Yohana 15:10 - Testamente Ledrimpswha ni Mapsalma

¹⁰ Loko n'wibekisa milawu yanga, n'witatrhama alirandrwini dranga, swanga hi leswi na mine nibekisiki milawu ya Tatana wanga, kutani nitrhami lirandrwini drakwe.

Yohana 15:10 Iomraidhean Croise

Yohana 10:18

A kuna mhunu lweyi anganitekelaka byone. Mine nibyinyika hi kurandra kwanga. Nini ntamu wa kubyinyiketa, ni ntamu wakutlhela nibyikuma. Hi swoleswi Tatana wanga anileletiki kuyentxa swone.

Yohana 12:49

Hikusa anivulavulanga ha vuswanga, kambe lweyi anirumiki, anga Tatana ha vuswake, anileleti leswi nifanelaka ku n'witivisa ni ku swihlaya.

Yohana 14:15

Loko n'winirandra, n'witabekisa milawu yanga.

Yohana 14:21

Lweyi ayamukelaka milawu yanga, ava amibekisa, hi yene lweyi anirandraka; kutani lweyi anirandraka, atarandriwa hi Tatana wanga; na mine nita murandra, niva nitivonekisa ku yene.

Yohana 14:23

Loko mhunu anirandra, atabekisa ritu dranga, kutani Tatana wanga atamurandra, hitata ku yene, hitrhama na yene.

Yohana 14:31

Kambe hileswaku misava mitiva leswaku nirandra Tatana, ni leswaku nitira swanga hi leswi Tatana anileletisiki xiswone. Sekelekani, ahifambeni hisuka la!

Yohana 17:4

Mine nikutwalisile la misaveni, nihetile a ntiro lowu uninyikiki wone akuva niwutira.

Yohana 4:34

Yesu aku ku vone: A swakuda swanga hi kuyentxa kurandra ka lweyi anirumiki, ni kuhetisa ntiro lowu anirumiki kuwuyentxa.

Yohana 8:29

Lweyi anirumiki, ana mine; anganitrikanga vuswanga, hikusa masiku hinkwawu niyentxa leswi swimutrhavisaka.

Yohana 8:55

kasi an'wimutivi, kambe mine namutiva. Loko afa niku: animutivi, afa ningava muhembi kufana na n'wine. Kambe mine namutiva, kutani nibekisa ritu drakwe.

I Kor 7:19

A kusoka ahi ntxumu, ni kukala a kusoka ahi ntxhumu; a swa lisima i kubekisa a swileleto swa Xikwembu Nkulukumba.

I Tsl 4:1

A vugan'wini vamakweru, ha n'wikombela ni kun'witratriya ku Hosi Yesu leswaku, swanga hileswi n'wiyamukeliki ha hine leswi n'wifanekelaka kufambisa xiswone akuva n'witatrhavisa Xikwembu Nkulukumba, fambisani xiswoswo, akuva n'wiya mahlweni hi kuyandra ngopfu.

Va-Heberu 7:26

Hikusa afa hifanekeliwa hi muprista lwenkulu lweyi waku tanu, wa kuxwenga, lweyi angeke na nandru, ni xambya, lweyi a travukaniki ni vadohi, lweyi angatlakuxiwa henhla ka matilo.

II Ptr 2:21

Hikusa afa switayampswa ku vone loko afa vangativanga ndlela ya kululama, kutlula leswaku vayitiva na ntrhaku vatlelela vatravukana ni Nawu lowu vanyikiwiki wone wa kuxwenga.

I Yhn 2:3

Laha hi switivaka ha kone leswaku hamutiva Tatana hi loko hi bekisa swileleto swake.

I Yhn 2:5

Kambe lweyi a bekisaka ritu drakwe, a lirandru dra Xikwembu Nkulukumba drihetisekile ku yene; hilaha hiswitivaka ha kone leswaku hi le ku Yene.

I Yhn 2:6

Lweyi aliki atrhama ku Yene afanela kufamba swanga hi leswi na yene afambisiki xi swone.

I Yhn 5:3

Hikusa leswo hi drone lirandru dra Xikwembu Nkulukumba leswaku hibekisa a swileleto swake. Kutani a swileleto swake aswibindri,

Mpfuletelo 22:14

Kukatekile lava vabasisaka swiyambalu swavu angatini ya Hambana, hikuva xileswi vava ni mfanelo ya kuda mihandru ya nsinya wa vutomi, nhingenani mutini hi swipfalu.