Nipaakammu 6:6 - Kalinga Butbut

⁶ Kun anna nan chingngor'ay amas kinga gway nerpu san kagwan chanan opatay mawhiwhijag gway manggwana, “Humu'nag nan uyat san luta. Sija nan sa'ad nan labhun nan taku san osa erkaw la'un ekay chugwan supa gway kerkergwit ad tuyun supa san barley. Gwon achim tangkaan nan olibu gway merpugwan nan lana ja ubas gway merpugwan nan whajas!”

Nipaakammu 6:6 Iomraidhean Croise

Mateo 24:7

Tan mangwhiwhinnursu nan ailiili ja chanan kuwhilnu san luta. Ad humu'nag nan uyat ja mangita hos nan na'aya'ayasiyay ili.

Nipaakammu 4:6

Ad san sangun chay tukaw iningkaw ahos nan amas hujan chi serming gway whaywhay gway mamalinong gway amas kristal. Kun napali'gwosan nan sachiyay tukaw san opatay mawhiwhijag gway inggwan Apudyus gway napnu san ata nan huwangan ja odchokancha.

Nipaakammu 4:8

Ad sa'ad chanan opatay mawhiwhijag, sinonnom nan paja'cha kun napnu san ata nan losanay longagcha ingkana san choyaon nan paja'cha. Ad inerkaw ja nilawhiyay achicha kun umillongay nan man'anta san chaychajaw gway manggwana, “Maid kun mijisu an Apudyus! Maid kun mijisu an Apudyus! Maid kun mijisu an Apudyus! Sija nan Apu gway Apudyus gway amod nan ayobhongana san losan. Sikud as sija gway iniingkaw san chamchamun nan losan, sija nan iingkaw san sana ja sija nan iingkaw as ingkaingkana.”

Nipaakammu 7:3

Anana, “Achiju tangkaan nan luta, whaywhay gwinnu chanan ay'aju ingkanas mer'aanmi jan nan itung chanan mansilsilwhi an Apudyus ta'u.”

Nipaakammu 9:4

Niwhilin an chichaay achicha kun tangkaan chanan hokaw, aju gwinnu whayangnasnatay muya. Ahus ekay chanan takuway maid mer'an Apudyus san itungcha as otwhancha.