Tito 3:2 - Testamente Ledrimpswha ni Mapsalma

² vangalumbeti mhunu, vava vhanu va kurula, varandri va hinkwavu, vakombisa kunabyala hinkwaku ku vhanu hinkwavu.

Tito 3:2 Iomraidhean Croise

Mt 11:29

Tibyatrhelani a mpinga wanga, n'wiva n'widondra ku mine, hikusa ni wa kurula ni wa mbilu ya kutitrongohata. N'witakuma kuwisa amimoyeni yenu;

Mintiro Ya Vapostola 23:5

Pawulosi ayangula aku: Vamakweru, afa ningaswitivi leswaku i muprista lwenkulu hikusa kutraliwi leswaku: Ungavihlaya kubiha hi mufambisi wa tiko dra kwenu.

I Kor 6:10

nambi vayivi, nambi vanaveli va vukosi bya misava, nambi timpopswi, nambi valumbeti, nambi vawutli, hinkwavu lavo vangatida a pfindla dra Mfumu wa Xikwembu Nkulukumba.

I Kor 9:19

Hikuva nambi nitrunxekile ku hinkwavu, nitiyentxi a nandra wa hinkwavu, akuva nitakuma lava vanyingi.

II Kor 10:1

Mine Pawulosi, na n'wikhongotela hi kunabyala ni hivunene bya Kriste, ninga lweyi valiki natitrongohata loko nili amakari kwenu, na kasi ni n'wiyentxa hi kunonon'hwa, loko ni sukile ku n'wine,

II Kor 12:20

Hikusa, na txhava kuta halanu natan'wikuma na n'wingasiva xileswi ni swirandraka, na mine na ningasiva xileswi n'wiswirandraka, akuva kungavi na timholova ni vukwele, ni mahlundru, ni kutravukana, ni mahlevo, ni kulumbetana ni kutikukumuxa, ni madzolonga.

Gl 5:22

Kambe amihandru ya Moya, i lirandru, ni kutrhava, ni kurula ni kutiyisela, ni kutrhavelana ni vunene, kudumbeka, kunabyala ni kutikhoma

Gl 6:1

Vamakweru, loko mhunu akumiwa na e nandrwini, n'wine lava vanga va Moya, mululamisani hi Moya lowu wa kunabyala, na utivonela ungatidringiwa na wene.

Gl 6:10

Hileswo-ke, leswi hingani nkama ahi yentxeleni leswi swinene ku hinkwavu, kambe ngopfu ku lava vanga vandangu wa vupfumeli.

Ef 4:2

hiku kutitrongohata hinkwaku ni kunabyala, kulehisa mbilu, n'wibyatrhanana hi lirandru, van'we ku van'wana.

Ef 4:31

A xiviti hinkwaxu ni tihanyi, a mahlundru, a pongwe, kumbe swifingeto aswive kule na n'wine, ni lixaka hinkwadru dra leswakubiha.

Va-le-Filipiya 4:5

Akunabyala kwenu akutibyiwe hi vhanu hinkwavu; a Hosi yi kusuhi.

I Tsl 2:7

nambi afa hiswikotile, kun'wibindra, swanga mupostola wa Kriste, kambe hidjuli kun'wibekisa hi kunabyala swanga mamana lweyi a vonelelaka vanakwe.

I Tmt 3:11

Aswive xitanu na vone a vavasati, avave lava vafaneliwaka hi xitxhavu, vangavi va mahlevo, vava lava vatipimelelaka akudeni ni le kunweni, vava lava vadumbekaka ku hinkwaswu.

I Tmt 3:3

angatinyiketeliki akunweni na kone angalebyiki; kambe ave lweyi akombisaka lirandru, anga wa kurula, lweyi angarandriki mali;

Yakobe 3:17

Kambe a vutlhari lebyi pfaka hi le henhla i kusungula ka hinkwaswu, kubasa; byirulile, ni kunabyala, ni kuyingelana, byitali hi lirere, mintiro ya hombe; abyi yentxi xihlawu-hlawu xa vhanu, abyi na kutiyentxisa.

Yakobe 4:11

Vamakweru n'wingakhaneleni kubiha van'we ku van'wana. Lweyi akhanelaka kubiha hi makwavu kumbe ayavanyisaka makwavu, akhanela kubiha hi Nawu, awayavanyisa. Kutani ke, loko uyavanyisa nawu, awumulavisi wa nawu, kambe umuyavanyisi.

I Ptr 2:1

Ke, na n'witriki vubihi hinkwabyu, vukanganyisi hinkwabyu, ni mandrendre, ni matrhoho, ni mahlevo,

I Ptr 3:10

Hikusa lweyi adjulaka kurandra a vutomi, ni kuvona a masiku manene, ampfekele lidrimi drakwe kuleswi mfani, ni nomo wakwe akuva wungavulavuli vukanganyisi.

I Ptr 3:8

Hi vugamu, vanani va mayanakanyela man'we, n'wili va kutretrelela, n'wini lirandru dra xikwavu, n'wivani vumbilu ni kutitrongohata,

I Ptr 4:4

Hi laha vambeni van'wihlamala leswi n'wingalongolokiki navu akuhonekeni loku kutlulaka mpimu, van'wisandra;

II Ptr 2:10

ngopfu-ngopfu lava tinyiketelaka kunaveleni lokunfani ka nyama, ni kusandra a ntamu wa vuhosi; vanivurena, avanaxitxhavu ku mintamu ya le tilweni, kuko va misola.

Yd 1:10

Kasi lavo varuka hinkwaswu leswi vangaswitivikiki; kambe hinkwaswu leswi vaswitivaka himatumbulukela yavu, swanga hi swihari leswi ngeke naku kuyanakanya, vatihona ha swone.

Yd 1:8

Switanu ni volavo kambe, valora, vahona miri yavu, vayalela vuhosi, varuka lava vafumaka kuphatimeni.