Yohana 13:34 - Testamente Ledrimpswha ni Mapsalma

³⁴ Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani!

Yohana 13:34 Iomraidhean Croise

Ef 5:2

N'wihanya alirandrwini, swanga hileswi Kriste na yene an'wirandriki, lweyi a tinyiketiki havuswakwe hinkonta yeru, swanga gandrelo ni xitlhavelo ku Xikwembu Nkulukumba.

Yohana 15:17

Leswi nin'wileletaka swone hileswaku n'wirandrana!

I Ptr 1:22

Leswi n'wibasisiki a mahika yenu akuyingiseteni ka xihlayelamfuri, akuva n'wivani lirandru dra xikwavu, ledri dringalikina kukanganyisa, khinyelani a kurandraneni van'we ku van'wana, hi mbilu leyi yi basiki;

Gl 6:2

Rwalelanani mintrhwalu yenu mun'wana-ni-mun'wana, n'wihetisisa xiswoswo a nawu wa Kriste.

I Yhn 3:23

Ledri hidrone aleleto drakwe: leswaku hi pfumela ku vito dra N'wana wakwe, Yesu Kriste, hiva hirandrana van'we ni van'wana, swanga hileleto drakwe.

I Yhn 4:21

Ke, hini leleto ledri hisiyeliwiki ha Yene, ledri draku: lweyi arandraka Xikwembu Nkulukumba na kone afanela akurandra makwavu.

Yakobe 2:8

Loko kunene n'wilavisisa Nawu, swanga hi kuhlaya ka Tralwa, driliki: Utarandra mhunukuloni swanga hi leswi na wene utirandraka, n'wiyentxa leswi swinene.

I Tsl 3:12

A Hosi yinga yengetela ni kuyentxa lirandru drenu drikula ku van'we ni kuva van'wana ni kuhinkwavu. Swanga hi leswi na hine hin'wirandraka.

Rm 12:10

Randranani hivuxaka, n'wisiya-siyana hiku yentxelana xihluwa.

II Yhn 1:5

Swoswi ke, nkosikazi na kukombela, na kunge swanga hi loko ni kutralela leleto ledri drimpswha, loko kunge ledri hi dri yamukeliki kusukela kusunguleni: leswaku hi randrana van'we ku van'wana.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

I Yhn 3:11

Hikusa i ritu ledri n'wine n'widriyingeliki kusukela kusunguleni, ledri draku: hirandrananeni van'we ku van'wana.

Va-Heberu 13:1

Yanani mahlweni n'wiva ni lirandru drawu kwavu.

II Tsl 1:3

I mfanelo yeru kutlangela Xikwembu Nkulukumba hi minkama hinkwayu ha n'wine vamakweru. Swanga hi leswi swifanelekiki, hikusa a kupfumela kwenu kuvi kukula ni kuhuhuma ka lirandru drenu ku mun'wana-ni-mun'wana dra yengetelana.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

II Ptr 1:7

hi vukhongoti, n'wirandrana, hi kurandrana ka lirandru.

Va-le-Kolosa 1:4

hikusa hiyingeli kupfumela kwenu ku Kriste Yesu, ni lirandru ledri n'widrikombisaka ku vapfumeli hinkwavu.

Gl 5:6

Hikusa ku Kriste Yesu, aku soka ni kuka kusokiwa, aswipfuni ntxhumu, kambe i kupfumela kutiraka hikola ka lirandru.

Yohana 17:21

akuva hinkwavu vava mun'we, swanga ha wene Tatana unga ku mine, na mine ninga ku wene, akuva na vone vava ku hine, kutani misava mitapfumela leswaku unirumile.

Mt 5:44

Kambe mine nili ku n'wine: Randrani a valala venu, n'wikombelela ku Xikwembu Nkulukumba, lava van'wixanisaka

Rm 13:8

N'winga vi ni nandru wa xantxhumu na mhunu, loko kunge wa lirandru dra van'we ku van'wana. Lweyi arandraka wa-le-kwavu ahetisa nawu.

Rm 13:10

Alirandru adriyentxeli wa-le-kwavu swakubiha. Hileswo-ke, a lirandru i kuhetisa ka nawu hinkwawu.