Abafilipi 2:6 - Endagaano Epyaha mu Lunyole

⁶ Wayire Kurisito gaali Hatonda, sigasigala mu hifo ehyo.

Endagaano Epyaha ko n'ebitabo ebindi eby'Endagaano Ekayire mu Lunyole

⁶ Wayire Kurisito gaali Hatonda, sigasigala mu hifo ehyo.

Abafilipi 2:6 Iomraidhean Croise

Matayo 1:23

“Omuhaana ahiiri ohweŋimbangaho nʼomusinde aliba hida, ngʼasaala omwana omusinde. Era balimuguliha esiina baati Emanweri,” (amahulu galyo ti, “Hatonda ali ni neefe.”)

Yowaane 1:18

Ŋabula abonangaho Hatonda, ohutusaho Omwana wuwe omulala wogobbo owihaaye ŋalala ni Semwana. Omwana oyo njʼatulaga ehi Semwana ali.

Yowaane 10:30

Ese ni Bbaabba huli bulala.”

Yowaane 10:33

NgʼAbayudaaya abo bamugobolamo baati, “Sihwenda huhubba amabaale olwʼebyamaliholiho ebi ohola aye lwʼohufodogola Hatonda. Olwohuba ewe omuutu buutu oŋanga otye ohweranga Hatonda?”

Yowaane 10:38

Ne nimba ni kola ebi Bbaabba ahola, wayire simufugiirira ebyange, mwahali mufugiirira olwʼebyamaliholiho ebi kola, mwahamanya era mwategeera muuti Bbaabba ali mu ese era keesi ndi mu Bbaabba.’ ”

Yowaane 14:28

“Muŋuliiye ni ndoma ti ‘Ndi hutiina aye nja hugobola. Era singa mubaaye munyenda, mwahasangaaye ese ni tiina eyiri Bbaabba, olwohuba gaakiraho eŋono.’

Yowaane 14:9

Nga Yesu amugobolamo ati, “Filipo, buhye menye ni nenywe ahamanga ahaaga aŋo, ohiiri hutegeera? Hiisi owumbona, aba aweene Bbaabba. Lwahiina wundoma oti, ‘Tulage Bbaabba wuwo?’

Yowaane 17:5

Ŋaahani Bbaabba, ngobose mu eŋono eri naali ni nalyo ni naali ni kiiri ni neewe, ko hutonde ehyalo.”

Yowaane 20:28

Nga Tomasi amugobolamo ati, “Musengwa yange era Hatonda wange!”

Yowaane 5:18

Ehyo hyongera hwongera amaani mu batangirisi bʼAbayudaaya ohusala magesi agʼohumwita. Olwohuba sigahoma hu hubbwaga egambi eriŋamba hu Sabbaato hyonyene aye geranga Mwana wa Hatonda, ehiitu ehyali ni himuta hu daala erala ni Hatonda.

Yowaane 5:23

ko abaatu bosibosi baŋenga Omwana wuwe oyo eŋono ngʼolu baliŋa Semwana. Era oyo ataŋa Mwana eŋono, aba saaŋa ni Semwana.”

Abarooma 9:5

Nibo njʼabaŋwa mu lulyo lwʼabahale omu ebiha byʼabaatu bosibosi bisimuha. Ni Kurisito oyu basaaye hyʼomuutu osimuha mu lulyo lwawe ate nje Hatonda aŋuga byosibyosi oyu banajumiryenga emirembe nʼemirembe. Amiina.

2 Abakoriiso 4:4

Sigategereheha eyi bali olwohuba Sitaani gabasiriŋasa, gabawiha emoni ohutabona enjase eyʼAmaŋuliro Amalaŋi agaŋamba hu eŋono lya Kurisito owaleha ehi Hatonda ali.

2 Abakoriiso 8:9

Mumanyire ehyere ehi Musengwa weefe Yesu Kurisito ali ni nahyo. Wayire gaali muŋinda ne gafuuha mugadi hu lwʼohwenda mufuuhe baŋinda hu lwʼobugadi wuwe.

1 Temuseewo 1:17

Ale ŋaahani, hiisi muutu aŋe Hatonda eŋono olwohuba nje Habaha aŋuga emirembe nʼemirembe, atalifa, oyu muutu atasobola hubona nʼemoni era nga nje Hatonda omulala yeŋene emirembe nʼemirembe. Amiina.

1 Temuseewo 3:16

Aŋaŋuma hubuusabuusa, Hatonda gaatuwihulira ehyama ehiri mu hufugiirira Kurisito ehiroma hiiti: “Hatonda geebonesa eyi huli ni gambaaye omubiri hyʼomuutu, Omwoyo wa Hatonda ngʼahahasa ebigaholanga. Abamalayika baamubona, Hatonda ngʼamuŋira mwigulu mu ŋono eryʼamaani. Abafugiirira nga balomera abamawanga ebimuŋambaho, Ngʼabaatu bamufugiirira.”

Tito 2:13

Era huhole huutyo ni hulindirira oludaalo olwʼekabi olu husuubira, oludaalo olu Hatonda weefe owʼeŋono era Omunoŋosi weefe Yesu Kurisito aligoboleraho hu hyalo.

Ababbebbulaniya 1:3

Mu mwana wuwe oyo, njomu eŋono nʼehifaananyi hya Hatonda bibonehera era niye njʼaŋengerera ehyalo hyosihyosi nʼatambisa amaani gehibono hihye. Ni gahena ohuhola ehyo ehi Hatonda gemaho ohusoniŋa abaatu ebibi, gatiina gehala mwigulu hu lubega lwʼomuhono omulungi ogwa Hatonda omwene buŋangi.

Ababbebbulaniya 1:6

Era Hatonda ni gaali nʼanatere ohutuma Omwana wuwe omudaayi hu hyalo, gaaloma ati, “Abamalayika ba Hatonda bosibosi bamujumiryenga.”

Ababbebbulaniya 1:8

Aye hu Mwana wuwe biroma biiti, “O Hatonda, oja huŋuga emirembe nʼemirembe. Era oja huŋuga abaatu babo nʼotehubbira,

Ababbebbulaniya 13:8

Hiri hiityo olwohuba Yesu Kurisito, aba njʼehyene, olwejo nʼolwa leero nʼejo obunahahye, emirembe nʼemirembe.

Ohuhwehula 21:6

Ngʼameedaho gandoma ati, “Hiŋooye! Ese ndiise Alufa nʼOmega, etandiha nʼekomerero. Hiisi muutu ali nʼenduŋo namuŋe amaaji aganamuleetere ohuba nʼobulamu obutaŋwaŋo. Nagamuŋe busa aŋabula hugasasulira.