Nipaakammu 16:6 - Kalinga Butbut

⁶ Kapu tan intoycha chanan takum ja chanan profeta gwot ummigwang nan chayacha, pinainumam chicha san chaya. Annaja nan lobhongna gway ma'gwa an chicha.”

Nipaakammu 16:6 Iomraidhean Croise

Mateo 7:2

Tan nu ngachan nan ininonjuway nangu'um san huyunju sachi hos nan oon Apudyus gway mangu'um an cha'aju. Ad nu ngachan nan kisong nan i'amanjuway mangisong san huyunju sachi hos nan mangisong Apudyus an cha'aju.

Lukas 12:48

Gwon nan mansilsilwhiyay achina akammu nan pa'gwan nan amuna gwon nanggwas kapun nan mapalikatana, masaplitan as a'it. Nan losanay naatchan as angsan, angsan nan ochagwoncha an sija. Ad nan nitayo'an nan angsan sinumamod angsan nan ochagwoncha an sija.

Hebreo 10:29

Gwon sinumamod chagson nan chusan nan takuway mamanwhanit san Ana' Apudyus ja nan mangiwhilang as a'it nan patog nan chayanaay nangit'on an sija ta achi ma'awhersu gway sachi nan namagchot san a''opgwa tuyag ancha manapapat as mihursu san Ispilitun Apudyus gway nangipaila san inawhayun Apudyus sasan taku.

Nipaakammu 11:18

Ad sa'ad chanan takuway achi kun mamati amod nan lingucha kun impailam nan lingum. Chimpuna gway u'umom nan nan'a'atoy, ja chimpun nan mangatcham san kanahon chanan profeta gway mansilsilwhi an si'a ja chanan takum ja chanan mangipatog an si'a, chanan nawhawha man gwinnu nangatu taku. Ad chimpuna gway tangkaam chanan takuway manangka sasan taku ad asna luta.”

Nipaakammu 13:10

Nu ngachan nan maserpu mawhayud, mawhayud gway mawhayud. Nu ngachan nan pumatoy gway usayona nan ispada, mapatoy gway mapatoy san ispada. Sija nan sa'ad chanan takun Apudyus maserpu naattomcha ja sissija pammaticha.

Nipaakammu 13:15

Kun nijuja chay mi'adgwa a'oogjatay ajam gway angosana chay tagtagkun chay ummuna a'oogjatay ajam tot mawhalinay kuminga ja otojona chanan achi kun manchajaw san tagtagku.

Nipaakammu 18:20

Mallagsa' ajuway agwad ad langit, chanan takun Apudyus, chanan apostoles ja chanan profeta tan inu'um Apudyus chanan taku san sachi ili kapu san inggwacha an cha'aju!

Nipaakammu 18:24

Nachusa nan sachiyay ili tan aschi nan nangtojancha sasan profeta ja chanan takun Apudyus ancha losanay taku san luta gway napatoy.

Nipaakammu 19:2

kapu tan sa'ad nan iyu''u'umna tuttuwa ja ustu. Chinusana nan machamchamag gway huwhaiyay naukor gway nangagwis san losanay taku sanna luta tot mitapicha ma'awhersu san whersuna. Ingwhayus Apudyus chanan mansilsilwhi an sija say huwhaiyay naukor tan intoyna chicha.”