Yohana 10:25 - Testamente Ledrimpswha ni Mapsalma

²⁵ Yesu avayangula, aku: Nin'wibyelile, kambe an'wipfumeli. A mintiro leyi nimiyentxaka hi vito dra Tatana wanga, hi yone minihambelaka vumboni.

Yohana 10:25 Iomraidhean Croise

Yohana 10:32

Yesu aku ku vone: Hi kuyingiseta Tatana wanga niyentxi mintiro leya kutala ya kuxonga, leyi mipfaka ku Tatana. Xana hi wini ku yone, a ntiro lowu n'winikhandlelaka wone xana?

Yohana 10:37

Loko leswi niswiyentxaka minge mintiro ya Tatana wanga, n'wingatxhuki n'wipfumela ku mine!

Yohana 10:38

Kambe loko nitira mintiro ya Tatana, nambi n'wingapfumeli ku mine, pfumelani mintiro, n'witayingelisisa ni kutiva leswaku Tatana ale ku mine, na mine ni le ku Tatana.

Yohana 11:47

Kutani varangeli va vaprista ni vafarisi varamba huvu, vaku: Hitayentxa yini xana, leswi a mhunu lweyi atiraka mahlolana lawa ya kutala?

Yohana 12:37

Kambe nambi loko ayentxi mahlolana lawa manyingi ngopfu amahlweni kwavu, avapfumelanga ku yene,

Yohana 14:11

Nipfumelani leswaku ni le ku Tatana, na yene Tatana a le ku mine; loko n'winganipfumeli, pfumelani hikola ka mintiro.

Yohana 20:30

Yesu ayentxi mahlolana man'wana lawa manyingi amahlweni ka vadondrisiwa vakwe, lawa mangatraliwangakiki abukwini ledri.

Yohana 3:2

Ayi ku Yesu ni vusiku, atlhasa aku: Mudondrisi, haswitiva leswaku u mudondrisi lweyi apfaka ku Xikwembu Nkulukumba, hikusa akuna mhunu lweyi angayentxaka mahlolana lawa umayentxaka, loko Xikwembu Nkulukumba ange na yene.

Yohana 7:31

Lava vavanyingi amakari ka xitrhungu vapfumela ku yene, vaku: Xana loko Kriste atata, atayentxa mahlolana lawa matlulaka lawa mayentxiwaka hi mhunu lweyi xana?

Yohana 8:12

Kutani Yesu atlhela avulavula navu, aku: Hi mine livaningo dra misava. Lweyi anilandraka angaka angafambi munyameni, kambe atava ni livaningo dra vutomi!

Yohana 8:24

Hileswo-ke nin'wibyeli leswaku n'witafela swihonweni swenu; hikusa loko n'wingapfumeli leswaku Mine ni yene, n'witafela swihonweni swenu.

Yohana 8:56

A tatana wenu Abrahamu, atrhavile hi leswi afaka atakavona siku dranga; adrivonile, ava atrhava.

Yohana 8:58

Yesu aku ku vone: Hi leswaku na Abrahamu angasinatumbuluka, mine afa nili lweyi ninga yene.

Mintiro Ya Vapostola 10:38

Yinga mhaka ya Yesu lweyi apfiki hi le Nazarete, leswaku Xikwembu Nkulukumba amutoti hi Moya wa Kuxwenga ni ntamu, atifambela na ayentxa leswi swinene, ahanyisa hinkwavu lava vakandreteliwiki hi Diyavulosi, hikusa Xikwembu Nkulukumba afa ali na Yene;

Mintiro Ya Vapostola 2:22

Petrosi aya mahlweni aku: Vavanuna va Israyele yingisetani a maritu lawa: Yesu wa Nazarete, wanuna lweyi angakombisiwa hi Xikwembu Nkulukumba ku n'wine, hi mintiro ya ntamu, ni mahlolana ni swikombiso, leswi Xikwembu Nkulukumba aswiyentxiki ha Yene amakari kwenu, swanga hi leswi n'wiswitivaka na n'wine;

Va-Heberu 2:3

Ngopfu xana hine hita swikotisa kuyini kuphonyoka, loko hingahlayi ntxhumu hi huluxo ledri drikulu? Ledri afaka dritivisiwa hi Hosi. Ntrhaku dritivisiwa hi lava vadriyingeliki;