Nipaakammu 14:7 - Kalinga Butbut

⁷ Tinowhagna nan kingana gway manggwana, “Umogjat aju an Apudyus ja ichajawjus sija kapu tan anna humu'nag nan chimpuway mangu'umana. Manchajaw aju an Apudyus gway nanggwa san langit ja luta, whaywhay ja chanan obob!”

Nipaakammu 14:7 Iomraidhean Croise

Mateo 25:13

Pinungpung Hesus gway manggwana, “Sija nan ammanju ilan tan achiju kun akammu nan erkaw gwinnu uyas gway umaliya'.”

Lukas 17:18

Kaman ahus ekay annajaay ikaja' as nanulinay manjaman an Apudyus?”

Apostoles 14:15

Kun nampo'awchaay manggwana, “Huhuyun, kajuman oon nan amasna? Taku ami hosay isuju. Umalimi ipaakammu an cha'aju nan Whayuway Chamag tot ijakayyu sannachajaay maid kutu'na ad sija chajagwonju nan mawhiwhijag gway Apudyus gway nanggwa san langit, luta, whaywhay ja losanay ingkaw sannachaja.

1 Pedro 4:7

Takangay nan mapungpungan nan losan. Sija nan maserpu whayu nan somsomo'ju ja naattom aju tot agwad ininonju mallugwayu.

Nipaakammu 11:13

Ad san sachiyay uyas mangitakita' amod nan pigsana ad natangkaan nan mi'asimpuyu koggwan nan ili. Ad pitullihu nan matoy san sachi kitakita. Ad sa'ad chanan nahunan umogjatchas amod ad nanchaychajawcha an Apudyus gway agwad ad langit.

Nipaakammu 11:18

Ad sa'ad chanan takuway achi kun mamati amod nan lingucha kun impailam nan lingum. Chimpuna gway u'umom nan nan'a'atoy, ja chimpun nan mangatcham san kanahon chanan profeta gway mansilsilwhi an si'a ja chanan takum ja chanan mangipatog an si'a, chanan nawhawha man gwinnu nangatu taku. Ad chimpuna gway tangkaam chanan takuway manangka sasan taku ad asna luta.”

Nipaakammu 15:4

Apu, maid kun achi umogjat an si'a ja manchajaw san ngachannu tan ahus'a as tuttuwaay Apudyus. Losanay taku san ailiili umalicha ad nanchajawcha an si'a tan nipaila nan ustuway o'oom.”

Nipaakammu 16:9

Kun natungan chanan taku san amochay atung nan init kun inergwakanchas Apudyus gway anna nan ayobhongana mangatod sasan amochay likat. Achicha kun nanchu'kan nan whersucha ja achicha kun nanchajaw an sija.

Nipaakammu 18:10

Sumisi'adcha san achaju kapu san ogjatcha san amochay palikat nan sachi ili gway ananchaon, “Ina'ay! A'oogjat eka' amod nan na'gwa san apigsaanay ili gway Babilonia kapu tan nau'um san osa eka uyas!”

Nipaakammu 18:17

San osa ekay gway uyas natangkaan chanan amochay whina'nangcha.” Ad nan losanay apitan nan papur, losanay namapur taku ja chanan manterterwhasu san papur ancha losanay merpu san whaywhay nan iwhijagcha, iingkawcha san achajuway summisi'ad

Nipaakammu 18:19

Kun chinapuyancha nan wha''agcha kun nampa'uycha, maniwhiiwhilcha ja mansasangacha gway manggwana, “Ina'ay! A'oogjat eka' amod nan na'gwa san apigsaanay ili. Humma'nang nan losanay agwad nan papurcha san whina'nangcha gwon san osa ekay gway uyas natangkaan nan sachiyay ili!”

Nipaakammu 19:5

Kun iningkaw nan kinga nerpu san tukaw nan mangituyay gway manggwana, “Chajagwonju nan Apudyus ta'u, cha'aju losanay mansilsilwhi an sija ja cha'ajuway umogjat an sija, nawhawha man gwinnu nangatu!”

Nipaakammu 4:11

“Si'a gway Apu ja Apudyusmi, si'a nan lobhongna gway chajagwonmi ja whigwhikonmi nan inawhayum ja nan ayobhongam. Inggwam nan losan ad kapu tan whinayum, na'gwa ja nawhijagcha.”

Nipaakammu 4:9

Ad san man'an'antaan chachay opatay mawhiwhijag san chajaw, mamigwhikancha ja manjamanancha say tummutu'chu san tukaw gway mawhijag as ingkaingkana,

Nipaakammu 8:10

Ad impakingan nan mi'atlu anghel nan tangkujubna kun naotchag nan osa agagya'janay whituwon gway kumkumngotay amas silaw. Kun nipisna san mi'atlu koggwan chanan gwanggwang ja chanan obob.