Yohana 1:1 - Testamente Ledrimpswha ni Mapsalma

¹ Akusunguleni, a Ritu afa drili kone. A Ritu afa drili na Xikwembu Nkulukumba, kutani Ritu afa drili Xikwembu Nkulukumba.

Yohana 1:1 Iomraidhean Croise

Mt 1:23

A wanhwanyana atava ni nyimba, atapswala n'wana wa wandrisanyana, atatxhuliwa Emanuwele, swihlaya leswaku: Xikwembu Nkulukumba ana hine

Lk 24:53

afa vava kone a Tempeleni masiku hinkwawu, vatwalisa Xikwembu Nkulukumba.

Yohana 1:14

A Ritu drandruluki nyama, driva driyaka makari kweru, kutani hihlaleli kuphatima ka drone kunga kuphatima ka n'wana lweyi wa mun'we wa Tatana; afa atali hi timpswalu ni xihlayelamfuri.

Yohana 1:18

Akuna mhunu lweyi asamaka avona Xikwembu Nkulukumba ni kun'we. A N'wana lweyi anga mun'we, lweyi anga xifuveni xa Tatana, hi yene lweyi ahitlhamuxeliki leswi Tatana angaxiswone.

Yohana 1:2

A Ritu afa drili kone kusunguleni ku Xikwembu Nkulukumba.

Yohana 16:28

Nisuki ku Tatana, nita misaveni; swoswi nitlhela nisiya misava, nimuka ku Tatana.

Yohana 17:5

Swoswi, nitwalise, we Tatana, amahlweni kwaku hi kutwala loku afaka nili nakone ku wene, na misava mingasiva kone.

Yohana 20:28

Tomasi ayangula, aku ku yene: Hosi yanga ni Xikwembu Nkulukumba wanga!

Yohana 8:58

Yesu aku ku vone: Hi leswaku na Abrahamu angasinatumbuluka, mine afa nili lweyi ninga yene.

Rm 9:5

Vone i valixaka dra vatatana; mfuri Kriste ahumi ku vone, hi nyama, lweyi angahenhla ka hinkwavu, akukhensiwi Xikwembu Nkulukumba hi minkama ni minkama. Amen!

Ef 3:9

ni fanekela kunyika hinkwavu kutiva makungu ya xihundla lexi Xikwembu Nkulukumba mutumbuluxi wa hinkwayu mintxhumu, leyi angalulamisa kusukela kusunguleni angan'wikombisanga.

Va-le-Filipiya 2:6

Lweyi aviki hi xiyimu xa Xikwembu Nkulukumba, angatirisanga mfanelo leyo akuva ahlayiwa swanga Xikwembu Nkulukumba.

Va-le-Kolosa 1:15

Yene i xifaniso xa Xikwembu Nkulukumba lweyi angavoniwikiki, amativula ya hinkwaswu swivumbiwa.

Va-le-Kolosa 1:17

Yene i wa kusungula na hinkwaswu swingasina tumbuluxiwa; kutani hinkwaswu switiya hikola kwake.

I Tmt 3:16

Kunene a xihundla xa vukhongoti i xikulu: Lweyi akombisiwiki anyameni, ayentxiwi mululami hi Moya avoniwi hi tintrumi, ahuweleliwi amakari ka matiko (ka va-Matiko), awundliwi lomu misaveni, ayamukeliwi akuphatimeni.

Tito 2:13

na hilavisela a kudumba loku kukhensekaka, ni kutikombisa ka kuphatima kukulu ka Xikwembu Nkulukumba ni Muhuluxi weru Yesu Kriste,

Va-Heberu 13:8

Yesu Kriste i mun'we, tolo, ni namuhla ni hi laha kungahelikiki.

Va-Heberu 7:3

Lweyi afaka angana tatana, angana mamana, kumbe longoloko dra vuxaka byake, angavanga ni masungulo ya masiku, nambi byi vutomi byake abyi na vugamu; kutani a fanisiwile ni N'wana wa Xikwembu Nkulukumba, kutani atrhami ali muprista hi laha kungahelikiki.

II Ptr 1:1

Simoni Petrosi, a nandra ni mupostola wa Yesu Kriste, ku lava hinkweru hi yamukeliki kupfumela kakufana kalisima, akululameni ka Xikwembu Nkulukumba weru ni Muhuluxi Yesu Kriste.

I Yhn 5:20

Haswitiva ha kunene leswaku a N'wana wa Xikwembu Nkulukumba atile, ahi nyiki vutlhari byakuva hitiva leswi inga xihlayelamfuri. Kutani hi le kuxihlayelamfuri, ku N'wanake, Yesu Kriste. Yene i Xikwembu Nkulukumba hi ntshima, na anga vutomi lebyi byingahelikiki.

I Yhn 5:7

Hikusa kuni vararu lava vanyikaka vumboni a Matilweni: Tatana, ni ritu, ni Moya wakuxwenga, kutani lava vararu i mun'we.

Mpfuletelo 1:11

afaka driku: Leswi uswivonaka switrale apapelweni, uswirumela amakerekeni lawa ya ntlhanu na mabiri: A Efesa, ni le Simirna, ni le Pergamosi, ni le Tiyatira, ni le Sardesi, ni le Filadelifiya, ni le Lawodikiya.

Mpfuletelo 1:17

Loko nimuvonile niwi aminkondrweni yake swanga nifile. Kutani abeka a voko drakwe dra xinene a henhla kwanga, aku: Ungatxhave! Ni wa kuranga ni wa vugamu;

Mpfuletelo 1:2

lweyi avikini kutiyisa ku ritu dra Xikwembu Nkulukumba ni ku vumboni bya Yesu Kriste, mayelano ni hinkwaswu leswi yene aswivoniki.

Mpfuletelo 1:8

Mine ni Alfa mfuri ni Omega, kuhlaya Hosi Xikwembu Nkulukumba, lweyi anga yene, afaka ali yene, ni lweyi atakata, lweyi anga wa ntamu hinkwawu.

Mpfuletelo 19:13

Afa ayambali xiyambalu lexi xipetiwiki ngatini; a vito drakwe atxhuliwa: Ritu dra Xikwembu Nkulukumba.

Mpfuletelo 2:8

Ku ntrumi ya kereke ledri dringa Smirna trala uku: Lweyi wa kusungula ni wa vugamu, lweyi afaka afile kambe swoswi atlheliki ahanya, ahlaya leswi:

Mpfuletelo 21:6

Atlhela nangweso aku ku mine: Swiyentxekile. Ni Alfa na Omega, masungulo ni vugamu. Ku lweyi angani tora, nita muhanana hi timpswalu kunwa hi timpswalu, a mati ya nhlovo ya vutomi.

Mpfuletelo 22:13

Hi mine Alfa na Omega, lweyi wa kuranga ni wa vugamu, a masungulo ni kuhela.

Mpfuletelo 3:14

Ku ntrumi ya kereke ledri dringa Lawodikiya trala uku: Lweyi anga Amen, a mboni leyi ya kudumbeka ni ya xihlayelamfuri, masungulu ya ntiro wa vutumbuluxi wa Xikwembu Nkulukumba, ahlaya leswi: