Nipaakammu 11:17 - Kalinga Butbut

¹⁷ gway manggwana, “Apu gway Apudyus gway amod nan ayobhongana san losan gway sissija iingkaw san sana ja sikud gway iniingkaw san chamchamun nan losan, manjaman ami an si'a kapu tan impailam nan amochay ayobhongam ad illukimay nantuyay.

Nipaakammu 11:17 Iomraidhean Croise

Mateo 11:25

San sachi uyas nallugwayus Hesus gway manggwana, “Manjamana' an si'a Ama gway Apun nan losanay agwad ad langit ja anna san luta tan sa'ad nan achim pun impaakammu sasan man'asilib ja naacher taku impaakammum sasan takuway wha'on kus naacher.

Lukas 10:21

Sa'ad san sachiyay uyas pinayagsa' nan Ispilitun Apudyus as Hesus as amod kun anana, “Manjamana' an si'a Ama gway Apun nan losanay agwad ad langit ja anna san luta tan sa'ad nan achim pun impaakammu sasan man'alaing ja naacher taku impaakammum sasan takuway wha'on kus naacher. Tuttuwa Ama, inggwam nan amasna kapu tan annaja nan masomam.”

Juan 11:41

Gwot inaancha chay whatuway onobna. Kun nantangad as Hesus gwot anana, “Ama, manjamana' tan chingngorm as sa'on.

2 Corinto 2:14

Ta'o mampay nu amaschi manjamana' an Apudyus tan kapu san na'aosossaananmi an Kristu patinajunay itapina cha'ami san nangawha'an Kristu. Ususayon cha'amiyay mangipaakammu san ailiili san mipangkop san aammugwan an Kristu gway mijalig san mangwhangu asungsungana.

2 Corinto 9:15

Manjaman ta'u an Apudyus san inatodna gway maid kun mijisugwana.

1 Timoteo 1:12

Manjamana' an Kristu Hesus gway Apu ta'u gway nangatod an sa'on san pigsa gway manggwa san ipa'gwana an sa'on. Ingwhilangnas sa'on as mantayo'an ja pinilinas sa'on as mansilwhi an sija.

Nipaakammu 1:4

As Juan na gway anna nanuyat, An cha'ajuway maayuayus gway namati san pituway ili san Asia. Ipailan Apudyus, Ispilituna ja as Hesu Kristu nan inawhayucha an cha'aju ja pawhayugwoncha nan whijagju. As Apudyus iingkaw san sana ja sikud gway iniingkaw san chaan ma'gwa nan losan ja iingkaw as ingkaingkana. Nan Ispilituna pitu nan mipaillan nan ayobhongana gway agwad as sija san sangun nan tukaw Apudyus gway mangituyay. As Hesu Kristu sija nan napudnu mangipano'no' san mipangkop an Apudyus. Sija nan ummuna nataku san otoy ad achi kun puyus matoy asin ja sija nan mangituyay sasan ali san luhung. Ipatpatog chita'u an sija ja gwinajagwajaana chita'u san machusaan ta'u sasan whersu ta'u kapu san chayana gway ummigwang san natojana.

Nipaakammu 1:8

Anan Apu gway Apudyus, “Sa'on nan Alpha ja nan Omega. Sa'on nan iingkaw san sana ja sikud gway iniingkaw san chaan ma'gwa nan losan ja sa'on nan iingkaw as ingkaingkana. Amod nan ayobhonga' san losan.”

Nipaakammu 11:15

Ad sa'ad nan mi'apituway anghel sinapujana nan tangkujubna. Kun iningkaw chanan towhakay kinga nerpud langit gway manggwana, “Malluki san sana, maid kun uchum as mantuyay san losanay taku nu achi ahus as Apudyus ta'u ja nan Kristuway impaalinad asna luta ad sija nan mantuyay as ingkaingkana.”

Nipaakammu 15:3

Kun nan'an'antacha san antan Moses gway mansilsilwhi an Apudyus ja nan antan nan Uyhunay Kernero gway manggwana, “Apu gway Apudyus gway amod nan ayobhongana san losan, amod mataakan chanan inggwam! Si'a gway Alin nan losanay ili, ustu ja tuttuwa nan o'oom!

Nipaakammu 16:14

Chicha nan chimunju gway manggwa sasan mataakanay mangimatunan gway umoycha sasan alin nan losanay ili san luhung ta ayusoncha chicha san kuwhat san erkaw gway mangu'uman Apudyus gway amod nan ayobhongana san losan.

Nipaakammu 16:5

Kun chingngor' nan anan nan anghel gway singwhijang sasan chanum gway manggwana, “Apudyus gway maid kun mijisugwana gway iingkaw san sana ja sikuchay iniingkaw san chaan ma'gwa nan losan, ustu nan iyu''u'umnu.

Nipaakammu 16:7

Kun chingngor' nan kinga gway nerpu san chachattunan gway manggwana, “Apu gway Apudyus gway amod nan ayobhongana san losan, tuttuwa ja ustu nan iyu''u'umnu!”

Nipaakammu 18:8

Sija nan san osa erkaw mangkikisan nan humu'nag an chicha gway amochay likat gway otoy, sasanga, uyat ja maskob nan ilicha kapu tan amod napigsa as Apu gway Apudyus gway sija nan mangu'um an chicha.”

Nipaakammu 19:11

Sachi kun inila' nan langit gway niigkat kun iningkaw nan puta'ay awhaju ja nan nangaabwhaju gway maagwakan as Mantayo'an ja Tuttuwa tan ustu nan iyu''u'umna ja ma'akuwhatana san ahursuna.

Nipaakammu 19:6

Sachi kun chingngor' nan amas kingan chanan angsanay taku gway agwad ad langit ja isun nan ahungog nan chacha''orray chanum ancha isun nan amod na pigsana ichur gway manggwana, “Machaychajaw as Apudyus kapu tan nalluki nantuyay as Apu gway Apudyus ta'u gway amod nan ayobhongana san losan!