Nipaakammu 14:18 - Kalinga Butbut

¹⁸ Kun iningkaw ahos nan sawhali anghel gway lummagwa san chachattunan gway singwhijang san apuy. Kun tinowhagna inip'aw say anghel gway nanangchon san kapas gway manggwana, “Ayam nan tachomay kapasnu ad whillasam nan natajutajunay hokas nan ubas san luta tan nerrumcha!”

Nipaakammu 14:18 Iomraidhean Croise

Mer'us 4:29

Ad sa'ad nu merrum ummoyna inani tan chimpun nan iya''ani.”

Nipaakammu 16:7

Kun chingngor' nan kinga gway nerpu san chachattunan gway manggwana, “Apu gway Apudyus gway amod nan ayobhongana san losan, tuttuwa ja ustu nan iyu''u'umnu!”

Nipaakammu 16:8

Ad sa'ad nan mi'apat gway anghel insi'chugna san init nan iningkaw san chujugna kun naatchan as ayobhongan nan init gway mankob sasan taku san amochay atung isun nan apuy.

Nipaakammu 8:3

Kun hummu'nag nan osaay anghel gway nanangchon san huyagwanay iigkaan san insenso kun ummoy summi'ad san sangun nan chachattunan. Kun naatchan as angsanay insenso ta ichokana sasan lugwayun chanan takun Apudyus gway miijoy san chachattunanay huyagwan san tukaw nan mangituyay tot puuyana ichatun an Apudyus.