Tito 1:5 - Testamente Ledrimpswha ni Mapsalma

⁵ Leswi nikusiyeliki swone a Kreta hileswaku ululamisa leswi swisaliki, ni kubeka a vakulu-va-kereke amitaneni hinkwayu swanga hi leswi nikuleletisiki xiswone:

Tito 1:5 Iomraidhean Croise

Mintiro Ya Vapostola 11:30

Vaswiyentxa kunene, vaswirumela lava vakulu hi mavoko ya Barnabasi na Saulo.

Mintiro Ya Vapostola 14:23

Na swone vahlawuli vakulu akerekeni drin'wana ni drin'wana. Ntrhaku ka kukhongota ni hi kutitrona swakuda, vakombeli akuva vaxireleliwa hi Hosi leyi vabekiki ku yone vupfumeli byavu.

Mintiro Ya Vapostola 2:11

va-Yuda ni lava vandrulukeliki xiyudeni, vavitaniwaka hileswaku i va-Proselita, ni va-Kreta ni va-Arabiya, hinkweru hivayingela vakhanela hi tindrimi teru a amahlolana lawa makulu ya Xikwembu Nkulukumba.

Mintiro Ya Vapostola 27:12

Hi kuvona leswaku a hlaluku afa dringafanekelanga kutrhama ku drone hi Vuxika, vanyingi vapimisa leswaku i swa hombe vasuka, kone, vadringisa kuyatlhasa Fenise, dringa hlaluku dra Kreta ledri drilavisiki Nyingitimu ni N'walungu, ni Vupeladambu, vatatrhama kone hi Vuxika.

Mintiro Ya Vapostola 27:13

Kutiki kuhunganyana Nyingitimu, vapimisa leswaku vataswikota kuyentxa rengu dravu. Vakokela nsoma, vahangaweta hi kusuhi na Kreta.

Mintiro Ya Vapostola 27:21

Nakone afa kuhundra nkama wa kuleha na kungadiwi ntxhumu; kolahu Pawulosi ayima amakari kwavu aku: Vavanuna, afa swidjulekile akuva n'winiyingiseta hingasuki a Kreta, leswaku hingakumiwi hi mhangu leyi, ni kulahlekeliwa loku.

Mintiro Ya Vapostola 27:7

Hi masiku ya kuhlawa, hiwela hi kunana, na swihikaratela, hitlhasa amahlweni ka Kinido. Leswi a mheho afaka yingahipfumeleli a kuya mahlweni, hiwela hi le tlhelweni dra xihlale xa Kreta kusuhi na Salmona.

I Kor 11:34

Lweyi angani ndlala ade a kaya, akuva n'wingahlengeletaneli kuyavanyisiwa. Hi mintxhumu min'wana, nitatanyika a swileleto loko nitlhasa.

I Kor 14:40

Kambe hinkwaswu aswiyentxiwe hi mfanelo ni hi nawu.

I Kor 4:17

Hikola ka leswo nin'wirumeli Timotewu, anga n'wananga wa kurandreka ni kudumbeka a Hosini, akuva atan'widrimuxa a tindlela tanga ku Kriste, kukotisa leswi nidondrisaka matlhelo hinkwawu akerekeni drin'wana-ni-drin'wana.

Va-le-Kolosa 2:5

Hikusa, nambi ninge kone hi miri, ni na n'wine hi moya; na trhava kutiva leswaku n'wine n'wihanya hi nawu wa hombe na n'witiyi kupfumeleni ku Kriste.

I Tmt 1:3

Hiswoleswo nikutratriyiki ha swone, loko niya Makedoniya, leswaku utrhama a Efesa, akuva uleleta van'we leswaku vangatxhuke vadondrisa tin'wana tidondro,

II Tmt 2:2

Ni leswi uswiyingeliki ku mine amahlweni ka timboni letinyingi, swibeke ku vhanu lava kudumbeka, akuva vatadondrisa van'wana.

Tito 1:12

Mun'we ku vone, muprofeta wavu, ate: Va-Kreta va madrimi minkama hinkwayu, swivandra swa nhova, malolo ya kuyanakanyaka swakuda ntsena.