Yohana 16:15 - Testamente Ledrimpswha ni Mapsalma

¹⁵ Hinkwaswu leswi Tatana anganaswu, i swanga. Hi laha ningahlaya leswaku leswi atakan'witivisa swone, ataswikuma ku mine.

Yohana 16:15 Iomraidhean Croise

Yohana 17:10

Hinkwaswu leswi swinga swanga, i swaku; ni swaku, i swanga; kutani nitwalisiwi hikola ka swone.

Yohana 3:35

Tatana arandra N'wana, kutani abeki hinkwaswu a mavokweni yake.

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Va-le-Kolosa 1:19

Hikusa avi kurandra ka Xikwembu Nkulukumba leswaku akuhetiseka hinkwaku kutrhama ku Yene,

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Yohana 13:3

Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Va-le-Kolosa 2:9

Hikusa Xikwembu Nkulukumba akone hi kuhetiseka ku Kriste, hi Xivumbeko xa miri,

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Va-le-Kolosa 2:3

Ku yene kufihliwi tinhlengwe hinkwatu ta vutlhari ni ta kuyingelisisa.

Yohana 14:21

Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.