Juan 1:1 - Kalinga Butbut

¹ Sa'ad san chaan ma'gwa nan losan nisisikud nan Ukud ad sa'ad nan Ukud nihuyun an Apudyus ad sa'ad nan Ukud, Apudyus.

Juan 1:1 Iomraidhean Croise

Mateo 1:23

“Chongyonju, sa'ad nan osa whawhallasay chaan pabog mahuki ad ijana'na nan osa laya'i, ad mangadnan as Immanuel gway sa'ad nan pijaona anan, ‘Anna as Apudyus an chita'u.’ ”

Lukas 24:53

Kun patinajunay umoycha san Templo manchaychajaw an Apudyus.

Juan 1:14

Nangngachan taku chay Ukud kun na'aumili an chita'u ad asna luta. Amod nan inawhayuna ja sija nan mangipaakammu san atuttugwaan. Inilami nan ina'erjadna gway nangipaila san ina'apudyus Apudyus gway naayana as osossa''anay ana' Amana gway Apudyus.

Juan 1:18

Maid kun osas nangila an Apudyus. Ahus nan osossa''anay Ana'na gway Apudyus ahos ekay as sija gway pagchot nan mihuyunana an Amana. Sija nan nangipaakammu an chita'u an Apudyus.

Juan 1:2

Nisisikuchay nihuyun nan Ukud an Apudyus san chaan ma'gwa nan luhung.

Juan 16:28

Nerpuwa' an Ama kun ummaliya' ad asna luta. Tayna' ad asna luta ad nanagkulina' an Ama.”

Juan 17:5

Ad Ama, atchom asin an sa'on nan chajaw gway iniingkaw an sa'on san agwacha' an si'a san chaan ma'gwa nan luhung.

Juan 20:28

Kun anan Tomas gway summungwhat an sija, “Si'a nan Apu' ja Apudyus'u!”

Juan 8:58

Anan Hesus an chicha, “Tuttuwa iwhaka' an cha'ajuway san chaan Abraham mijana'an agwacha'.”

Roma 9:5

Sa'ad chanan nerpugwancha pinilin Apudyus chicha ad chicha nan nerpugwan nan nerpugwan Kristu nu mipangkop san inatatakuna. Sija as Apudyus gway mangituyay san losan gway machajaw as ingkaingkana. Amen.

Efeso 3:9

tot ipaakammu' ahos san losanay taku nan mangipatungpayan Apudyus san pangkopna gway achi kun nipaakammu. As Apudyus nan nanggwa san losan kun achina kun impappaakammu san chamuchamu ingkana san sana

Filipos 2:6

Ta'on nu Apudyus as sija, achina kun impapilit nan alintokana as osa Apudyus.

Colosas 1:15

As Hesus nan ustu'ustu maillan nan ina'Apudyus Apudyus gway achi kun maila. Nisisikud as sija san chaan ma'gwa nan luhung ja sija nan angatuwan san losanay inggwan Apudyus.

Colosas 1:17

Nisisikud as sija san chaan ma'gwa nan losan ad sija nan mangipasissija san losan san ustuway naurnusancha.

1 Timoteo 3:16

Ad maid kun chugwachugwan nan inapatog nan atuttugwaan gway sussuyu gway impaakammun Apudyus an chita'u: Ummalis sija gway nangngachan taku, Impano'no' nan Ispilitun Apudyus as sija, Inilan chanan a'anghel as sija. Nipaakammu nan mipangkop an sija san ailiili, Kun tinuttuwan chanan taku ad asna luta, Gwot nipangatud langit.

Tito 2:13

Amaschi nan o'oon ta'u san manguullajan ta'u san erkaw gway mallagyagsa'an gway namnamaon ta'u gway mampaillan nan ina'erjad Hesu Kristu gway angatuwanay Apudyus ja Manaku an chita'u.

Hebreo 13:8

Sa'ad as Hesu Kristu maid kun mabosana. Nu ngachanna as sija san nugwan amaschi ahos as sija san sana ja san ingkaingkana.

Hebreo 7:3

Maid kun nilista san mipangkop san amana ja inana ja san nerpugwana. Maid kun nilista nu ma'anu nan nijana'ana ja natojana. Gwon na'gwas isun nan Ana' Apudyus gway sissija pachi as ingkaingkana.

2 Pedro 1:1

As Simon Pedro na gway apostol Hesu Kristu ja mansilsilwhi an sija. Annaja nan suyat'u an cha'ajuway nangagwat san osossa''anay pammati gway inagwat ta'u kapu an Hesu Kristu gway Apudyus ta'u ja Manaku an chita'u gway patinajunay manggwa san whayu ja ustu.

1 Juan 5:20

Ad akammu ta'uway sa'ad nan Ana' Apudyus ummali kun inatchan chita'us somsomo'ay ma'aagwat tot maakammugwan ta'u as Apudyus gway kadto'. Kun na'aosossaan ta'u an Apudyus gway kadto' ama ahos san Ana'na gway Hesu Kristu. Sija nan Apudyus gway kadto' ja nan whijag gway maid kun pungpungna.

1 Juan 5:7

Tuyu nan mangipano'no' gway sa'ad nan mipangkop an Kristu tuttuwa:

Nipaakammu 1:11

gway manggwana, “Ilistam nan mailam san osa nibyu ad impagwitnu sasan maayuayus gway namati sasay pitu ili gway Efeso, Esmirna, Pergamo, Tiatira, Sardis, Filadelfia ja Laodicea.”

Nipaakammu 1:17

Inila' kus sija nallu'huwha' gway achi kun nangkichu san sanguna. Gwon iyochonna nan chigwananay imana an sa'on gway manggwana, “Achi'a umogjat. Sa'on nan Umuna ja Mangudchi san losan.

Nipaakammu 1:2

Impano'no''u nan losanay inila'. Impano'no''u nan mipangkop san ukud Apudyus ja nan impaakammun Hesu Kristu.

Nipaakammu 1:8

Anan Apu gway Apudyus, “Sa'on nan Alpha ja nan Omega. Sa'on nan iingkaw san sana ja sikud gway iniingkaw san chaan ma'gwa nan losan ja sa'on nan iingkaw as ingkaingkana. Amod nan ayobhonga' san losan.”

Nipaakammu 19:13

Nansisillup san lagkoyloy gway luput gway nachayachayaan ad nan ngachanna maagwakan as, “Nan Ukud Apudyus.”

Nipaakammu 2:8

Kun intuyuyna gway manggwana, “Annaja nan pailistan chay Umuna ja Mangudchi san losan gway natoy kun nataku san anghel gway mangijaachug sasan maayuayus gway namati ad Esmirna:

Nipaakammu 21:6

Kun anana an sa'on, “Napungpung nan losan! Sa'on nan Alpha ja nan Omega, nan Umuna ja nan Mangudchi. Nu ngachan nan mauwaw atcha' gway maid kun whajadna san chanumay merpu san obob gway mangatod as whijag gway maid kun pungpungna.

Nipaakammu 22:13

Sa'on nan Alpha ja nan Omega, nan Umuna ja Mangudchi san losan, nan Lapu ja Anungus nan losan.”

Nipaakammu 3:14

Kun intuyuyna gway manggwana, “Annachaja nan anan nan ma'gwaniyon Amen. Mantayo'an as sija ja tuttuwa mangita'chor. Sija nan kapun nan nanggwaan Apudyus san losan. Pailistana nannaja an si'a san anghel gway mangijaachug sasan maayuayus gway namati ad Laodicea. Anana: