Yakobe 3:2 - Testamente Ledrimpswha ni Mapsalma

² Hikusa ha hoxa hi swihoxo swinyingi hinkweru. Loko nha mun'we angahoxi hi maritu, i mhunu wa kuhetiseka, lweyi a kotaka kufuma miri yake hinkwayu.

Yakobe 3:2 Iomraidhean Croise

Mt 12:34

Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini.

Mt 12:37

Hikusa utahlayiwa lweyi wa kululama hi maritu yaku, na swone, utayavanyisiwa hi maritu yaku.

Rm 3:10

Swanga hi kuhlaya ka Matralwa ya Kuhlawuleka: Akuna lwa lulamiki. Ni mun'we.

Rm 7:21

Hikusa, loko nidjula kuyentxa leswi swinene, kambe nikuma nawu wa leswi swaku; a xidoho xitrhama ku mine.

I Kor 9:27

kambe mine nixanisa a miri yanga, ni miyentxa a xikarawa, akuva, nitxhumayela ku van'wana, ningatitxhuka nikumiwa na nili lweyi ningalikina mfanelo ya ntxhumu.

Gl 3:22

Kambe a Tralwa dripfaleli hinkwaswu a hansi ka xihono, akuva hi kupfumela ku Yesu Kriste, vanyikiwa xidumbiso hinkwavu lava vapfumelaka.

Gl 5:17

Hikusa a nyama yini kunavela loku kuyalanaka ni ka Moya, na wo Moya wuyalana ni kunavela ka nyama, hikusa amintxhumu leyo, milwetana kun'we akuva n'wingayentxi leswi n'wiswirandraka.

Va-le-Kolosa 1:28

lweyi hine himutivisaka, na hi luleka ni kudondrisa vhanu hinkwavu, hivutlhari hinkwabyu, leswaku hitayisa vhanu na vali lava vahetisekiki ku Kriste,

Va-le-Kolosa 4:12

Awa n'widrungula nangweso Epafra lweyi i nga mun'we wenu, a ntirweni wa Kriste, an'wilwelaka minkama hinkwayu hi swikhongoto, akuva n'witiyisiwa n'wiva lava vahetisekiki, akurandreni hinkwaku ka Xikwembu Nkulukumba.

Va-Heberu 13:21

an'wihetisekisi ku mintiro leminene hinkwayu, akuva n'wiyentxa kurandra kwake, ni leswaku ayentxa leswi amahlweni Yakwe leswi swimutrhavisaka ha Yesu Kriste, lweyi alidrumu dringa ku Yene hi minkama hinkwayu. Amen!

Yakobe 1:26

Loko apimisa leswaku i mhunu wa vukhongoti ngopfu, kambe loko angafumi lidrimi drakwe, akanganyisa mbilu yake, avukhongoti byake i bya mahala.

Yakobe 1:4

Kambe akutiyisela akuve ni ntiro wa kuhetiseka, akuva n'wiva lava valulamiki hikuhetiseka na n'wingapfumali ntxhumu.

Yakobe 2:10

Hikusa lweyi a bekisaka swileleto swa nawu, kambe adrela xin'we ntsena ku swone swanga hi loko adreli hinkwaswu.

I Ptr 3:10

Hikusa lweyi adjulaka kurandra a vutomi, ni kuvona a masiku manene, ampfekele lidrimi drakwe kuleswi mfani, ni nomo wakwe akuva wungavulavuli vukanganyisi.

I Ptr 5:10

Nakone, Xikwembu Nkulukumba wa timpswalu hinkwatu, lweyi an'wivitaneliki akuphatimeni kwake loku kungahelikiki, ku Kriste Yesu, ntrhaku ka kuva n'wixaniseki kutrongonyana, atan'wipfuxeta, an'witiyisa ava an'winyika ntamu.