda gatuma Omwana wuwe naali nʼomubiri hyʼogwomuutu ko ahene aŋangule ehibi ehi magambi gaali ni gataŋanga huhola olwʼohwegomba hwʼomubiri.

2 Abakoriiso 13:4

Wayire sigalaga ati wʼamaani ni baali ni bamuhomerera hu musalabba aye olwʼamaani ga Hatonda ŋaahani mulamu. Hwesi mu ye Hatonda atuŋa amaani ohubaholamo omulimu gugwe wayire abandi baloma mbo huli banafu mu malomere.

2 Abakoriiso 8:9

Mumanyire ehyere ehi Musengwa weefe Yesu Kurisito ali ni nahyo. Wayire gaali muŋinda ne gafuuha mugadi hu lwʼohwenda mufuuhe baŋinda hu lwʼobugadi wuwe.

Abagalatiya 4:4

Aye ehiseera ehiragaane ni hyola, Hatonda gatuma Yesu Omwana wuwe mu hyalo nga yeesi omuhasi amusaala era nga yeesi aba nʼohwoheresa amagambi ga Musa.

Abafilipi 2:6

Wayire Kurisito gaali Hatonda, sigasigala mu hifo ehyo.

Ababbebbulaniya 12:2

Emoni hujite hu Yesu yeŋene olwohuba oyo njʼomwene hutonda ohufugiirira hwefe era omwene oyo njʼali nʼengohoba yaahwo. Yesu niye gehaliiriha ohumuŋemula nʼohumugudya hu musalabba olwʼesuubi eri gaali ni nalyo ti alisuna esangaalo nʼabitire mu hufa olwohunoŋola abaatu. Ŋaahani gehaaye mu hifo ehyʼeŋono hu lubega lwʼomuhono omulungi ogwa Hatonda.

Ababbebbulaniya 13:3

Muhebulirenga ohuyeeda abali mu komera ni muli oti hani mwesi muli basibe hya nibo era muyeedenga abo aba babonyaabonya oti hani ndinywe abali mu mbeera eyo.

Ababbebbulaniya 4:15

Omuhulu wʼabasengi oyo, ategeera obunafu weefe olwohuba Sitaani gamuhema mu hiisi ngeri hyefe olu atuhema aye sigabbenga.