Yohana 6:42 - Testamente Ledrimpswha ni Mapsalma

⁴² Kutani vaku: Xana lweyi ahi yene Yesu n'wana Yosefa, lweyi hi tivaka tatana wakwe ni mamana wakwe xana? Kutani swoswi ahlayisa kuyini, loko aku: Nixiki hi le Tilweni.

Yohana 6:42 Iomraidhean Croise

Marka 6:3

Xana lweyi, ahi yene lweyi wa muvatli, n'wana Maria ni makwa Yakobe, na Yosefa, na Yudasi, na Simoni? Xana a vamakwavu va vaxisati ava kola kweru, xana? Kutani vakhunguvanyeka ha Yene.

Lk 4:22

Hinkwavu afa vahlaya swakuxonga ha Yesu, vahlamala hi maritu ya kunyoxisa lawa amahlayaka. Vavutisa vaku: Xana yelweyi ahiye n'wana Yosefa xana?

Yohana 1:45

Filipi akuma nakulobye Nataniyele, aku ku yene: Lweyi Moxe atraliki timhaka takwe Nawini, ni vaprofeta himukumile: Hi Yesu wa Nazarete, n'wana Yosefa.

Yohana 3:13

Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Yohana 6:38

Hikusa nixiki hi le Tilweni, kunge kutatayentxa kurandra kwanga, kambe kuli kurandra ka lweyi anirumiki.

Yohana 6:43

Yesu ayangula, aku: Kungaveni kun'unun'uta amakari kwenu.

Yohana 6:62

Switakuyini, a siku n'witaka vona N'wana wa Mhunu antlhatukela lomu afaka ekone khale xana?

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

I Kor 15:47

A mhunu wa kusungula, avumbiwiki kusukela amisaveni, i wa misava, a mhunu wa vubiri i wa tilo.

Gl 4:4

Kambe-ke, kutlhasa kuhetiseka ka minkama, Xikwembu Nkulukumba arumi N'wana wakwe, lweyi a pswaliwiki hi wansati, lweyi angatumbuluka a hansi ka nawu,