Yohana 13:3 - Testamente Ledrimpswha ni Mapsalma

³ Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba.

Yohana 13:3 Iomraidhean Croise

Mt 11:27

Hikuva hinkwaswu swinyikiwi mine hi Tatana wanga; anga kone lweyi ativaka a N'wana loko ange Tatana, na kone akuna lweyi ativaka Tatana loko ange N'wana, ni lweyi a N'wana arandraka a kumupfuletela akuva amutiva.

Mt 28:18

Kolahu Yesu atrhindrekela akhanela navu aku: Ninyikiwi ntamu hinkwawu ni vuhosi atilweni ni le misaveni.

Lk 10:22

Hinkwaswu ninyikiwi ha Tatana. Nakone akuna mhunu lweyi ativaka lweyi N'wana anga yene, loko ange Tatana: nambi lweyi Tatana anga yene, loko ange N'wana, ni lweyi a N'wana arandraka kumupfuletela yene.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 13:1

Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.

Yohana 17:2

swanga hi leswi umunyikiki ntamu henhla ka vhanu hinkwavu, akuva hinkwavu lava umunyikiki vone atavahanana vutomi lebyi byingahelikiki.

Yohana 3:13

Akuna mhunu lweyi asamaka antlhantukela Tilweni, loko ange kuva lweyi axikiki hi le Matilweni, anga N'wana wa Mhunu.

Yohana 3:35

Tatana arandra N'wana, kutani abeki hinkwaswu a mavokweni yake.

Yohana 7:29

Mine namutiva, hikusa nihuma ku yene, na kone hi yene anirumiki.

Yohana 7:33

Kolahu Yesu aku ku vone: Nahatava na n'wine nkamanyana, kutani antrhaku ka swone nitamuka ku lweyi anirumiki.

Yohana 8:14

Yesu avayanguli, aku: Ni loko nitihambela vumboni, a vumboni byanga byitiyile, hikusa nitiva lomu nihumaka kone; kambe n'wine an'witivi lomu nihumaka kone, ni lomu niyaka kone.

Yohana 8:42

Yesu aku ku vone: Loko afa Xikwembu Nkulukumba ali tatana wenu, afa n'witanirandra, hikusa mine nipfa ku Xikwembu Nkulukumba. Anitanga hi kutisungulela, kambe hi Yene anirumiki.

Mintiro Ya Vapostola 2:36

Ke a tiko hinkwadru dra Israyele adriswitive leswaku Yesu yelweyi n'wine n'wingamuvamba, Xikwembu Nkulukumba amuyentxi Hosi ni Kriste.

I Kor 15:27

Hikusa abeki hinkwaswu a hansi ka minkondro yake; na kone loko aku a mintxhumu hinkwayu mibekiwi ahansi kwake, swile livaleni leswaku lweyi abekiki hinkwaswu ahansi kwake, yene ale handle ka swone.

Va-Heberu 1:2

A minkameni leyi ya vugamu, a khanelile na hine hi n'wana wakwe, lweyi amubekiki kuva mudi wapfindla dra mintxhumu hinkwayu, lweyi na kone avumbiki misava ha Yene.