Nipaakammu 5:13 - Kalinga Butbut

¹³ Kun chingngor' nan man'antaan nan gwaschi mawhiwhijag gway agwad ad langit, san lawhaw nan luta, san Hades ja san whaywhay. Losanay mawhiwhijag man'an'antacha gway manggwana, “Chajagwon ta'u nan tummutu'chu san tukaw. Chajagwon ta'u nan Uyhunay Kernero. Whigwhikon ta'u nan inapigsacha, chajagwon ta'u nan inangatucha ja manjaman ta'u an chicha as ingkaingkana.”

Nipaakammu 5:13 Iomraidhean Croise

Mateo 6:13

Achi cha'ami ituyung san masulisukanmi jon iligtas cha'ami san lagwingay o'oon Satanas.’

Lukas 2:14

“Machaychajaw nan Apudyus gway agwad san angatuwanay langit ja sa'ad ad asna luta maid kun machanakan chanan taku gway masomana!”

Juan 1:29

Mawhikat kun inilan Juan as Hesus gway takangay mi'atum an sija kun anana, “Anchiya nan Kerneron Apudyus gway michatun gway malligwat san whersun nan losanay takud asna luta!

Roma 11:36

Tan as Apudyus sija nan nanggwa san losan ja kapu an sija mantuttuttuyuy nan losanay inggwana. Inggwana nan losan as michajagwana. Machaychajaw as sija as ingkaingkana. Amen.

Roma 16:27

Ahus as Apudyus as alaingan. Chaychajagwon ta'u as Apudyus as ingkaingkana kapu san whachang Hesu Kristu! Amen.

Roma 9:5

Sa'ad chanan nerpugwancha pinilin Apudyus chicha ad chicha nan nerpugwan nan nerpugwan Kristu nu mipangkop san inatatakuna. Sija as Apudyus gway mangituyay san losan gway machajaw as ingkaingkana. Amen.

Efeso 3:21

Machaychajaw as Apudyus as ingkaingkana kapu an Kristu Hesus ja kapu sasan losanay maayuayusay namati. Amen.

Filipos 2:10

Inggwan Apudyus na tot losanay agwad ad langit, anna san luta ja agwad san chayo' nan luta, itumu'cha nan puwogchaay mayyu'ung gway manchajaw an Hesus.

Colosas 1:23

Ad sachi nan ma'gwa nu ituttuyuyju san pammatiju gway ainnugwanju napigsa san pammatiju ja achiju ijakajay mannamnama san ingwhawhagkan Apudyus gway atchona an cha'aju kapu san Whayuway Chamag gway chingngorju. Nannaja Whayuway Chamag sachi nan nipaakammu san losan sanna luta. Ad as sa'on gway Pablo, nachutu'ana'ay mangipaakammu san Whayuway Chamag.

1 Timoteo 4:16

Ammam ilan nan ininomay mataku ja ammam ilan nan isuyum. Ituttuyuynuway manggwa sannachaja tan kapu san manggwaam sannaja, mataku nan longagnu ja chanan manchongor an si'a.

1 Pedro 4:11

Nu ngachan nan naatchan as ayobhonganay mansuyu, maserpu isuyuna nan ukud Apudyus. Nu mansilwhi nan naatod an sija, maserpu oona san pigsa gway inatod Apudyus an sija tot san losanay oonju michajaw as Apudyus kapu an Hesu Kristu. Machajaw as Apudyus ja mantuyay as ingkaingkana. Amen.

1 Pedro 5:11

Mantuyay as Apudyus as ingkaingkana. Amen.

Judas 1:25

Machaychajaw nan osossa''anay Apudyus gway Manaku an chita'u kapu an Hesu Kristu gway Apu ta'u. As Apudyus nan achajagwan, angatuwan ja amod nan ayobhongana gway mangituyay san losan manipud san chamchamun nan chimpu, san sana ja ingkaingkana. Amen.

Nipaakammu 1:6

Kun nangngachanona chita'us taku gway ituyajana ta ma'atuyay ta'u an sija ja nangngachanona chita'us papachi gway mansilwhi an Apudyus gway Amana. Machajaw as Hesu Kristu ja mantuyay as ingkaingkana! Amen.

Nipaakammu 13:8

Ad nanchaychajaw nan losanay taku ad asnaay luta an sija maya'sig sasay nilista nan ngachancha san nibyu gway nilistaan nan ngachan chanan ma'awhijag an Apudyus as ingkaingkana. San chaan ma'gwa nan luhung nilista nan ngachancha say nibyu gway ugwan nan Uyhunay Kernero gway nichatun.

Nipaakammu 5:1

Kun inila' nan nayu'ut gway papil gway inoognan chay tummutu'chu san tukaw nan mangituyay san chigwananay imana. Ad nan sachiyay papil lamang nalistaan nan lawhaw ja whali'tadna ja nangimpittu napa'otan tot achi kun mahu'hu'atan.

Nipaakammu 5:12

Ad i'an'antachas towhag gway manggwana, “Lobhongna as michajaw nan Uyhunay Kernero gway inchatuncha. Machaychajaw as sija kapu san ayobhongana, kapu san inalaingna, kapu san inapigsana ja inawha'nangna. Whigwhikon ta'u nan inapigsana, chajagwon ta'u nan inangatuna ja manjaman ta'u an sija.”

Nipaakammu 5:3

Gwon maid kun osa ad langit, san lawhaw nan luta ja san Hades gway ikaw chanan natoy as sillobhong gway mangujad san nayu'utay papil ja mamasa san nilista san sachi.

Nipaakammu 5:6

Sachi kun inila' nan Uyhunay Kernero gway mama''ila nan pilat nan jamanna san nichatunana gway summisi'ad san nanghoyaatan nan tukaw nan mangituyay ja chachay opatay mawhiwhijag ja chachay chacha''or gway mangipangpangu. Pitu nan sakkud nan Uyhunay Kernero ja pitu ahos nan atana gway chachi nan mijagwatan nan Ispilitun Apudyus gway pitu nan mipaillan nan ahobyongana gway niwhaun san ayutayuta.

Nipaakammu 5:9

Kun nan'antacha san assahuway anta gway manggwana, “Si'a nan sillobhongay mangaya san nayu'utay papil ja mangaan sasan pa'otna. Tan intoy cha'a ad kapu san chayam gway ummigwang san natojam isun chi nila'uwam chanan taku gway merpu san na'aya'ayasi tribu, ili ja apapat tot mangngachancha takun Apudyus.

Nipaakammu 6:16

Anancha san whibilig ja sasan whatu, “Tabunan cha'amiyud ja itayu cha'ami ta achi cha'ami ilan san tummutu'chu san tukaw ja tot achi cha'ami chusaon san Uyhunay Kernero.