Rm 9:32 - Testamente Ledrimpswha ni Mapsalma

³² Ha yini ke xana? Hikusa aswipfanga ku pfumeleni, kambe ntsena swive swanga hi mintiro. Xileswo vakhunguvanyekeli aribyeni ledri drivawisiki,

Rm 9:32 Iomraidhean Croise

Mt 13:57

Hikolahu ka swone vakhunguvanyeka ha Yene. Kutani Yesu aku ku vone: A muprofeta angapfumali xitxhavu, loko kunge ka lekwavu ni le ndlwini yake.

Lk 2:34

Kutani Simiyoni avatovokisa, ahangabyela Maria mamana wa Yesu aku: Lavisa, Maria, a ntrongwana lweyi atawisa ni kupfuxa lava va kutala a Israyeleni. Nikuva xikombiso lexi xitaka landruliwa hi lava vanyingi,

Lk 7:23

Akatekile lweyi angakhunguvanyekiki ha mine.

Rm 10:3

Hikusa leswi vakohliki hi vululami bya Xikwembu Nkulukumba, vadjulisisa kubekisa vululami byavu, a vatinyiketanga kululameni ka Xikwembu Nkulukumba.

Rm 11:11

Navutisa nangweso nili: Xana loko vakhunguvanyekile, vaweli mfuri xana? Aswivanga tanu. Akuwa kwavu wuvi nkama wa kuhuluxiwa va-Matiko, akuva ava-Yuda vatrhama ni vukwele hi van'wana.

Rm 4:16

Leswi hiswone leswi swibuyisaka kupfumela, akuva swiva hi timpswalu, leswaku a xidumbiso xiva lexi xitiyisiwiki a tinxakeni hinkwatu, na ange ntsena leswi swinga nawini, kambe na swone swiva hikupfumela loko kuviki na Abrahamu hikusa Abrahamu i tatana wa hinkweru,

I Kor 1:23

kambe hine hihuwelela Kriste lweyi avambiwiki axihambanwini, leswi swinga xikhunguvanyiso ku va-Yuda na kone swinga vusinge ku va-Matiko.

I Ptr 2:6

Hikusa ku Matralwa kuni leswaku: Vonani, nibeka a Siyoni a ribye dra hoka, ledri drihlawuliwiki, dra lisima; na kone lweyi apfumelaka ku drone angavina tingana.

I Ptr 2:8

na swone: Ribye dra kukhunguvanyisa, ni ribye dra kudohisa; vone lava vakhunguvanyeka aritwini, na vangayingiseti nambi ku leswi vakongomiseliwiki swone.