Yohana 5:10 - Testamente Ledrimpswha ni Mapsalma

¹⁰ Hikola ka leswo a va-Yuda vaku ku lweyi wa kuhanyisiwa: Namunhla i siku dra Savata; kutani utlula Nawu loko urwala vunanu byaku.

Yohana 5:10 Iomraidhean Croise

Mt 12:10

Afa kuni wanuna lweyi afaka ani voko drin'we dra kuwonyana; hi kudjula kukuma a mhaka ya kumurambela ha yone, a vafarisi vamuvutisa vaku: Xana swapfumeleliwa kuhanyisa mbabyi hi Savata?

Marka 2:24

A vafarisi vavutisa Yesu vaku: Lavisa; xana vayentxela yini leswi a nawu wungapfumelikiki hi Savata?

Marka 3:4

Kutani aku ku vone: Xana a nawu wenu wapfumela hi Savata, a kuyentxa swinene kumbe swakubiha, kuhuluxa mhunu, kumbe kudlaya xana? Kambe vone vamiyela.

Lk 13:14

A n'winyi wa sinagoga avayangula na ahlundrukile hileswi Yesu amuholisiki hi siku dra Savata, abyela xitrhungu aku: Kuna ntlhanu wa masiku na drin'we lawa swifanekelaka kutira ha wone. Tanani ha wone n'witataholisiwa, kunge hi siku dra Savata.

Lk 23:56

Nangweso vamuka, vabekisa mafura ya kunun'hwela ya kutota miri ya Yesu. Kutani hi Savata vawisa hi kulandra nawu.

Lk 6:2

Avan'we va vafarisi vavutisa vaku: Xana n'wiyentxela yini leswi swingapfumeleliwikiki kuswiyentxa hi Savata?

Yohana 1:19

Hi byolebyi a vumboni lebyi Yohana angahlaya byone, a siku ledri va-Yuda va-le-Yerusalema vangaruma vaprista ni va-Levi ku yene, akuyamuvutisa, vaku: Xana wene umani?

Yohana 5:11

Yene avayangula aku: Lweyi anihanyisiki hi yene atiki ku mine: Rwala vunanu byaku, ufamba!

Yohana 5:15

Kutani a mhunu lweyo ahangabyela va-Yuda leswaku, lweyi amuhanyisiki, hi Yesu.

Yohana 5:16

Hikola ka mhaka leyo, a va-Yuda vasungula kulandrelela Yesu, hikusa afa atiri leswo hi siku dra Savata.

Yohana 7:23

Leswi n'wisokisaka mhunu hi siku dra Savata, n'wiyentxela kubekisa Nawu wa Moxe, xana n'winihludrukela hi mhaka ya leswi mine ningahanyisa mhunu amirini yake hinkwayu hi siku dra Savata xana?

Yohana 9:16

Van'we vafarisi vaku: Lweyi ayentxiki leswi angapfi ku Xikwembu Nkulukumba, hikusa angalondrisi Savata. Van'wana vaku: Xana mhunu lweyi anga mudohi angaswikotisa kuyini kuyentxa mahlolana yange hi lawa xana? Kutani afa kuni kuhambana amakari kwavu.