Abafilipi 4:6 - Endagaano Epyaha ko n'ebitabo ebindi eby'Endagaano Ekayire mu Lunyole

⁶ Muteŋendehereranga olwʼehiitu hyosihyosi aye ebyetaago byenywe byosibyosi mubiŋambyenga Hatonda ni musaba nʼohwegalihira era nʼohweyaasa.

Endagaano Epyaha mu Lunyole

⁶ Muteŋendehereranga olwʼehiitu hyosihyosi aye ebyetaago byenywe byosibyosi mubiŋambyenga Hatonda ni musaba nʼohwegalihira era nʼohweyaasa.

Abafilipi 4:6 Iomraidhean Croise

1 EbyʼAbahabaha 8:28

Ne Musengwa Hatonda wange, ese ndi muŋeeresa wuwo. Kusunga oŋulire ohusaba nʼohweririgana hwange, wupambire ehisa. Ŋulira ohulira nʼohusaba omuŋeeresa wuwo ohwali husabamo nʼali mu moni jijo.

Ezabbuli 51:15

O Musengwa, njeede sobole ohuloma era nja hulangirira etendo liryo.

Ezabbuli 55:17

Mu mugamba nomu muusi nʼegulo, neririgana enaku yange era gaŋulira ejanjaasi lyange.

Ezabbuli 55:22

Yanjuliranga Musengwa ebigosi bibyo aja huhuyeeda saaja huleha baŋangule abagwalaafu babe.

Ezabbuli 62:8

Abaatu bange mwesige Hatonda ehiseera hyosihyosi humuŋambye emyoyo jeefe olwohuba njʼomuhweŋogoma.

Engero 15:8

Musengwa genyinyalya eŋongo lyʼabahosi bʼebibi aye ohusaba hwʼabagwalaafu humusangaasa.

Engero 16:3

Etegeha jijo jiŋambye Musengwa aja hujoheresa.

Matayo 10:19

Aye ni banabaŋambenga babaŋira mu mbuga jaawe, simweŋendehereranga ehi munalome oba ngʼolu munahirome. Olwohuba mu hiseera ehyo, Hatonda anabaŋenga ehyʼohuloma.

Matayo 13:22

Owumo owagwa mwiroba eryameramo amaŋwa buli hyʼabaatu abaŋulira ehibono hya Hatonda aye oluvanyuma ebiitu ebindi omuli ohuŋemba obugali hu byʼehyalo, ohusendasendebwa nʼomulungo gwʼobusuni, nʼohululuhanira ohusuna ebiitu, biŋuga emyoyo jaawe, byaloberesa ehibono ehi baŋuliiye ohuŋwamo ehiraŋi.

Matayo 6:34

Kale simweŋendehereranga olwʼoludaalo olunahahye ejo. Olwohuba hiisi ludaalo luba nʼebyeŋendeheresa ebyalwo.

Matayo 6:8

Mutaba hya nibo olwohuba Senywe amanyire ebi mwenda ni muhiiri nʼohusaba.

Luka 10:41

Nga Yesu Musengwa amugobolamo ati, “Maliza, Maliza, weŋenderehire era oli nʼebingi ebihudambya ebitagasa.

Luka 12:22

Nga Yesu aloma abeegi babe ati, “Cʼehigira mbaloma ti muteŋendehereranga olwʼehyohulya oba ehyohwambala.

Luka 12:29

Muteŋendehereranga hu ebi munaalye oba munanywe.

Luka 18:1

Ngʼaŋo Yesu nindi agerera abeegi babe olugero ohubasomesa ati bali nʼohusabanga habuhyabuhya ni batademba.

Luka 18:7

Olwo muŋeega muuti Hatonda saaliyeeda baatu babe abasaba omuusi nʼowiire? Saaliŋira hamanga nʼahiiri hubayeeda.

1 Abakoriiso 7:21

Waali mwidu ko ofugiirire Kurisito? Ehyo hitahulumya mwoyo aye singa ŋabaŋo ekabi ohuŋwa mu wiidu, hiba hiraŋi.

1 Abakoriiso 7:32

Nenda muteralihiriranga. Omusinde atali mufumbo afa hu mulimo gwa Musengwa olwohuba genda ohumusangaasa.

2 Abakoriiso 1:11

Olwʼehyo, hubasunga mutusabire era olwʼesaala jʼabaatu abangi Hatonda alituŋa ekabi hyahena hyaleetera abaatu bangi ohumweyaasa hu lwefe.

Abefeeso 5:20

Era habuhyabuhya mweyaasenga Hatonda Seefe olwʼebiitu byosibyosi, ebi Musengwa weefe Yesu Kurisito gaatuholera.

Abefeeso 6:18

Mu lutalo luno, Omwoyo abatangirirenga mu husaba ohwa buli hiha habuhyabuhya. Era mube butebute, mutaleheranga husabira abaatu ba Hatonda bosibosi.

Abakolosaayi 3:15

Emiyaaya eji Kurisito atuŋa jibaŋe ohuba abateehi mu myoyo jenywe. Olwohuba hyʼomubiri omulala, Hatonda gabalanga ohumenya mu miyaaya hiisi muutu nʼowahye. Era mumweyaasenga humweyaasa.

Abakolosaayi 3:17

Hiisi hiitu ehi muloma oba ehi muhola, muhiholenga ngʼabahihirira Yesu Musengwa weefe ni mweyaasa Hatonda Seefe ohubita mu Yesu oyo.

Abakolosaayi 4:2

Mwegumyenga ohusaba era mutengeyo omwoyo hu ebi musaba ni mutayeho nʼohumweyaasa.

1 Temuseewo 2:1

Ohusookera erala, olwʼebyo ebi kenire ohuhuloma, kuhubbirisa ewe ko nʼabafugiirira bosibosi ohusabirangaho abaatu abandi hiisi olu munahumbaanenga ohujumirya Hatonda. Mubasabire, Hatonda asobole ohubayeeda benenye, banoŋohe. Era ni muba ni musaba, mweyaasenga Hatonda hulwa ebi aholire.

1 Temuseewo 5:5

Namwandu oyu muteehwa ohuyeeda njʼoyo abuliriraho muutu yeesi amuyeeda, oyu suubi lirye liri yiri Hatonda yeŋene era asiiba omuusi nʼowiire ni geŋunderera Hatonda amuyeede.

1 Peetero 4:7

Bahyange, ekomerero yiri huupi hwola, olwʼehyo mube butebute era abegenderesa ko muŋange ohusaba ngʼolu hisaana.

1 Peetero 5:7

Muŋambyenga Hatonda ebigosi byenywe byosibyosi, olwohuba afaayo.

1 Samwiri 1:15

Aye Kaana gamugobolamo ati, “Bbe, musengwa yange, sinywe mwenge oba ehimeesa ehindi hyosihyosi aye ndi nʼenaku hu mwoyo gwange eyi pwa huliririranga Musengwa.

1 Samwiri 30:6

Dawudi ali aŋulira wubi bugali olwohuba abaatu baali baloma ohumuhubba amabaale. Hiisi muutu gaali alumwa mu mwoyo gugwe olwʼabaana babe. Aye Dawudi gasuna amaani mu hwesiga Musengwa Hatonda wuwe.

1 Samwiri 7:12

Oluvanyuma lwʼolutalo Samwiri gahomeha ebaale ŋagati wa Mizupa ni Seeni. Ngʼaliguliha esiina ati Ebbeneeza nʼaloma ati, “Musengwa njʼotuyeedire ohwola ŋano.”