Yohana 15:8 - Testamente Ledrimpswha ni Mapsalma

⁸ Tatana wanga atwalisiwa hi loko n'wibeka mihandru yakutala, akukombisa leswaku n'wi vadondrisiwa vanga.

Yohana 15:8 Iomraidhean Croise

Mt 5:16

A kuvaninga kwenu akuvaningisi xiswoswo amahlweni ka vhanu, akuva vatakota kuvona a mintiro yenu leminene, vatatwalisa Tatana wenu lweyi anga Matilweni.

Mt 5:44

Kambe mine nili ku n'wine: Randrani a valala venu, n'wikombelela ku Xikwembu Nkulukumba, lava van'wixanisaka

Mt 9:8

Loko a switrhungu swivoni leswo, swiveni kutxhava, kutani switwalisa Xikwembu Nkulukumba, lweyi anyikiki ntamu wolowo ku vhanu.

Lk 6:35

Kambe randrani a valala venu, n'wivayentxela leswi swinene, n'wiva n'wivolekisa na n'wingalaviseli hakelo. Hikone-ke a hakelo drenu dritakava drikulu, kutani n'witava vana va Xikwembu Nkulukumba wa le Henhla-henhla, hikusa na yene ani vumbilu ku lava vangativikiki kutlangela ni lava vamfani.

Yohana 13:35

Hi kurandrana kwenu, hinkwavu vatativa leswaku n'wi vadondrisiwa vanga.

Yohana 15:5

Hi mine nsinya wa vhinya, n'wine n'wi tinkambu. Lweyi atrhamaka ku mine, swanga hi leswi na mine nitrhamaka ku yene, abeka mihandru yakutala; hikusa ahandle kwanga n'wingaka n'wingakoti kuyentxa ntxhumu.

Yohana 8:31

Yesu aku ku va-Yuda lava afaka vapfumeli ku yene: Loko n'witiyisela ritwini dranga, n'witava vadondrisiwa vanga ha kunene.

I Kor 10:31

Hileswo-ke nambi n'wida, nambi n'winwa, nambi n'wiyentxa yini na yini, yentxani hinkwaswu hi kutwalisa Xikwembu Nkulukumba.

I Kor 6:20

Ke leswi n'wixaviwiki hi ntrengo wa kukari, hikolahu-ke, twalisani Xikwembu Nkulukumba hi miri wenu.

Va-le-Filipiya 1:11

N'witala hi mihandru ya kululama, leyi mitumbulukaka ha Yesu Kriste akuva kudrumisiwa Xikwembu Nkulukumba.

Tito 2:10

vangayivi ntxhumu, kambe avakombise a kudumbeka hinkwaku, akuva ku mintxhumu hinkwayu vatavonekisa a kuxonga ka dondro ya Xikwembu Nkulukumba, Muhuluxi weru.

Tito 2:5

vava lava vatikhomaka, lava vabasiki atimbilwini, vabekisaka ha hombe a mindangu yavu, lava vayingisetaka a vanuna vavu, akuva a ritu dra Xikwembu Nkulukumba dringahlayeliwi kubiha.

I Ptr 2:12

n'wiva ni mahanyela manene amakari ka va-Matiko, akuva, leswi van'wihlevaka ha swone swanga tinsulavoya, hi kuvona a mintiro yenu leminene, vatatwalisa Xikwembu Nkulukumba hi siku ledri atakavayendrela ha drone.

I Ptr 4:11

Loko mhunu avulavula, avulavule swanga swiyangulo swa Xikwembu Nkulukumba; loko mhunu atirela van'wana, aswiyentxe hi ntamu lowu Xikwembu Nkulukumba amunyikaka, kuva ku mintxhumu hinkwayu kutwaliseka Xikwembu Nkulukumba ha Yesu Kriste, lweyi a kutwala ni ntamu swinga swake hi malembe ni malembe, Amen.