Abafilipi 2:13 - Endagaano Epyaha ko n'ebitabo ebindi eby'Endagaano Ekayire mu Lunyole

¹³ olwohuba Hatonda njʼabayeeda ohwenda ohuhola ebigenda muhole era gaabaŋa nʼamaani ohubihola.

Endagaano Epyaha mu Lunyole

¹³ olwohuba Hatonda njʼabayeeda ohwenda ohuhola ebigenda muhole era gaabaŋa nʼamaani ohubihola.

Abafilipi 2:13 Iomraidhean Croise

1 EbyʼAbahabaha 8:58

Agobose emyoyo jeefe eyi ali, hugenderenga mu magira gage era huŋambe ebiragiro nʼamagambi aga gaaŋa abasehulu beefe.

Ezabbuli 110:3

Hu ludaalo olwʼolutalo, abasirikale babo balyeŋaayo ohusoola nʼomwoyo mulala. Ngʼolu obona olume olwomu mugamba, abavubuka babo baliija baatyo hu lusozi lulwo olwawufu.

Ezabbuli 119:36

Cuusa omwoyo gwange guŋembenga hu biragiro bibyo, sosi ohululuhanira obuŋinda.

Ezabbuli 141:4

Leha omwoyo gwange gutagotanira mu hibi ohwenyigira mu bikolwa byʼabahosi bʼebibi, leha talya hu binoli byawe.

Engero 21:1

Musengwa njʼaŋuga omwoyo gwa habaha aguluŋamya ngʼolu aluŋamya amaaji mu lwabi gatiina eyi agendesa.

Luka 12:32

“Mutatya wayire muli habbubbu hadiidiri olwohuba Senywe owomwigulu alibaŋa omugabo mu obuŋugi buwe.

Luka 2:14

“Eŋono libe eyiri Hatonda mwigulu nʼemiyaaya jibe mu baatu abasiima!”

Yowaane 3:27

Nga Yowaane abagobolamo ati, “Omuutu saaŋanga huba nʼobuŋangi ohutusaho Hatonda nʼabumuŋaaye.

Yowaane 6:45

Hyaŋandiihiwa mu bitabo byʼabanaabbi hiiti, ‘Hatonda gaaja husomesa hiisi muutu. Hiisi aŋulira ebya Bbaabba era gaŋamba ebi amuloma, afugiirira ebyange.’

Yowaane 6:65

Nga geyongera abaloma ati, “Cʼehigira nabaloma ti ŋabula aŋanga ohufugiirira ohutusaho Bbaabba nʼamuŋaaye amaani.”

Ebikolwa 11:21

Nga Hatonda Musengwa abaŋambiraho era nga bangi hu bo bacuuha bafugiirira Yesu Musengwa.

Abarooma 12:3

Olwʼehirabo ehi Hatonda gaapa olwʼehisasabirisi hihye, ndoma ti hiisi muutu hu enywe ateebona ati njʼohihenaho ate nga ko paanaŋo. Aye geŋeegengaaho mu kola endaŋi era geheberenga ni geema hu hufugiirira ohu Hatonda gamuŋa.

Abarooma 9:11

Aye abaana abo ni baali ni bahiiri hubasaala era ni bahiiri huhola ehiraŋi oba ehibi,

Abarooma 9:16

Olwʼehyo, Hatonda saaŋambira muutu yesiyesi ehisasabirisi olwʼohwefaaho oba olwʼebikolwa ebi aba nʼaholire aye omwene njʼosalaŋo owʼohuŋambira ehisasabirisi.

1 Abakoriiso 12:6

Ŋaliŋo engeri nyingi ejʼohutambamo emirimo aye Hatonda ali mulala atuŋa amaani ohuhola emirimo ejo.

1 Abakoriiso 15:10

Aye ndi ehi ndi olwʼehisasabirisi hya Hatonda era ehisasabirisi ehi gapambira sihyali hyawereere. Nafululuhana bugali ohuhiraho abahwenda abandi bosibosi aye nga sindiise owahola ebyo, ne nje Hatonda owaapa amaani olwʼehisasabirisi hihye.

2 Abakoriiso 3:5

Sihuloma huuti ndiife abamanyi aye obumanyi weefe buŋwa yiri Hatonda.

Abefeeso 1:11

Olwa Kurisito, Hatonda gatutobola gaahena gatwabula ohuba abaatu babe ngʼolu genda era ahola byosibyosi ni geema hu tegeha yiye yira eya halehale,

Abefeeso 1:5

gasalaŋo ohuŋwa ahale nahale ohutufuula baana babe nʼabita mu Yesu Kurisito olwʼohusiima huhwe,

Abefeeso 1:9

Era gatuhwehulira ehyama ehi gaali nʼategehire ohwoheresa nʼabita mu Kurisito.

Abefeeso 2:8

Mwanoŋoha olwʼehisasabirisi hihye olu mwamufugiirira, olwohuba ohunoŋoha simaani genywe aye hirabo hya Hatonda.

2 Abasesalonika 1:11

Olwohuba muja huŋeesa Musengwa eŋono, habuhyabuhya hubasabira, Hatonda weefe ababone ngʼabasaanira ehyo ehi gabalangira era mu buŋangi buwe goheerese emirimo emiraŋi josijosi eji muhola nʼeji muluubirira ohuhola olwʼohufugiirira hwenywe.

2 Temuseewo 1:9

owatunoŋola gaatufuula ababe, ni gali njʼagahuyeeda. Sigatunoŋola hu lwʼebiraŋi ebi hwaholanga aye gahihola ni geema hu tegeha yiye omwene eyi gaali ni nayo ohwema oludaayi nʼolwa ehisasabirisi hihye. Olwohuba ohuŋwa ahale nahale Hatonda gategeha ohutusaasira nʼabita mu Yesu Kurisito.

Ababbebbulaniya 13:21

abaŋe hiisi hiitu ehiraŋi ko musobole ohuhola ebi genda ni mubita mu Yesu Kurisito oyu baatu bali nʼohuŋa eŋono emirembe nʼemirembe. Amiina.

1 Peetero 1:3

Abaatu beyaase Hatonda era Semwana ya Musengwa weefe Yesu Kurisito. Olwʼehyere hihye ehingi, gaatunoŋola nʼabita mu hulamuha hwa Yesu Kurisito. Hino hituleetera ohusuubira obulamu obutaŋwaŋo.