Tito 1:16 - Testamente Ledrimpswha ni Mapsalma

¹⁶ Vone vali vamutiva Xikwembu Nkulukumba, na kasi vamulandrula hi mintiro yavu. I vamfani ni vakutiyalisa, vangakotikiki ntxhumu amintirweni hinkwayu leminene.

Tito 1:16 Iomraidhean Croise

Rm 1:28

Na swone leswi vatrikiki kutiva Xikwembu Nkulukumba, xiswoswo Xikwembu Nkulukumba avanyikeli avutlharini bya kuhomboloka, akuva vayentxa leswi faka swingafanekeli.

Ef 5:6

N'winga kanganyisiweni hi mhunu hi maritu ya kuka ndlela. Hikusa hikola ka leswo, amahlundru ya Xikwembu Nkulukumba mawa henhla ka vana lava vangayingisetikiki.

I Tmt 1:9

na ativa leswaku a nawu awubekeliwanga mululami, kambe im-na, ku lava vamfani ni lava vakuyala kuyingiseta, vasandri ni vadohi, varuki ni va kuka-vukhongoti; vadlayi va vatatana vavu ni vadlayi va vamamana vavu; vadlayi va vhanu,

I Tmt 5:8

Kambe loko mhunu angalondrisi a va le kwake, ngopfu-ngopfu ku vandangu wakwe, lweyo alandruli khale a vupfumeli, mfuri atlula ni lweyi angalikinakupfumela.

II Tmt 3:17

akuva a mutireli wa Xikwembu Nkulukumba ava lweyi ahetisekiki, abekiseliwa mintiro leminene hinkwayu.

Tito 3:1

Vadrimuxe leswaku vatibeka hansi ka vafumi ni tindruna; leswaku vavayingiseta ni leswaku vatrhama na vatilulamiseli a kutira mintiro le minene;

Tito 3:3

Hikusa na hine a khale afa hili masinge, hili lava va kuka-kuyingiseta, lava valahlekiki, na hitirela a kunavela ka kubiha ni tinxaka-xaka ta leswi switrhavisaka miri, na hihanya hi vubihi ni xikwele, hili vanyenyiwa, na hivavenga.

I Yhn 2:4

Lweyi aliki namutiva Xikwembu Nkulukumba na anga bekisi swileleto swake, awa hemba, a xihlayelamfuri axi kone ku yene.

Yd 1:4

Hikusa kunhingeni van'we vhanu hi xihundla, lava kusukela ka khale vatraleliwiki kuyavanyisiwa; vhanu va kubiha, vandruluta timpswalu ta Xikwembu Nkulukumba weru hivubihi, na kone valandrula Yesu Kriste lweyi anga Mudondrisi weru ntsena ni Hosi.

Mpfuletelo 21:27

Ku wone kungaka kungahanhingeni ntxhumu lowu wa xambya, nambi kunhingena kone vagandreli va swikwembu swakuka ndlela ni vahembi, kutanhingena ntsena lava traliwiki bukwini dra vutomi dra Hambana.

Mpfuletelo 21:8

Kambe a matoya hinkwawu ni lavanga dumbekangakiki, ni lava vayentxaka swakunyenyentsa, ni vadlayi, ni va vumbuye, ni vangoma, ni lava khongotaka swifaniso ni vahembi hinkwavu, a yavelo dravu i tiva ledri pfuraka dra xivavula, i nga kufa ka vubiri.