Yohana 1:51 - Testamente Ledrimpswha ni Mapsalma

⁵¹ Ayengeta aku ku yene: Nihlayelamfuri nili ku n'wine: n'witavona tilo dripfulekile, ni ntrumi ya Xikwembu Nkulukumba yili kari yintlhantuka ni kuxikela ku N'wana wa Mhunu.

Yohana 1:51 Iomraidhean Croise

Mt 25:31

Kambe kutaku loko a N'wana wa Mhunu ata vumenyemenyeni byake, kun'we ni tintrumi hinkwatu, atatrhamisa a xitrhan'wini xa vumenyemenye byake.

Mt 26:24

A N'wana wa Mhunu awafamba swanga hi leswi kutraliwiki ha yene; kambe yowee lweyi a mhunu lweyi a N'wana wa Mhunu awongiwaka hi yene! Afa swi swahombe ku mhunu lweyo, loko afa angabelekiwanga.

Mt 3:16

Kaku loko Yesu ababatisiwile, ahuma amatini. Hi nomu-lo, a matilo mapfuleka, avona a Moya wa Xikwembu Nkulukumba wuxikela ahenhla kwake swanga i tuva.

Mt 4:11

Kolahu Diyavulosi amutrika; kutani a tintrumi tita, timutirela.

Mt 8:20

Yesu amuyangula aku: A mabuwana mani mimpala, ni tinyanyana ta tilo tini vusaka, kambe a N'wana wa Mhunu angana lomu angadamaka nhloko yake kone.

Mt 9:6

Kambe akuva n'witativa leswaku a N'wana wa Mhunu ani ntamu wa kudrivalela a swidoho amisaveni, aku ku lweyi wa kuwonyana a swiro: Pfuka, utitlakulela a vunanu byaku, utimukela.

Marka 1:10

Yesu aku ahahuma matini, avona matilo makendlukile hi le makari, ni Moya wa Kuxwenga wuxikelaka henhla kwake, swanga hi tuva.

Marka 14:62

Yesu aku: Hi mine. Mfuri n'witavona a N'wana wa Mhunu na atrhami axineneni xa Xikwembu Nkulukumba wa mintamu hinkwayu, apfa hi le henhla ka matlavi ya tilo.

Lk 2:13

Kutani hi nomu-lo, kun'we ni ntrumi, kuhumelela a vunyingi bya tintrumi tin'wana ta tilo, tidrumisa Xikwembu Nkulukumba tiku:

Lk 2:9

Kutani ntrumi ya Hosi yihumelela ku vone, akuphatima ka Hosi kuvatrandrela makari. Kutani vatxhava hi kutxhava loku kukulu.

Lk 22:43

Kutani a ntrumi yi voneka ku yene, yipfa Tilweni, yitatamutiyisa.

Lk 22:69

Akusungula swoswi, N'wana wa Mhunu atatrhama axineneni xa ntamu wa Xikwembu Nkulukumba.

Lk 24:4

Vaku nava hakarateka ha swone, lavisani vavanuna vabiri, vahumelela, vayima na vone, na vayambali swiyambalu leswi swakuphatima.

Lk 3:21

Kati loko Yohana ababatisa hinkwavu, Yesu na yene ababatisiwa; na ali kari akhongota, a tilo dripfuleka,

Yohana 1:50

Yesu ayangula, aku ku yene: Xana upfumela hi leswi nitiki: Nikuvoni a hansi ka nkuwa, xana? Utavona leswi swikulu kutlula leswi.

Yohana 10:1

Yesu aku: Nihlayelamfuri nili ku n'wine; lweyi anganhingenikiki hi nyangwa arangeni dra tihamba, kambe atlulelaka hi kun'wana, i muyivi, ni muwutli.

Yohana 10:7

Yesu ayengeta aku ku vone: Nihlayelamfuri nili ku n'wine: hi mine nyangwa ya tihamba.

Yohana 13:16

Nihlayelamfuri nili ku n'wine: A nandra ahi nkulu ku n'winyi wakwe, ni murumiwa ahi nkulu ku lweyi amurumiki.

Yohana 13:38

Yesu amuyangula, aku: Xana unganyiketa vutomi byaku hikola kwanga? Nihlayelamfuri nili ku wene, loko nkuku wungasina dringa, utava unilandruli kuraru.

Yohana 14:12

Nihlayelamfuri nili ku n'wine: Lweyi apfumelaka ku mine, na yene atatira mintiro leyi nimitiraka; atatira ni leyi mitlulaka yone, hikusa niya ku Tatana.

Yohana 16:20

Nihlayelamfuri nili ku n'wine: n'witabongosa n'widrila, kambe misava mitatrhava. N'wine n'witavaviseka kambe kuvaviseka kwenu kutandruluka kutrhava.

Yohana 16:23

Hi siku ledro, n'winganivutisi ntxhumu. Nihlayelamfuri nili ku n'wine: Hinkwaswu leswi n'witakakombela ku Tatana hi vito dranga atan'winyika.

Yohana 21:18

Nihlayelamfuri nili ku wene: Loko wehe mumpswha, afa utitrimba bandi ha swaku, utifambela lomu ukurandraka. Kambe loko utava uduhwalile, utanalavuta mavoko yaku, kutani mun'wana atakutrimba akufambisa lomu ungakurandrikiki.

Yohana 3:3

Yesu amuyangula, aku: Nihlayelamfuri nili ku wene, akuna mhunu lweyi angavonaka Mfumu wa Xikwembu Nkulukumba, loko angatlhelanga apswaliwa hi vumpswha

Yohana 3:5

Yesu ayangula, aku: Nihlayelamfuri nili ku wene, loko mhunu angapswaliwi hi mati ni Moya, angaka anganhingeni Mfun'wini wa Xikwembu Nkulukumba.

Yohana 5:19

Hileswo-ke Yesu angavayangula, aku: Nihlayelamfuri nili ku n'wine, a N'wana angaswikoti a kutisungulela atira ntxhumu loko angavoni Tatana lweyi aswitiraka; hikuva leswi lweyo aswitiraka, na yene n'wana aswitirisa xiswoswo.

Yohana 5:27

Na swone amunyiki ni ntamu wa kuyavanyisa hikusa i N'wana wa Mhunu.

Yohana 6:26

Yesu avayangula, aku: Nihlayelamfuri nili ku n'wine, n'wanidjula kunge hi leswi n'wingavona swikombiso, kambe hi leswi n'wingada makati n'wixura.

Yohana 6:32

Yesu avabyela aku: Nihlayelamfuri, nili ku n'wine: Moxe angan'winyikanga kati ledri drihumaka Tilweni, kambe Tatana wanga an'winyika kati ledri drihumaka Tilweni, ledri dringa drone.

Yohana 6:47

Nihlayelamfuri nili ku n'wine, lweyi apfumelaka, ani vutomi lebyi byingahelikiki.

Yohana 6:53

Yesu aku ku vone: Nihlayelamfuri nili ku n'wine, loko n'wingadi miri ya N'wana wa Mhunu, ni loko n'winganwi ngati yake, an'wina vutomi andreni kwenu.

Yohana 8:34

Yesu avayangula, aku: Nan'wibyela leswaku mun'wana ni mun'wana lweyi ayentxaka xihono, i xikarawa xa xihono.

Yohana 8:51

Nihlayelamfuri nili ku n'wine, a mhunu lweyi abekisaka ritu dranga, angaka angavoni lifu hi la kungahelikiki.

Yohana 8:58

Yesu aku ku vone: Hi leswaku na Abrahamu angasinatumbuluka, mine afa nili lweyi ninga yene.

Mintiro Ya Vapostola 10:11

ahlalela tilo dripfuliwiki, ni wun'wana ntxhumu wuxikaka, swanga hi kapulana ledri drixixiwaka amisaveni hi mune wa tiponta.

Mintiro Ya Vapostola 7:56

ahangaku: Lavisani! Nivona Matilo mapfulekiki, ni N'wana wa Mhunu ayimiki axineneni xa Xikwembu Nkulukumba!

II Tsl 1:7

Ku n'wine lava vaxanisekaka swanga ha hine, atan'wiwisisa Yene, loko kutahumelela hi le Tilweni Hosi Yesu ni tintrumi ta ntamu wakwe.

II Tsl 1:9

Vata kuma kutremeliwa lavo ka kulahleka loku kunga gamikiki, kule ni vukone bya vuso bya Hosi, kule ni ntamu wakwe ni ka kuphatima kwake.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Va-Heberu 1:14

Kasi ahi mimoya leyi mitiraka, mirumiwiki kutirela lava vafanekelaka kuda pfindla draku huluka xana?

Yd 1:14

Na yene Henoki, lweyi wa vuntlhanu na vabiri antrhaku ka Adamu, aprofetile ha vone, aku: Lavisa, Hosi yata ni madzana-dzana ya Yone,

Mpfuletelo 19:11

Kutani ni vona tilo na dripfulekile; kuvoneka a hanxi ledra ntlhohe. Lweyi a drikhandriyiki ahlayiwa Mudumbeki ni waxihlayelamfuri. Atrema, alwa hi kululama.

Mpfuletelo 4:1

Antrhaku ka leswo, nilavisile, kutani nivona a xipfalu xipfuliwiki atilweni, ni ritu ledri afaka nidriyingeli hi kuranga na drivulavula na mine, dra kufana ni dra nanga driku: Ntlhantukela halenu, nitakukomba leswi switakahumelela ntrhaku ka leswi.